Populära bibelverser från Sáŋa 15

Dela

Ndɛ́ mbɔ́gɔ́ ya bogónɛ́dá, bɛɛnyɔ́ɔ no lɔ́mɔ́ ɛtáfɛ. Mɔ́ɔnyɔ a gɛ́gamɔ́ báladáalú namɛ, yɔmɔ́ɔ báladáalú nɛhɛ́, be ndiemi a bɛanana bɛsamɔ́ fundufundu, goakɛ́ kanɛ yɔmɔ́ɔ, no do bósó ba go ŋa boóma.

Gɛ́gáa nɔnɔ báladáalú namɛ aŋa yɔmɔ́ɔ kɛ́gamɔ́ báladáalú nɛnyɔ́. Aáŋa otáfɛ yó do gɛ́gáa báladáalú na mbɔ́gɔ́ yó do báá bá go bɛa bɛsamɔ́ go yɔ́ moatɛ́. Bó lɛ́ tɔ́nɔ nɔ́ɔ go bɛɛnyɔ́ɔ, aáŋa no do gɛ́gáa báladáalú namɛ.

No amɔ́ no gɛ́ga báladáalú namɛ, tɔ́nɔ dogálɔ dámɛ dó gɛ́ga naá bɛɛnyɔ́ɔ, ɔŋɛ́nɔ nɔnɔ buimée bɔ́ɔbɔ no lɛ́galɛgamɔ́, no ŋga bó bɛáa.

Caá akɛ́ bɛɛnyɔ́ɔ no mbaá ŋgiyídé, yɔmɔ́ɔ mɔ́ɔ mbaá nyó iyídé, mbáá nyó dóma goŋaá no bɛa bɛsamɔ́, bɛsamɔ́ bɛ́nyɔ́ bɛ́ gɛ́ga. Hɔ́ɔlɔ́ gɔ́ɔ Baaba a ŋgaá nyó fáá buimée bɔ́ɔbɔ no ŋgaá mo ɔŋɛ́nɔ́ go ufíno yámɛ.

Gɛantáanta gá gɛnɔ́ɔ́nɛ́nɔ́ gɛ́ɛgɛ mɔtɔ a lɔ́mɔ́ ba go dúfie gɛ́ lɔ́mɔ́ goíŋene gá gɛɔyɔ gɛ́hɛ́ go begúle bɛ́hɛ́.

Otáfɛ uŋkimée naá yɔmɔ́ɔ yɔ́ɔyɔ yó lɔ́mɔ́ kanɛ bɛsamɔ́, a yó sómba; uŋkimée yɔ́ɔyɔ yó lɔ́mɔ́ na bɛsamɔ́, a yó fálona goŋaá yó bɛa bɛsamɔ́ gɔnɔ́ makɔ́nɔ́.

Gɛlɔsɛnɔ gámɛ gɛ́gɛ́ɛ: maamánɛ́náa nɔnɔ aŋa yɔmɔ́ɔ mmbaá nyó maamánáa.

Bɔ́ɔbɔ bó fáananamɔ́ Baaba nigúmi, bó lɔ́mɔ́ goŋaá no bɛa bɛsamɔ́ fundufundu; nɔ́ɔnɔ no dúfenye goŋaá no lɛ́ behúúní bámɛ.

«Ndɛ́ mammana ya mbɔ́gɔ́ ya bogónɛ́dá, Baaba a lɔ́mɔ́ uyogóní ba bogónɛ́dá.

Aáŋa mɔtɔ a dɛ gɛ́gáa báladáalú namɛ, bá mo nɔɔ go hanyɔ́ aŋa ɛtáfɛ yɛ́ɛyɛ bá báá ná sómbáa, ɛ kóta bá yɛ báda, bá yɛ nɔɔnɔnɔ naá íyuke, ɛ lɔ́kɔ.

«Nnyó oyanamɔ́ obɔɔ́ moánɛ goŋaá no bɛa bɛyaŋa bɛ́ɛbɛ ndɔ́mɔ́ na bɛ́, gɔnɔ́ bɛyaŋa bɛ́nyɔ́ bɛ́ bɛ́ɛmba dácɛ dɔgɛ dɔgɛ.

No amɔ́ no gumbene yɔmɔ́ bɛlɔsɛnɔ, no gɛ́ga naá gɛnɔ́ɔ́nɛ́nɔ́ gámɛ. Caŋa mmue namɛ, mmba gumbéné bɛlɔsɛnɔ bá Baaba, kɛ́ga báladáalú naá gɛnɔ́ɔ́nɛ́nɔ́ gɛ́hɛ́.

Gɛlɔsɛnɔ gɛ́ɛgɛ nnyó fáamɔ́ gɛ́ lɔ́mɔ́ goŋaá maamánɛ́náa nɔnɔ kanɛ́.

Aáŋa gɔ́ɔ no ɔ́bɛnɔnɔmɔ́ na batɔ bá cí, gásɛ́ bá nyó lɛ́galɛga, goakɛ́ no lɛ́ báábɔ́. Kanɛ́ no do bósó go ɔ́bɛnɔnɔ na batɔ bá cí. Yɔmɔ́ɔ mɔ́ɔ mmbaá nyó yáŋóná go batɔ bá cí, go busío moánɛ gɔ́ɔ bá nyó bɛlabɛlamɔ́.