Populära bibelverser från Sáŋa 14

Dela

Buumbénú bɔ́ nnyó síenemú, buumbénú bámɛ bɔ́ nnyó fáamɔ́. Cɛ á gá nyó fáá naá mbɔ́dɔ yɛ́ɛyɛ batɔ bá cí bá fáananamɔ́. Ŋgáa odɛ́má yɛ́nyɔ́ yó do sómbá sómbáa, no do bɛáa bofoá.

Yésusu go mo gundie a amɔ́: «Yɔmɔ́ɔ mɔ́ɔ ndɔ́mɔ́ pɛ́, yɔmɔ́ɔ mammana, yɔmɔ́ɔ gɔnɔ́ gɛɔyɔ. Mɔtɔ a dɛ ɛ́dánáa naá Baaba kanɛ go dómba naá yɔmɔ́ɔ.

Gɔ́ɔ Yésusu o oyamɔ́ behúúní bɛ́hɛ́ a amɔ́: «No do sómbá sómbáa ɛdɛ́má. No ágana odɛ́má yɛ́nyɔ́ naá Asaŋa, yó ágánáamɔ́ nɔnɔ tɔ́nɔ naá yɔmɔ́ɔ.

Kanɛ́ Ufuugí ɛdɛ́má, a lɔ́mɔ́ Gimmúmpúu gá Giliíli mɔ́ɔnyɔ Baaba a ŋgaá mo dómá go ufíno yámɛ, mɔ́ɔ a ŋgaá nyó húúnényée moóma muimée, a nyó úncugenye buimée bɔ́ɔbɔ mbaá nyó oyánɛ́náa.

Mɔ́ɔnyɔ a lɔ́mɔ́ na bɛlɔsɛnɔ bámɛ a báá bɛ́ gumbéné, ba ndiemi a mmaamana. Kɔ́ɔ mɔ́ɔnyɔ a mmaamanamɔ́, Baaba a ŋga mo maamánáa, yɔmɔ́ɔ tɔ́nɔ mmo maamana, kɔnɔ mmo bédúfenye.»

Yɔmɔ́ɔ kaá bósógólónyóo Baaba goŋaá a nyó dómɛna Ufuugí ɛdɛ́má uncodío goŋaá a bɛ́ɛmba nɛnyɔ́ bɛcamɛna biimée. Mɔ́ɔ a lɔ́mɔ́ Giliíli ba mammana, batɔ bá cí bá dɛ báá naá odɛ́nɛ́ yá go mo gɛ́ndɛgɛna, goakɛ́ bá dɛ mo ɛ́nánáa, bá dɛ mo íyíménée. Kanɛ́ bɛɛnyɔ́ɔ no mo íyimene, goakɛ́ a gɛ́ga naá boayá bɛ́nyɔ́, a lɛ́ naá bɛɛnyɔ́ɔ.

Buimée bɔ́ɔbɔ no ŋgɔɔ́ ɔŋɛ́nɔ́ go ufíno yámɛ, nná bó ŋa, go goŋaá nigúmi ná Isée nɛ́ bédúfie naá Moɔnɔ́. No amɔ́ no ŋgɔŋɛnɔ boóma go ufíno yámɛ, nná bó ŋa.»

«Aáŋa no mmaamana, no háanana go gumbene bɛlɔsɛnɔ bámɛ.

Naá nnyaŋá ya Baaba, gɛca gá indukí gɛ́ lɛ́ hɔ́ɔ, aáŋa caá nɔ́ɔ, gásɛ́ ndɛ́ kanɛ go nyó oyana caá mmanɛ go ɛ́da nyó gedinye undukí.

Aŋa nná ŋamɔ́ mbáa go ɛ́da nyó gedinye undukí, ndɛ go nco gunde nnco nyó gɔ́lɔ, goŋaá anáa ndɔ́mɔ́, bɛɛnyɔ́ɔ tɔ́nɔ no bɛ́ɛmba hɔ́ɔ.

Tómasɛ a amɔ́ gɛ́hɛ́ aá «Daadáa, dɛ dɛ manɛ́ go íyimene akɛ́ anáa go ɛ́danamɔ́; dɛ gaá ná ncó go íyime pɛ́ nɛ́ɛnɛ o?»