Mateo 11
11
Nyongea ya Yohana msingula wanhu
1Aluja Yesu luyamalile kuwalagiza wanahina zake umulongo umwe na wabili, kakulawa hiko, kachola kuwalanguliza na kupeta mbuli muna iviwambo vyawo. 2Na heyo Yohana viyahulike hiko kuyafungigwe manzonza gake Kristo, kawagala wanahina zake kumuuza, 3“Gweye yuyo Yuja Yokwiza hebu tumbete iyagwe?” 4Yesu kedika kawalongela, “Gendeni mkampetele Yohana gomuhulika na gomkona! 5Vimbugumbugu wolola, mbetembete wochola, wene dikulu wohonyigwa, watulike gamagutwi wohulika, wafile wozusigwa, awo iwakiwa wopetelwa Mbuli Inogile. 6Vyemela kamota imunhu yalekile kwihilwa na niye!”
Ulaguzi wa Yohana msingula wanhu
7Ahewo vuwacholile kumwawo, Yesu kasonga kuwapetela iwanhu simulizi za Yohana yolonga, “Mweye mlawa mgenda kuluwala kulola choni? Misanze itigiswa na beho? 8Hebu mlawa mgenda kulola choni? Munhu yavazigwe miguwo imitali? Lola wanhu wovala miguwo imitali wamumo mzingʼanda zawo watawala. 9Bali hiyo, habali mlawile? Kumulola mlaguzi? Ona, nomulongelani, aheyo yobanza mlaguzi! 10Hiyo yuyo yandikilwe: Lola nomgala msenga wangu hakihanga chako, yondayaigolose nzila yako hakihanga chako. 11Amini nomulongelani, hanalawilila munhu yaleligwe na mtwanzi yawe mkulu kubanza Yohana Msingulawanhu; komu yali imdodo muundewa wa Mulungu, yuyo mkulu kubita heyo. 12Lulawile milongo ya Yohana Msingula-wanhu kuzigila sambi, Undewa wa Mulungu wokwingilwa na mhiko; awo wene zimhiko woubokonya. 13Kilumbo walaguzi wose na Inzuma yenyecho walagulila kikomo cha Yohana. 14Avo muhalonda kuvumila, heyo yuyo Eliya yondayeze. 15Mwene magutwi nayahulike!
16Noulinganiza na choni mlelo uno? Ulingana na wana wokala hagulilo, wowakema wayawo wolonga: 17Tumtowelani vifyengwe bali hamvinile; twiyalala bali hamulilile! 18Kwa mzoko Yohana keza, hadile wala hangʼwile ugimbi, wamulonga, Kana mizuka. 19Mwanage Munhu keza, yoja, yongʼwa ugimbi, na hewo womulonga, Mja vihile yuno, kabili mngʼwa ugimbi, mbwiga wawo wawila kodi na wene matozo. Na nghungwe ya Mulungu yohuma mkitala yogamba mzihoko kwa sanghano zake!”
Kuwakomhokela watatali
20Baho yandusile kuikomhokela imiwambo ija ikalile itendigwa malolomboto gake bwando, kilumbo haigaluke. 21“Leka kojona, gweye Korazini! leka kojona Betisaida! Kilumbo vilolomboto vija visanghanilwe kumwako, maza kamba visanghanwe muiisi ya Tiro na Sidoni, wahagaluke mwaka na kuvala magunia na kubakala mitozi! 22Bali heyo nomulongelani, vokuwa vibuhile Tiro na Sidoni kwazaganya usungu wawo disiku ja ukutaguswa kubita mweye. 23Nagwe Kapernaumu kokitopa kamba ‘kukwenezwa mpaka kuulanga; kohumuluswa mpaka kuzimu.ʼ Kilumbo vilolomboto vija visanghanilwe kumwako maza kamba visanghanwe muiisi ya Sodomu, dihakalile baho wambo hijo na lelo! 24Bali heyo nomulongelani, vokuwa vibuhile isi ya Sodomu kwazaganya usungu wake disiku ja ukutaguswa kubita gweye.”
Kuhumuza wene mitwalo
25Kikomo kikija Yesu kedika kalonga, “Nokutuniza Tata, Mndewa wa Ulanga na isi, kilumbo manzonza gano kuwafisa wene fiyuko na ngelegeza, kuwagubulila ivinghele. 26Ona Tata, vivo vikunogele gwegwe.
27Vyose ngwelelwa na Tata wangu, avo haduhu yamtangile Mwana bali Tata, kabili haduhu yamtangile Tata bali Mwana, na yoyose yondayamnogele Imwana kumgubulila.
28Izoni kumwangu amweye mose mgaya, na wene kupotwa na mizigo, na niye nomuhumuzani. 29Soleni kwangwazi jangu, mwilangulize kumwangu, kilumbo niye mhola na moyo wangu uhola, na mweye mopata mhumulo mmiyoyo mmwenu. 30Kilumbo kwangwazi jangu dilegela, na mtwalo wangu ubuha.”
Trenutno izabrano:
Mateo 11: ZAM75
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
New Testament in Zaramo © United Bible Societies, 1975.
