Populära bibelverser från SAN MARCOS 5

Dela

To bairo cõ ca-ĩiro: —Yʉ yao, caroaro yʉre mʉ ca-tʉgooña nʉcʉbʉgoro mʉ ca-riaye cʉtiere yʉ netoowʉ. Caroaro ca-riaye máco wariñuurique mena anicõaña yua, cõ ca-ĩiñupʉ Jesú.

Na paarãacã watoapʉ jicão ámo janaquetajere ca-riayecʉco Jesú jõcʉ bero ca-ejayupo. Doce cʉmari majuu tiere ca-riayecʉco ca-añupo. Cõre capaarã ʉcoyeri maja cõre na ca-ʉcoyebato quena to bairona ca-popiye tamuonucucõañupo. Cõ niyeru cõ ca-cʉgobataje quenare cõre na ca-ʉcoyero wapayebaco ca-wapaye peocõañupo. To bairo cõ cá-átibato quena cõ ca-riaye cʉtie ca-netoqueti majuucõañupe. Seetobʉjare rooro majuu ca-ria nutuajupo.

Cʉ̃ jutirore cõ ca-pañarona cõ ca-riaye cʉtibataje ca-janacoajupe. To bairi, “Meere, yʉre janacoapa yʉ ca-riaye cʉtie,” ca-ĩi tʉgooña majiñupo.

Ti arʉapʉ jãa ejari cõ wamopʉ ñeeri, cʉ̃ ye arameo mena ca-bai yajiricore oco bairo cõ ca-ĩiñupʉ: —Talita, cumi. To bairo ĩi, “Cawimao, wamʉnʉcaña,” ĩi ca-ĩiñupʉ.

Jesú cõre to bairo cʉ̃ ca-ĩri paʉna Jairo ya wii macana na tʉpʉre ca-ejayuparã Jesú cʉ̃ ca-anopʉre. Eja, cawimao pacʉ Jairore oco bairo cʉ̃ ca-ĩiñuparã: —Mʉ macoacã bai yajicoamo, meere, cʉ̃ ca-ĩiñuparã. —To bairi mani Ʉpaʉ manire cabueire to cõona cʉ̃ patowãcoo nemoqueticõaña, cʉ̃ ca-ĩiñuparã. Jesú maca to bairo na ca-ĩrijere apii neñapo buerica wii ʉpaʉre oco bairo ca-ĩiñupʉ: —Uwiqueticõaña. Uwiquẽcʉna yʉ macare tʉgooña nʉcʉbʉgoya, cʉ̃ ca-ĩiñupʉ Jesú.

Jesú wãti cʉ̃pʉre ca-jañaʉre cʉ̃ ca-buti rotirona to bairona ca-ĩi awajayupʉ. To bairo cʉ̃ ca-ĩi awajaro apii oco bairo cʉ̃ ca-ĩiñupʉ Jesú: —¡Wãti, ani camajocʉpʉre ca-jañaʉ, to cõona buti aácʉja! To bairo ĩri bero Jesú cʉ̃ ca-ĩi jeniñañupʉ: —¿Ñamʉ mʉ wamecʉtí? —Legión yʉ wamecʉ, ca-ĩiñupʉ. —Capaarã majuu wãtia jã ãa ĩi, to bairo yʉ wamecʉ, ca-ĩiñupʉ.