Populära bibelverser från Lǔkù 8

Dela

Kɛɛ jɔ̌ǒ beǒo kàan blǒ kɛn i nynaǒ pènmo bo nyopòà wɔ̌nʼɔ Nyesoaa win klě uu kàan klee sèn bo mǎ wlò jleě plě ü tùiǒ ii bo klee ü nee ii kmɔ̌ klě wlò kpae tǔn mǒ.”

È jɔ̌ɔ tìeǒ beě wiǎ slè i nynaǒ pènmo bo nyopòà wɔ̌nʼɔ Nyesoaa win, kɛɛ klě uu kmɔ̌ neneɛ mǒ bǔ ke nya mii ni kmɔ̌ɔ konkɔn noǎ klee pònpan klee ii kèjle nì kpɛ uu tǐ wùɛ u kɔnʼɔ, ii tè uǔ nu Nyesoaa konkwa tɛɛ.

Ii tìeǒ beě seɛ̌ blǒ kɛn i nynaǒ pènmo bo nyopòà wɔ̌nʼɔ winʼà tǐi doo tǐ jleě ii chǒn beě wlò jleě ü kme nii bo, kɛɛ uu tè wlò popoɛ chɛɛ̌n mǒ no. Ii tè bǔ po i kàan tè klě tǐ gbei wlòmo plě bo měne tèntɛn bɛ̌ diě, è nùǒ muu de.

È Ɔ gbɛ̀a u wan Ɔ je, “Mɛ kɔɔ̌n tè a seě kɛ tè wlò popoɛ kɔn?” Tà i kaenʼa uu wlò le plě u peaa fano, è kě u dɛ̌a klě uu chɛ̀ slè u je, “À Nyu taeà kɛ pìpia klee jbodoěe chɛ̀ ǐ tùiǒo Ɔɔ win bo?”

È ti jɔ̌ǒ beǒo snǔ mɔ̀ i nynaǒ pènmo bo nyopòà ü wɔ̌nʼɔ Nyesoaa win, kɛɛ kǔ bɔ̌ diě ɔ sɛ̀ lě i u wlò jleě le, ii tè u se winʼǒ ii tè kàan tè po u mǐi gblàe le klě uu kpni kukwǐi plɔɔ tu kɛn bo maěa bobo.

Dɛɛ doǒ nɛ̀ ɛ mono, noǎà wɛ̌aa Nyesoa mi i tàmo sàba. Je wɛ̌ noǎà kwɛɛǒo Nyesoaa win kwa konkɔn tè jleě mǒ bo i mi pepě mǒ beba, nyopò mǐ i jě.

Tà nynɔǒ ɔ jěa lɛɛ ɛ̈ moo ɔ slě wɔ̀ bɔ wɛ̌a, è nɔ̀ǒ kɔn fě sènʼa le ɔ̌ kɔlaǒ Jùsu kwne jemǒ bo ɔ̌ sèsaea Ɔ wlòmo keǒ nyopò wùɛǒ jemǒ tè kɔn tè ɔ tǒa Lɔɔ le plě ke ɔɔ kwɛ̌ǒ ɛ nuaa dɛ bobɔ̌ klě tǐi doo tǐ wlòmo. È kě Jùsu dɛ̌a ɔ je Ɔ je, “Ně nynejuju, nè tè wlò popoɛǒ kɔ̀nʼɔ klěě mǒ nɛ̀ǒ pean mò, ii tè mu, kpa plɔɔ bloblɛ.”

Ii tè Ɔɔ mɔ̀ cheěn nyo muaě Ɔ mɔ̀ ǔ sàla Ɔ momnɔ mǒ, è kě u dɛ̌a u je, “Chì Kpa Ämo, Chì Kpa Ämo, ä kwě leàò!” È Nɔ̀ǒ dǔa jemǒ Ɔ̌ tmɔɔ̌a pìpia klee jbodoěǒ bi poa kpee, è nìǒ tbala bo.