LUKAS 22
22
Posa'angu'an kahanda'mo mohakop i Yesus
(Mat. 26:1-5, Mrk. 14:1-2, Yoh. 11:45-53)
1 #
Kel. 12:1-27
Molame'akon Roti Madi' Mompake Ragi, anu osanggohi Paskah, ohanimo. 2Kapala nu to ima-imam tiba gulu-gulu' agama hau-haunyo molio jalan da o patei na i Yesus hoko-hokot, kalana aha nabuhuk hi mian da'isan.
I Yudas setuju mongkabisa'i Yesus
(Mat. 26:14-16, Mrk. 14:10-11)
3Lapas aitu Ibilis nompinsoopimo i Yudas anu osanggohi Iskariot, aijo'mo sala'samian anu aijo' hi aha sampulu' ka' ohua' na anu saja' mombatuki Yesus. 4Kalana aitu i Yudas namba ka' binasale' tiba kapala nu to ima-imam ka' kapala nu anu monjagai Laigan nu Tumpu pa' mosia na ia timbali mombee' i Yesus hi aha. 5Aha sinanang hondo ka' binajanji' mombee'i doi ia. 6I Yudas mule' sinetujumo, ka' nontampu'unimo nolio kasampatan mombee' i Yesus hi aha hoko-hokot da madi' nusumbu-sumbu' nu mian.
Posadiaon anu okaan i Paskah
(Mat. 26:17-25, Mrk. 14:12-21, Yoh. 13:21-30)
7Tinokamo na sinaanyo Molame'akonmo Roti Madi' Mompake Ragi, saba' domba anu okaan i Paskah okolotmo. 8Jadi i Yesus nonsaimo i Petrus ka' i Yohanes, “Lako' posadia na anu okaanto i Paskah.”
9“Iyamae, Kita Tuuma na okahanda'into pontoukaian mami?” na pinokilawa nu aha.
10I Yesus nontaami, “Salatan komiu minsoopmo i kota, samian na mo'ane hau-haunyo momboa sa'angu' na selekan ko isinyo uee singkabotmo ka' komiu. Batuki na ia toka i laigan pipinsoopannyo, 11ka' poto'i hi tumpu nu laigan aijo': Koonyo i Gulu', ‘Iya na tampat, da anu saja' mombatuki Aku, tiba Aku mongkaan kaanon nu Paskah?’ 12Tumpu nu laigan aijo' mompotiju'je hi komiu sa'angu' na salipi' aita' mae i bangkala daka', daagi'mo iwi-iwi' na talakonannyo. Posadiamo iwi-iwi' i kiita' mae.”
13Atina' ka' i namba na i Petrus tiba i Yohanes, lantas nontokai iwi-iwi' totu'u sumo anu tinaloakonmo i Yesus. Aha nomposadiamo kaanon nu Paskah aijo'.
Palajamuan nu Tumpu
(Mat. 26:26-30, Mrk. 14:22-26, 1Kor. 11:23-25)
14Salatan tinokamo na tempo'nyo mongkaan kaanon nu Paskah aijo', i Yesus sinumuhangmo hingga-hinggat tiba aha iwi-iwi' anu saja' mombatuki Ia i tampat palajamuan. 15Lantas ia notataemo hi aha, “Aku mongka'oho' hondo mongkaan kaanon nu Paskah aiya tiba komiu hau-haunyo aku ma'isa mongoa'i sansala! 16Kalana aijo' palesayamo: Aku madi'mo po'ule' mongkaan sampe alati'nyo nu palajamuan aiya opaningkoyakonmo i Dunia Bu'ou nu Tumpu.”
17Lapas aijo' i Yesus nohangkatmo mangko' nu anggur, lantas nontaloakonmo do'a talima kase hi Tumpu, lantas notatae, “Ala na aiya ka' bagi-bagiakon; 18da osumbu' miu: otampu'uni uuka aiya, Aku madi'mo po'ule' monginum anggur aiya sampe Tumpu momponyata'mo totu-totu'u kakuasa'annyo.”
