Populära bibelverser från Lurkaf 21

Dela

Khoermirnae, keuvle-eu laer ghae-eu heudeuq dawqtawv luf-anr nawmaf yabuq-ir-awr, Tsawrhaq-euq Zaqyo-euq maeqshi yawf-eu geux-eu tsawrhaq laer bisawxni, nawmaf aqmyanluf guiqlanq sharshar-aer, yawbeur beur-aer jawr-awq.”

“Nawmaf yawmuiq-aer yanr-awq. Dzaqyaef dawryaef-awr jiryaef tiqjawr-iq maqbeurni, daefzir gharduq khanqlanr-eu baqda’nae, nuima kafduiqni ghae-awr, maqnoeq maqdur-aer jawr ngae, arnan khoernan nawmaf-euq khoertav keuvle taef-a.

Nawmaf orcoer-eu baqda’nae, nawqmaf-euq nuima saflar za taef-a.”

Aqjeq mirnae aernar-aq, nawmaf-anr muir-eu tsawrhaq dawqtawvluf pyaer-eu khawf maq pyaernya-aer, lavtsoeq-eu khawf maq lavtsoeq nya-eu dawq hawr-eu zaqsiq tsawrganr, ngar, nawmaf-anr bifnaeq ma.

Mqmir byov-ir taef-a. Aerkhawf, ngaq-euq dawq-aq, tiqjeq ghaenae-iq maqbyov-ir-ar.”

“Khoerngae, nanrma, bala hawr-eu aqguir-anr nae bisiq bimawr-eu jeq dovle taef-a. Mirtsaq-euq khoertav jav-eu mirkhanq dawqtawv luf-euq khoertav shaq-awr zanq-eu jeq keuvle taef-a. Iqmalavshav hawr-eu irkhawr dzae-eu tersar manr duidui-eu mirnae, zanq duidui ler taef-a. Mirtsaq-euq khoertav keuvle teurle-eu laer ghae-eu garkawv deuq-anr tsawrhaqzaq sharnoeq ngae, guv-ir-awr surlar bar-ir taef-a. Aqjeq mirnae aernar-aq, mqtav-euq baoqdeuq nyaenyae-aer ghaelarjir taef-a. Khoerngae, aqyawfmaf, Tsawrhaq-euq Zaqyo baoq hawr-eu zawr huiq-eu yawshaef khanqsaer-euq lafkhoer, mqdmr-anr dziq-awr zafka le-eu gar ya’mawr taef-a.

Khoeruqtaf, ngaq-euq tsawrmyanr baqda’nae, tsawrhaq dawqtawvluf nawmaf-anr byae taef-a.

Mirluvluv duiduilar taef-a. Ghawqmya gar maef-awr shuf-eu jeq hawr-eu yawjaw nar-eu jeq keuvle taef-a. Mq-anr nae guvlar paq-aer ghae-eu jeq hawr-eu zawr huiq-eu bisiq bimawr-eu jeq dovle taef-a.

Guirdeuv deuvluf-eu gar maqaer, mirkhanq suqsaq luf-eu gar maqaer, nawmaf yagaq ngae guv-eu nuima taqanr. Aqjeq mirnae aernar-aq, heudeuq jeqhu ya pyeuflar-eu mae. Aerkhawf, tiqpov taef-aer arsaq saq-eu aryamq keuvle-eu maqngeur-a.” Khoeruqtaf, Yeqsur, aqyawf maf-anr heulof-aer aernaeq-euq mae, “Tsawrjeuq tiqjeuq tirjeuq deuvcae cae-awr, mirkhanq tiqkhanq tirkhanq deuvcaecae taef-a.

“Khoerngae, nanrma, bala hawr-eu aqguir-anr nae bisiq bimawr-eu jeq dovle taef-a. Mirtsaq-euq khoertav jav-eu mirkhanq dawqtawv luf-euq khoertav shaq-awr zanq-eu jeq keuvle taef-a. Iqmalavshav hawr-eu irkhawr dzae-eu tersar manr duidui-eu mirnae, zanq duidui ler taef-a. Mirtsaq-euq khoertav keuvle teurle-eu laer ghae-eu garkawv deuq-anr tsawrhaqzaq sharnoeq ngae, guv-ir-awr surlar bar-ir taef-a. Aqjeq mirnae aernar-aq, mqtav-euq baoqdeuq nyaenyae-aer ghaelarjir taef-a.

Khoeruqtaf, Yeqsur, aqyawf maf-anr heulof-aer aernaeq-euq mae, “Tsawrjeuq tiqjeuq tirjeuq deuvcae cae-awr, mirkhanq tiqkhanq tirkhanq deuvcaecae taef-a.

Yeqsur heulof-aer aernaeq-euq mae, “Aqcawq nae nawmaf-anr maershuir maqya bi shuirtawvni yanr-awq. Aqjeq mirnae aernar-aq, tsawrhaq ghawqmya’ni ngaq-euq tsawrmyanr-anr ghoeghoe-aer, ‘Ngar-aq, Kali ma’ laer aer-awr, ‘Aryamq dawqpae paele-euq mae’ laer aer taef-a. Khoermirnae, aqyawf maf-euq maeqnan taqcan taeghae.