लुका किताबको राइपैचान
किताबको राइपैचान
यइ राम्मो रैबारको किताब लुका भुन्या मान्ठले लेख्या हो। यइ किताबमै इसु इस्राएलिहरुति आउन्याछुन् भुनि बाचा गरिया मुक्ति दिन्या ख्रिस्ट र स्हबै मान्ठहरुकन बचाउन्या तिँ यौं हुन् भुनि लेखियाछ। स्हबै मान्ठहरुकन राम्मो रैबार स्हुनाउन परमेसोर बाबाले इसुकन सुन्सारमै पठायाहुन्। यइ राम्मो रैबार स्हबै किसिमका खाँचोमै पड्या मान्ठहरुको ख्याल राखि लेख्याछ। यइ किताबमै राम्मो रैबारको अथ्थ छर्लंगै पाड्याछ। यइ किताबको पैलाका अध्यायहरुमै इसु आया कुडा र फेरि पछ्याल्ला भागमै इसु सोर्गमै उचालि गया कुडा भुन्याछ। इसु सोर्ग गयापछि ख्रिस्टिय बिसास बडेको र फिजिया कुडा लुकाले “प्रेरितहरुका काम” भुन्या किताबमै लेख्या छुन्।
अरु राम्मो रैबारको किताबमै नभया केइ कुडाहरु लुकाको राम्मो रैबारको किताबमै मात्तै पाइन्छुन् जस्तैः सोर्गका रैबार्याले गाया गुनगान, इसु जुन्मुदा गलाहरुले उनुको भेट्न आया, इसु भाउ भयाकै बेला मुन्दिरमै गयाका, भलो सामरि र हराया छोराको उखान। यइ किताब भरि बिसेस गरि यस्ता बिसयहरुकन जोड दियाछ जस्तैः प्रार्थना, पबित्त आत्मा, इसुको सेबामै स्हैनिहरुको कामको जुम्मारि र परमेसोरले मान्ठहरुको पापकन माफ दिन्या।
छोटो सुचि
राइपैचान १:१-४
बप्तिस्मा दिन्या युहन्ना र इसुको जुन्म र भाउ छन्जा १:५—२:५२
बप्तिस्मा दिन्या युहन्नाको सेबाको काम ३:१-२०
इसुको बप्तिस्मा र जाँच ३:२१—४:१३
गालिलमै इसुका सेबाको काम ४:१४—९:५०
गालिलदेखि यरुसलेम स्हम्म ९:५१—१९:२७
यरुसलेममै आखिरि हप्ता १९:२८—२३:५६
इसु मर्याबाट ज्युँदियर सोर्गमै गया २४:१-५३
Trenutno izabrano:
लुका किताबको राइपैचान: JUML
Istaknuto
Podeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2024 (Active), Mother Tongue Translators Society and Wycliffe Bible Translators, Inc. All rights reserved.