19Lapas aijo', i Yesus nongalamo roti. Ka' noko taloakon do'a pontalima kase, Ia nompuge-pugemo roti aijo' nu lima-Nyo lantas nombee'mo hi aha, ka' notatae, “Aiyamo na butong-Ku [anu binee' da bau bagi miu. Bau na aiya da bau ponginau' Aku.” 20#Yer. 31:31-34 Sumo aitu mule' noko kaan, Ia nombee'mo mangko' nu anggur aijo' hi aha ka' notatae, “Mangko' aiya, salaku pontandai nu Tumpu Allah anu bu'ou anu sinela'mo nu baso'-Ku – baso' anu jinujuhakonmo hi komiu].”
21 #
Mzm. 41:10
“Panyo toa! Mian anu monguesani Aku, daagi'mo i aiya hi belengku! 22Anak nu Mian memang silaka sumo anu tinantukanmo nu Tumpu; panyo mohumpak susa' na mian anu monguesani Ia!”
23Sahingga aha nontampu'unimo nompaha poki-pokilawa samian tiba samian, ihe na anu aitu hi aha na mombau han aijo'.
Painggagaan mongkona ihe na anu opopodaka'
24 #
Mat. 18:1, Mrk. 9:34, Luk. 9:46 Anu saja' mombatuki Yesus pinainggagamo mongkona pa' ihe na anu aijo' hi aha na opopodaka'. 25#Mat. 20:25-27, Mrk. 10:42-44 I Yesus notatae hi aha, “To Tomu-tomundo nu bansa anu madi' monsumbu' Tumpu monsakisa layatnyo, ka' anu ko kuasanyo osanggohi ‘Pohohungi Layat’. 26#Mat. 23:11, Mrk. 9:35 Panyo komiu madi' timbali sumo aijo'. Ola ahi', mian anu opopodaka' atina' hi komiu tionyo timbali sumo mian anu talalo i aluknyo, ka' polaya' tionyo timbali sumo posaihon. 27#Yoh. 13:12-15 Ihe na anu lebe daka': mian anu sumuhang mongkaan i meja', kabai anu mongatuni ia? Tantu mian anu sinumuhang aijo'. Panyo Aku aiya hi komiu sumo salaku posaihon.
28I uno nu kasusa'an-Ku, iwi-iwi' komiu saja' hingga-hinggat ka' Aku. 29Sumo Tuumangku nombee'imo hak mompalentah, sumo aitumo mule' na Aku mombee' hak aijo' hi komiu. 30#Mat. 19:28 Ka' desumo aijo'mo, komiu timbalimo hingga-hinggat balasanang tiba Aku, de Aku timbalimo Tomundo. Ka' komiu saidi' mae sumuhangmo aita' i sampulu' ka' ohua' na kasuhangan nu Tomundo, da mompalentah sampulu' ka' ohua' na tulunan bansa nu Israel.”
Sisik saidi' mae i Petrus nombahakonmo i Yesus
(Mat. 26:31-35, Mrk. 14:27-31, Yoh. 13:36-38)
31“Simon, Simon, hongo! Ibilis binee'anmo kasampatan da monguji' komiu; sumo gandum oga'atakonmo i kilitnyo sahingga anu ma'ima' oga'atakonmo i anu ma'idek. 32Panyo Aku nondo'akonmo beleyum, Simon, da palesaya nu beleyum anu totu-totu'u boli tolotutus. Ka' de beleyum minsusule'mo mae hi beleng-Ku, beleyum tionyo mompohoson to utu-utusum.”
33I Petrus nontaami, “Tumpu, aku halala' minsoop i talungku', ka' mate hingga-hinggat tiba Kita Tuuma!”
34“Opalesaya Petrus,” tukoo-Nyo i Yesus, “ma'isa pe'e manuk mintutuhu' sinaa aiya, beleyum pintolunmo na momadi'akon Aku.”
