Populära bibelverser från LUKA 14

Dela

Ge motho a etla go nna a sa hloye tatagwe le mmagwe le mosadi le bana le bana babo le dikgaetšedi, le bjona bophelo bja gagwe, a ka se ke a ba morutiwa wa ka.

E a sa rwalego sefapano sa gagwe a tla a ntšhala morago, a ka se ke a ba morutiwa wa ka.

Gobane bohle ba ba ikgodišago ba tlo kokobetšwa; e a ikokobetšago o tlo godišwa.

Go bjalo le mo go lena; e a sa fularelego tšohle tše a nago natšo, a ka se ke a ba morutiwa wa ka.

Gobane ke mang mo ga lena, yo e rego ge a rata go aga morako o motelele, a se thome a dula a bala tšhelete ya gagwe, a tle a bone ge a na le ye e lekanetšego go tlo phetha modiro woo? E se be mohlomongwe ge a beile motheo a šitwa go phetha; a tloga a kwerwa ke bohle ba ba di bonago, ba re: Motho e o thomile go aga; mme o šitilwe go phetha.

Ge o dira monyanya o bitše bahumanegi, le digole, le bahlotši, le difofu. Ke mo o tlo go ba wa lehlogonolo ka gobane bona ga ba na se ba kago go bušetša sona; go bušetšwa wa tlo go bona mohla bahu ba tsogago.

Letswai ke selo se botse; fela, ge le tapa, le sa tlo nokwa kang? Ga le sa na modiro mo tšhemong le mo moroleng; ba le lahlela kgakala. E a nago le ditsebe tša go kwa a a kwe.