Populära bibelverser från LUKA 8

Dela

Ak che mi ng'ung'unyek che myach, ko icheeget, che ye kagogas ng'olyoot, konam komyee, eng' mugulelwek che po telunateet ak ko myachen, ak koiiyo logoek eng' kagiiletapkei.

Ak che ki ibutyi katook, ko icheeget che ki kas, ak ye kaba kogiich kererwegap met ak mogornatosyek, ak poiboiyetap tuguugap sabooni, ama iyo logoek che nyiitootiin.

Ak icheeget che mi rwandet parak, ko ye kagas ng'aleek, koyan eng' poiboiyet, ak ma tinyei tigitik. Iyani ne matya, ak kochuchuigei eng' peetuutap yoomseet.

Ak ki leenji icheek, “Mi ano kayaneng'wong'?” Ki iyweis ak kokwong'yo, koleenjigei icheegei, “Ng'oo chiichi anyun, ne ng'atei agot usoonet ak peek, kot kogas iit ineendet?”

Ak chooto mi ooreet taban ko icheeget che ki kogas; yeityo konyo chesawilyet, ak konem ng'olyoot eng' mugulelwekwak, si ma nyoor kayaneet ak kesar.

“Amu ma mi kiy ne keunyei ne ma tuun ng'ang'oksei; ama mi kiy ne po ung'oot, ne ma tuun naaksei eng' ole lapkei.

Ak ye kingo keer kobogoryot kole, ma imuuch koung'ak, konyo kobotanonu, ak kobutyi ng'wony eng' tainnyi ak komwaita eng' taitap piik tugul kiit ne kaigoochi kotwa ineendet ak ole kagisaapto. Ak ki leenji, “Chebi, kagosaabin kayaneng'ung'; ui eng' kaalyeet.”

Ak ki pwa ole mi ineendet ak kong'eet, koleenji, “Kiptaiyat, Kiptaiyat, kagibegu!” Kong'eet anyun, ak koger kong' usoonet ak wasetapkei ne po peek: kosiis anyun araraita komung'do.