Populära bibelverser från Motíosi 19

Dela

Yésusu go bó ágɛna oŋgíso go bó oyana a amɔ́: «Naá busío bá batɔ, bó lɛ́ ndɔlɛ, kanɛ́ naá Asaŋa, boóma bá ndɔlɛ bó do báá.»

Hɔ́ɔlɔ́ bá dɛ báá gɔnɔ́ báandɛ́, goana nnyɔ́dɔ táŋɛ́ mmue. Mɔtɔ a dɛ ádóná kanɛ́ bɔ́ɔbɔ Asaŋa a mbaá nebígínyée.»

Yésusu go gundie a amɔ́: «Ábɔ, nó lɛ́ kanɛ go bana goŋaá, naá gobayɛga gá cí, Ugedí a mba bó gedíe onɔ́mɔtɔ́ na okɔ́dɔ o? Gɔ́ɔ a mbaá gálɛ́dá a amɔ́: “Go busío moánɛ gɔ́ɔ onɔ́mɔtɔ́ a ná húmemú naá nnyaŋá ya biisée, a bágódɛna okɔ́dɔ bɛhɛ́, biimée báandɛ́ bá bɛ́ɛmba nnyɔ́dɔ táŋɛ́ mmue.”

Aŋa Yésusu a mbɛɛ́ ɛ́ná boóma moánɛ, gɛ́hɛ́ go bó gálɛda a amɔ́: «Dɛ́ɛ́na nɔnɔ baábayɔ́ ŋgá bú úle mekúígíi namɛ, no do bó legé, goakɛ́ Bufuŋe bá mmoɛná bó lɔ́mɔ́ go batɔ báaba bá lɔ́mɔ́ aŋa bɔ́ɔ.»

Kanɛ́ gɛca gá báaba bá lɔ́mɔ́ bá busío godɔ́ɔdɔ bá ŋga bɛ́ɛ́mbá bá nnyimé; tɔ́nɔ gɛca gá báaba bá lɔ́mɔ́ bá nnyimé godɔ́ɔdɔ, bá ŋga bɛ́ɛ́mbá bá busío.»

Kɔ́ɔ, uŋkimée mɔ́ɔnyɔ a mbaá síé a báá dɛ́ɛ́ná nnyaŋá, na bolimóní bá banɔ́mɔtɔ́ na bá bakɔ́dɔ, isée, nnyeedíi, baábayɔ́ ɛ́na lí ntɛ́mɛ́, go busío bá ufíno yámɛ, a ŋga gɔnɔ́ bɛa moóma mɔ́ɔmɔ makɔ́nɔ́ mó dómba, tɔ́nɔ a gunde a bóda gɛɔyɔ gá kanɛ mesúge.

Yésusu go mo oyana a amɔ́: «Aáŋa o lɛ́galɛga go bɛ́ɛmba mammana, ɛ́dá, dúé buimée bɔ́ɔbɔ o lɔ́mɔ́ na bɔ́, go abana basógasoga, gɔ́ɔ o ná bɛamɔ́ bonɔ́mɛ naá mmoɛná. Naá nnyimé, úlé, mbienéemú.»

Yésusu go mo oyana a amɔ́: «Ɛkádɛ́ o ŋgúhenemú bɔ́ɔbɔ bó lɔ́mɔ́ bá besé o? Ummue táŋɛ́ mɔ́ɔ a lɔ́mɔ́ mammana. Aáŋa o lɛ́galɛga go íŋene naá gɛɔyɔ, bɛ́dɛ́gɛ́na bɛlɔsɛnɔ.»

Ŋgaá nyó fitínyé caá, bó lɛ́ fɛaŋɔ goŋaá gɛantá gá nnyama aŋa samóo gɛ́ dómba naá gɛasɛ́ gá nnɔndɔ, kanɛ́ bó lɛ́ ndɔlɛ goŋaá onɔ́mɛnɔmɛ ba mɔtɔ i íŋene naá Bufuŋe bá Asaŋa.»

Ŋgaá nyó oyáná caá, mɔtɔ a amɔ́ i inye ogɛ́ aáŋa caá goŋaá a á hémé hanyɔ́, a báá giŋé okɔ́dɔ untió, a á ŋaáa gɛdáŋa.»

Kɔ́ɔ Yésusu o oyanamɔ́ behúúní bɛ́hɛ́ a amɔ́: «Mammana mammana, ŋgaá nyó oyáná caá, bó lɛ́ ndɔlɛ makɔ́nɔ́ goŋaá onɔ́mɛnɔmɛ ba mɔtɔ i íŋene naá Bufuŋe bá mmoɛná.