Populära bibelverser från Лука 14

Dela

– Хэт щыщми садэжь къакӀоу, зянэ, зятэ, зишъуз, зилъфыгъэхэр, зышхэр, зышыпхъухэр шӀу зэрилъэгъухэрэм нахьи, зыпси шӀу зэрилъэгъурэм нахьи, сэ нахьышӀу сызымылъэгъурэр сигъогу рыкӀохэрэм ащыщ хъун ылъэкӀыщтэп.

Хэти зикъащ зезымыхьэу, сауж къырымыкӀорэм сигъогу рыкӀохэрэм ащыщ хъун ылъэкӀыщтэп.

сыда пӀомэ, хэти зышъхьэ зыгъэиныжьырэр Тхьэм ыгъэцӀыкӀущт, ышъхьэ зыгъэцӀыкӀужьыри Тхьэм ыгъэиныщт.

Ащ фэдэу шъуащыщэу хэти иӀэ пстэури къэзымыгъанэрэр сигъогу рыкӀохэрэм ащыщ хъун ылъэкӀыщтэп.

– Шъуащыщэу зыгорэм унэ плъэпӀэ лъагэ ышӀын фаеу хъумэ, ыпэ рапшӀэу тӀысэу, тефэщтым еплъэу, а унэр зэрэригъэкъун ахъщэ иӀэмэ, зэупчӀыжьын фаеба? Аущтэу ымышӀымэ, лъапсэр ыгъэуцугъэу, унэр ыухын зимылъэкӀыкӀэ, къэзылъэгъурэ цӀыф пстэури къыдэхьащхэу, моущтэу аӀощт: «Мы лӀым унэр ышӀынэу ригъэжьагъ, ау фэухыгъэп».

Ау гухэхъо Ӏанэ зытебгъэуцокӀэ, тхьамыкӀэхэр, сэкъатхэр, лъащэхэр, нэшъухэр къегъэблагъэх. АфэпшӀагъэр ахэмэ къыпфашӀэжьын зэрамылъэкӀырэм пае, гъогу мафэ утеуцуагъ. Шъыпкъагъэ зиӀэ цӀыфхэр къызытэджыжьхэкӀэ, афэпшӀагъэр Тхьэм къыпфишӀэжьыщт.

– Щыгъур дэгъу. Ау щыгъум ищыугъэ хэкӀымэ, сыдэущтэу ар пщыущта? ХьасэмкӀи ебзымкӀи ишӀуагъэ къэкӀощтэп, чӀадзыжьыщт нахь. РыдэӀонэу тхьакӀумэ зиӀэм зэхерэх.