Populära bibelverser från SAN MARCOS 7

Dela

Camaja na yeripʉ caroorije na ca-tʉgooñari wame cõo caroorije átinucuma. Ato canacã wame majuu na cá-átinucurije ãa: Áti epericarã cʉtaje, jee rutirique, aperãre jĩarique, apeĩ nʉmore eperico cʉtaje, aperã na ca-cʉgorijere tʉjʉ ʉgoorique, aperãre rooro átaje, ĩitorique, aperãre wada pairique, mani majuuna, “Aperã netoro ca-ãcʉ̃ yʉ ãa,” ĩi tʉgooñarique, caroaro tʉgooñaquẽtie. Atie nipetiri wame camaja caroorije na majuuna na yeripʉ na ca-tʉgooñarije jʉgori rooye tuama.

Camaja na majuuna roorije na yeripʉ na ca-tʉgooñarije jʉgori caroorã ãma. Na ca-ʉgarije jʉgori mee caroorã ãma.

To bairo na ca-ĩiro oco bairo na ca-ĩiñupʉ Jesú: —Cariapena ca-ĩi ucayupi Isaía tirʉmʉpʉ macacʉ Dio ye quetire buiori majocʉ mʉja ca-baipere. Oco bairo ca-ĩi ucayupi: Ati maja, “Diore ca-mairã jã ãa,” ĩibana quena na yeripʉ yʉ tʉgooña nʉcʉbʉgoquẽema.

To bairi jocarãna, “Diore cá-áti nʉcʉbʉgorã jã ãa,” ĩinucuma. Na majuuna na ca-buerijere, “Atie Dio cʉ̃ ca-rotirique ãa,” ĩima. “Na cá-átinucurije Dio ye mee ãa,” ca-ĩi ucayupi Isaía.

Dio cʉ̃ ca-roti majuurijere mʉja átiquetinucu, camaja na cá-átinucurije macare cá-áti ʉjarã aniri. To bairi etirica bapare cojerique, ape rʉri cojerique jetore mʉja tʉgooñanucu. Capee wame mʉja majuuna mʉja ca-tʉgooñari wame átinucu, Dio cʉ̃ ca-roti majuurijere tʉgooñaquẽnana.