Dompet, botutu, kabai bajak
35 #
Mat. 10:9-10, Mrk. 6:8-9, Luk. 9:3, 10:4 Lapas aijo' i Yesus notatae hi aha, “U'utumae tempo'nyo Aku nonsai komiu, madi' nompobee' komiu momboa dompet, botutu, kabai sapatu, kabai kinakulangan apa-apaa na komiu?”
“Madi'!” tinaaman nu aha.
36“Panyo uuka aiya,” koo-Nyo i Yesus, “ihe na ko dompet kabai botutu, tionyo momboa; ka' ihe na madi' ko bajak, tionyo nupobaluk na juba'nyo, da bau pongoli bajak. 37#Yes. 53:12 Kalana, palesaya, ayat nu Kitab nu Tumpu nompoto'imo sumo uuka, ‘Ia o tuuk sumo mian anu ma'idek,’ tionyo aijo' timbalimo i butongku. Kalana apaa na tinulis i Kitab nu Tumpu Allah mongkona aku hau-haunyomo tinimbali tempo' uuka.”
38“O Tumpu,” koonyo nu anu saja' mombatuki Yesus, “toa, i aiya daagi' ko bajak ohua'.”
“Boli!” na koonyo i Yesus.
I Yesus binalado'a i Bungkut nu Zaitun
(Mat. 26:36-46, Mrk. 14:32-42)
39I Yesus nompala'i kota, ka' i namba susumo biasanyo i Bungkutnyo nu Zaitun, ka' anu saja' mombatuki Ia namba suele ka' Ia. 40Salatan tinoka i kiijo', Ia notatae hi aha, “Balado'a, da komiu boli baladosa' de komiu o sobai.”
41Lapas aijo' Ia namba sangkiding majo'on lengkat hi aha, kila-kila kojo'onnyo sambunu'an batu. 42Lantas tinolodadupu ka' binalado'a. “Tuuma,” na koo-Nyo, “de timbali opojo'onakon hi beleng-Ku na sansala anu tionyo Ku oa'i aiya. Panyo boli o ala i pongka'oho'-Ku, o ala ahi' samata-mata i pongka'oho' nu Kita Tuuma.” [ 43Samian na malaikat tinoka hi Ia ka' nombee'i kahosonan Ia. 44I Yesus talalomo hondo nongoa'i sansala i kinyonyoa, sahingga Ia nompaka balado'amo totu-totu'u. Liasa'-Nyo sumomo baso' jinumuju' i tano'.]
45Noko balado'a, i Yesus po'ule'mo ninsusule' hi anu saja' mombatuki Ia. Tinokan-Nyo na aha hau-haunyo hoyot, kalana talalomo nolibos. 46Lantas Ia notatae hi aha, “Kadaka' komiu hoyot? Bulamo ka' balado'a da boli komiu nukona nu ponsobai.”
I Yesus i hakop
(Mat. 26:47-56, Mrk. 14:43-50, Yoh. 18:3-11)
47Hau-haunyo i Yesus daagi' basisik tinokamo na sanggombu mian. Aha i laya' mae i Yudas, sala'samian anu saja' mombatuki Yesus. Lapas aijo' i Yudas namba hi Yesus, lantas ingookan-Nyo. 48Panyo i Yesus notatae hi ia, “Yudas, te beleyum mongooki atina', beleyum monguesanimo Anak nu Mian?”
49Salatan anu saja' mombatuki Yesus anu i kiijo' nontoa, apaa na anu timbali saidi', aha notatae, “Tumpu, otabasmo mami nu bajak!” 50Lantas sala'samian aitu hi aha nontabas posaihon nu imam daka' nu bajak, sahingga nosahing na bihingnyo koanan.
51Panyo koonyo i Yesus, “Bolimo!” Lantas kinanyang-Nyo na bihing nu mian aijo' ka' pina'alinakon-Nyo.
