Populära bibelverser från Sáŋa 16

Dela

Ŋgaá nyó oyánɛ́náa buimée bɔ́ɔbɔ go goŋaá no bɛa buumbénú naá gobálada gɔ́ɔgɔ namɛ. Naá cí yɛ́ɛyɛ no gɔɔ́ ɔ́bɛ́gɔ́nɔ́ɔ, kanɛ́ bɛáa nɔnɔ nigégé! Ŋgaá mánɛ́gɛ́ná bobɛ́ bá cí!»

Aŋa Giliíli ba mammana a ŋguú úlé, a ŋga nyó indényée naá mammana iŋkimée. A dɛ ŋgá gálagala go ufíno yɛ́hɛ́ yá moatɛ́, kanɛ́ a ŋgoó oyáa buimée bɔ́ɔbɔ a ŋgɔɔ́ ɔ́bɔ́, a nyó dóoginyo bɔ́ɔbɔ bó háananamɔ́ go bola.

Kanɛ́ gó nco go éme godɔ́ɔdɔ, no gá lɛ́ no do ɔŋɛ́nɔ́ boóma go ufíno yámɛ: ɔŋɛ́nɔ nɔnɔ, no gaá bɛa, hɔ́ɔlɔ́ gɔ́ɔ bɛyaŋa bɛ́nyɔ́ bɛ́ gaá ná bɛ́ɛ́mbá dácɛ.

Asáa gɔgɔ́, ŋgaá nyó oyáná mammana. Bó lɛ́ go besé yɛnyɔ́ goŋaá ŋgɛ́da, goakɛ́ aáŋa cɛ ɛ́dá, Ufuugí ɛdɛ́má a dɛ ná bóso go úle naá bɛɛnyɔ́ɔ; kanɛ́ caá ŋgɛ́da, nná nyó mo dómɛna. Mɔ́ɔ, aŋa ŋguú úlé, a ŋga dúfíe batɔ bá cí yɛ́ɛyɛ giédie gábɔ́ go busío bá bɔ́ɔbɔ bó lɔ́mɔ́ gɛlɔgɔ, bɔ́ɔbɔ bó lɔ́mɔ́ botɛ́nɛ́ɛ na bɔ́ɔbɔ bó lɔ́mɔ́ gobide bɛsɛnɛ gá Asaŋa.

Caŋa mmue nɛnyɔ́, no lɛ́ godɔ́ɔdɔ naá mecíkílí, kanɛ́ nná gɔnɔ nyó ɛ́na, gɔ́ɔ odɛ́má yɛ́nyɔ́ yó nɔ́ ɔ́bɔmɔ́ bɛyaŋa, mbɔ́dɔ ya bɛyaŋa ya goŋaá mɔtɔ a dɛ bósó ba go bɔgɔ. Aŋa buisí moánɛ bó ná bolamɔ́, no do ná ŋa no gɔnɔ ŋgúhene boóma. Mammana, mammana, ŋgaá nyó oyáná caá, no amɔ́ no ɔŋɛnɔ Baaba boóma go ufíno yámɛ, a gaá nyó fáá.

Mammana, mammana, ŋgaá nyó oyáná caá, no ŋga hímée no baŋa mbií ya nigúe, batɔ bá cí yɛ́ɛyɛ bɔ́ɔ bá yaŋa. No ŋga bɛ́ɛ́mbá naá mecíkílí, kanɛ́ mecíkílí mɛ́nyɔ́ má ŋga bénúgíe na bɛyaŋa.