Populära bibelverser från ཡོ་ཧ་ནན། 4

Dela

དཀོན་མཆོག་ནི་ཐུགས་ཉིད་ཡིན་པས་ཁོང་ལ་བསྙེན་བཀུར་བྱེད་མཁན་རྣམས་ཀྱིས་དམ་པའི་ཐུགས་ཉིད་དང་བདེན་པ་ཉིད་ཀྱི་སྒོ་ནས་བསྙེན་བཀུར་བྱེད་དགོས་ཞེས་གསུངས་སོ།།

འོན་ཀྱང་། ཡབ་ལ་བསྙེན་བཀུར་བྱེད་པའི་དུས་ཤིག་སླེབ་ངེས་ཤིང་ད་ལྟའི་དུས༌ཡིན་ཏེ། བསྙེན་བཀུར་རྣམ་དག་བྱེད་མཁན་རྣམས་ཀྱིས་ཡབ་ལ་དམ་པའི་ཐུགས་ཉིད་དང་བདེན་པ་ཉིད་ཀྱི་སྒོ་ནས་བསྙེན་བཀུར་བྱེད་པར་འགྱུར་རོ།། ཅིའི་ཕྱིར་ཞེ་ན། ཡབ་ཀྱིས་བསྙེན་བཀུར་བྱེད་མཁན་མི་དེ་ལྟ་བུ་རྣམས་འཚོལ་བའི་ཕྱིར་ཡིན།

འོན་ཀྱང་སུ་ཞིག་གིས་ངས་གནང་བའི་ཆུ་འཐུངས་ན་ནམ་ཡང་སྐོམ་པར་མི་འགྱུར། ངས་གནང་བའི་ཆུ་འདི་མི་སུ་ཞིག་གི་སེམས་སུ་ཆུ་མིག་འཕྱུར་བ་ལྟ་བུ་ཞིག་ཏུ་གྱུར་ཏེ་མཐའ་མེད་པའི་ཚེ་སྲོག་འཐོབ་པར་བྱེད་ཅེས་གསུངས་སོ།།

ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་དཀོན་མཆོག་གི་གནང་སྦྱིན་དང་ཁྱོད་ལ་ཆུ་གནང་བར་མཛོད་ཅེས་ཟེར་མཁན་དེ་སུ་ཡིན་པ་ཤེས༌ན། ཁྱོད་ཀྱིས་སྔ་མོ་ནས་མི་དེ་བསྟེན་ཅིང་ཁོས་ཀྱང་སྔ་མོ་ནས་ཁྱོད་ལ་ཚེ་སྲོག་དང་ལྡན་པའི་ཆུ་གནང་ངེས་ཡིན་ཞེས་གསུངས་སོ།།

དེ་ནས་སྐྱབས་མགོན་ཡེ་ཤུས་འདི་སྐད༌དུ། ང་རང་མངགས་མཁན་གྱི་དགོངས་པ་བཞིན་དུ་བྱེད་པ་དང་ཁོང་གི་ཆོས་དོན་སྒྲུབ་པ་དེ་ནི་བདག་གི་ཁ་ཟས་ཡིན།

ཡང་བུད་མེད་ན༌རེ། ཇོ་བོ་ལགས། ཁྲོན་པ་འདི་གཏིང་ཟབ་ཅིང་ཁྱེད་ལ་ཆུ་བཅུ་བྱེད་ཀྱི་ཡོ་བྱད་ཀྱང་མེད་པས་ཚེ་སྲོག་དང་ལྡན་པའི་ཆུ་དེ་གང་ནས་ལེན༌ནམ།

ཡང་བུད་མེད་ན༌རེ། ངས་སྐྱབས་མགོན་མཱ་ཤི་ཀ་སྟེ་ཁི་རིའི་སི་ཐོ་ཟེར་བ་དེ་ཕེབས་ངེས་པ་ཤེས༌ལ། ཁོང་ཉིད་ཕེབས་ནས་ངེད་རྣམས་ལ་དོན་ཐམས་ཅད་གསུང་བར་འགྱུར་ཞེས་སྨྲས་པ༌ལ། སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་གླེང་བཞིན་པའི་མི་དེ་ནི་ང་རང་ཡིན་ཞེས་གསུངས༌སོ།།

ཁྱོད་རྣམས་ཤོག་དང་། འདིར་མི་ཞིག་ཡོད་པར་ལྟོས་ཤིག དེས་ངས་བྱས་པའི་དོན་ཐམས་ཅད་རེ་རེ་བཞིན་གསུངས་པས་ཁོ་རང་ནི་སྐྱབས་མགོན་མཱ་ཤི་ཀ་ཡིན་ཀྱང་སྲིད་ཅེས་སྨྲས་པ༌དང༌།