Yoane 16
16
1Ekyana dwo ni nerre huna jo oŋida ibyaŋata tai ipalata addi. 2Ifuhari adi isi itai to hasik imojiti bwo teyya ette noloŋ ’tuna an igigilorik lattok hatai jo egyama isi jyo Hollum. 3Ihanie adi isi jihatai ihwania, nyo obeŋi isi omijani Monye, obeŋi bu omijani nani. 4Hodwo hirre ekyana ni jihatai oŋida al attu noloŋ hosi igiluna tai jo eramak nya ni jihatai.
Egyama Ono Oloyiri ol Olibo
Abeŋ nya ni ekyana erre huna jihatai ahosyere nyo awon nya ni ikatai. 5Ihwania alo ni jyo lya al ifahu’to nani, obeŋ ati lobo alatai ifiyo nani jo, ?Aja ilo iye? 6Bwo fe ijiriŋati tai bebe nyo ekyana ni jihatai neram ana. 7Ati eramak ni itai ahode, oyyu jihatai luŋa jo oŋida ani alo addi. Al abeŋ ni alo, obeŋ adi Etalwahani ottu jihatai. Al alo ni efahu adi ni inyi jihatai. 8Al attu inyi ituruk adi inyi laati ta neram ono neyyauna, iko ono nalibori ojo bwo fe naŋoco hiram. 9Ituruk inyi isi te eram ono neyyauna nyo obeŋi nya isi iruhi nani; 10te neram ono nalibori nyo alo ni jyo Monye, ittata byaŋan igonyuna nani; 11ta aŋoco hiram nyo laŋoti neram ono hobu olo afau ana.
12Holwaji nerre hun awak ni ikyana jihatai ati ittallihoto tai itaniŋuna isi ahana. 13Ati al attu Oloyiri alya olo nelahode, ittiyenio adi inyi itai nerre daŋ hun arai ahode, nyo obeŋ adi inyi ikyana ta ahwan honyi hama, ati ikyana adi inyi jihatai nerre hun itayiru inyi bwo fe iramak adi inyi jihatai nerre hun ofwonni adi lihalu. 14Itahuyo adi inyi ani nyo omoju adi inyi nekyanita hoŋ ette iramana jihatai. 15Erre daŋ hun owoni jyo Monyoŋ arai ahunoŋ. Tania ajo ni jo iyaro adi inyi hunoŋ ette itahutana jihatai.
Ottu Adi Nejiriŋa Rahan Amuno
16Harasa kai ittata byaŋan igonyuna nani. Ojo gaa, ittata igonyuna ani. 17Tania ikikyanai omuk leyiyanak honyi ojori, ?Anyo hiram an ikyana inyi ojo, Harasa kai ittata byaŋan igonyuna nani, ojo gaa, ittata igonyuna nani, bwo fe alo ni jyo Monye? 18Arasai isi ittittifa anyo nekyana ana an ikyana inyi ojo, Gaa. Ebeŋ hohoi etaniŋu neram an ikyana inyi. 19Omijak ati Yesu jo, awahi isi ifiyo neram jihonyi, ette inyi jaran jihosi ojo, ?Herasati tai ittittifa awoyo ono ekyana hoŋ jo, Harasa kai ittata byaŋan igonyuna nani, ojo gaa, ittata igonyuna nani? 20Ahode ahode ajo ni jihatai, Iyyoti adi itai bwo fe iyihitati, ati laati asai omunoi adi. Ijiriŋati adi itai, ati ottu adi nejiriŋa hatai rahan amuno. 21Iburaŋatyo aŋotte nyo attu asaa honyi an isyori inyi eito ati al isiu inyi ogworo inyi adyaha ta amuno nyo isiu inyi eito ifau. 22Ati ihwania ijiriŋati tai, ati attu adi ni itai mijo attati atajya hatai muno, bwo obeŋ obo atulo ohororo amuno hatai jihatai. 23Ati jyo oloŋ ania ibyaŋata adi itai ifiyete ani omuk erre. Eramak ni itai ahode ahode erre daŋ hun ifiyete tai jyo Monyoŋ ta afure hoŋ isyo adi inyi jihatai. 24Many iko ahana ibyaŋata tai ifiyete obo ariŋ ta afure hoŋ. Ifiyete bwo isyori adi jihatai jo oŋida amuno hatai ifut.
Agalik ni Erre Hutta Fau
25Hodwo hirre ekyana ni jihatai ta narryamara. Ottu ati noloŋ an abyaŋari adi ni enyyak ikyanari jihatai ta narryamara, ati ekyana adi ni ahode nerre Monyoŋ. 26To oloŋ ania ifiyete adi itai erre ta afure hoŋ, ati abeŋ ni ajo jihatai jo amojo adi ni jyo Monyoŋ tetai. 27Nyo omuno bu Monyoŋ itai, nyo itai imunoti nani bwo fe iruhoto tai jo adyetuno ni jyo Monyoŋ. 28Adyetuno nya ni jyo Monyoŋ ette ’tuna lifau, ati edyaharo adi ni afau ette caharu jyo Monyoŋ.
29Ojori leyiyanak jihonyi jo, Ikeja, ikyana iye ihwania ekyana on oleyo, obyaŋara ta arryamara. 30Ihwania emijak hohoi jo imijak iye erre daŋ, ati ibeŋ iye ittifya obo atulo ifiyere iye to omuk erre. Tania eruk hohoi jo idyetuno iye jyo Hollum. 31Ojo Yesu, ?Iruhoto tai ihwania? 32Imijyete, ihuhutu asaa, ilyaha ihwania an itisarrahini adi itai ababo ihasik hatai, ittata tai ani idyaharo hama. Ati abeŋ adi ni etoŋo abotye nyo awon ni iko Monye. 33Ajo ni jihatai erre huna jo iwanata adi itai iko nelik tajya toni. Lifau ana inyurana adi itai ettigemyo, ati itagoloto atajya hatai nyo agalik ni erre hutta fau.
Trenutno izabrano:
Yoane 16: LOT1969
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
This text was originally published by the British and Foreign Bible Society in 1969.