52Lapas aijo', i Yesus notatae hi kapala nu to ima-imam ka' to sulu-suludadu ponjagai Laigan nu Tumpu, tiba to pola-polaya' nu Yahudi anu tinoka i kiijo' kahanda' mohakop Ia, “Te Aku aiya mian ma'idek, sampe komiu toka ka' bajak tiba amangkun kahanda' mohakop Aku? 53#Luk. 19:47, 21:37 Sansina-sinaa Aku tiba komiu kiijo' i Laigan nu Tumpu, komiu madi' mohakop Aku. Panyo aiyamo na tempo'nyo komiu mohakop, tempo'nyomo kuasa nu pintung montoongimo pamalentahannyo.”
I Petrus nombahakon i Yesus
(Mat. 26:57-58,69-75, Mrk. 14:53-54,66-72, Yoh. 18:12-18,25-27)
54Aha nohakop i Yesus ka' binoa-Nyo i laigan nu imam daka', I Petrus nombatuki akaong mae majo'on. 55Itotonga' nu popasan aijo' apu i hopun pinomoakmo, ka' i Petrus namba sinumuhang tiba to mia-mian anu suha-suhang i duhu-duhuknyo. 56Sala'samian pokauhon boune nontoa i Petrus suha-suhang i sohipi' nu apu hopun aijo'; lantas posaihon boune aijo' solaa'mo nonjonohi i Petrus, ka' notatae: “Mian aiya suele u'uka nojajalan ka' i Yesus!”
57Panyo i Petrus nojalo. Ia notatae, “Aku madi' hondo monsumbu' mian aijo'!”
58Madi' pinin mule' samian nontoa i Petrus ka' notatae, “Beleyum suele sala'samian lengkat hi aha!”
Panyo i Petrus nontaami, “Madi', misa' aku!”
59Kila-kila sajam ilapas aijo', samian mule' na notatae daka-daka', “Memang mian aiya anu saja' mombatuki Yesus, kalana ia suele mian nu Galilea!”
60Panyo i Petrus nontaami, “Apaa na kooyum atina', madi' kusumbu'!”
Tempo'nyo aitu mule' hau-haunyo i Petrus daagi' basisik, manuk nintutuhu'mo. 61I Yesus nonsiloi ka' nontoa i Petrus. Lantas i Petrus tinonginau'mo hi Tumpu notatae hi ia, “Ma'isa pe'e manuk mintutuhu' sinaa aiya, beleyum pintolunmo mompojalo Aku.” 62Saba' nosabat na i Petrus lengkat i kiijo' ka' nohohunsuk lewa' i humaang.
I Yesus binia-biangakon ka' dinoke
(Mat. 26:67-68, Mrk. 14:65)
63To mia-mian anu hau-haunyo monjagai Yesus, nombia-biangakonmo ka' nondoke Ia. 64Binobodan nu aha na mata-Nyo ka' pinokilawa nu aha hi Ia, “Soba tili'i, ihe na nondoke Oko?” 65Daagi' manjoo' na potatae anu pinompo'ambang nu aha tinaeakon hi Ia.
I Yesus i ahop nu Mian Kopian Daka' nu Agama
(Mat. 26:59-66, Mrk. 14:55-64, Yoh. 18:19-24)
66Subu-subu, to pola-polaya' nu Yahudi, kapala nu to ima-imam, tiba gulu-gulu' agama sinilimu'mo, lantas i Yesus binoa pino'ahopakon hi Mian Kopian Daka' nu Agama nu aha. 67“Poto'i hi kami,” koonyo nu aha hi Ia, “pa' Beleyumo aiya na Tomundo anu Momposalamat?”
I Yesus nontaami, “De Ku poto'i hi komiu, komiu ahi' madi' palesaya. 68De Ku pokilawa hi komiu, komiu ahi' madi' montaami. 69Panyo otampu'uni uuka, Anak nu Mian sumuhangmo i sasu koanan nu Tumpu anu talalo Mongkuasai.”
70Aha iwi-iwi' notatae, “Desumo atina' Beleyum aiya Anak nu Tumpu?”
I Yesus nontaami, “Sumo itina' anu tinaeakonmo miu.”
71Sahingga aha notatae, “Madi'mo pilenje ko sakisi! I hongomo hi posi nganga'-Nyo!”
Trenutno izabrano:
LUKAS 22: LAILOE
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
