Popularni biblijski stihovi iz शक्ति काम 2

Podijeli

ठिजीन पत्रुसकी “था ख्‍योकोन गाङेकी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे येशू ख्रीष्‍ट मिनगी छ्य्‌वापेई बप्‍तिस्‍मा लोङ। थेमे परमेश्‍वरगी ख्‍योकोन पापतेबा माफ तेरग्‍यो। थेमे ख्‍योकोनगी परमेश्‍वर आत्‍मा ङेत्‍क्‍यो।

येशूला विश्‍वास खित्‍कान्‍तेबेकी येशू ख्रीष्‍टकी खटे खाबाते मिओनगी लापाते बातओन लेमु खाला ङेन्‍गीन ओतान। थेबा ङ्योम्‍बुराङ डिक्‍ला देत्‍च्‍येते, प्रभु भोज साच्‍येते थेमे परमेश्‍वरला प्रार्थना खित्‍च्‍येते खिन ओतान।

थोक खाईन थेबा गाङेकी परमेश्‍वर आत्‍मा ङेत्‍कीन थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी परमेश्‍वर आत्‍मेकी खोपरोङला खित ज्‍युताच्‍योक च्‍योकराङ खाईन खोपरोङगी छ्या मास्‍येबाते खुदुक खुदुकते भाषाला बात खिताला स्‍यूसुङ।

थेबा थोक खाईन देता ओते बेलाला च्‍यि ओङसुङा सासीन थेबेकी खोपरोङ देताते खाम्‍बा खाङ थाराङराङ आउदी छ्येज्‍यीक ल्‍हाबा चले खाबाते ङोरो च्‍योक थोसुङ। थे ङोरोचेन नामनेकी वाबा ओतान। थेमे जोदाज्‍यीक मे बाराते च्‍येला च्‍योकस्‍यिक थेरू ओङाङ थेबेकी थोङसुङ। थेचेन ठाल्‍गीन गाल्‍गीन थेरू ओताते मिबरी गाङे लाक्‍तु फाप्‍सुङ। थोक खाईन थेबा गाङेकी परमेश्‍वर आत्‍मा ङेत्‍कीन थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी परमेश्‍वर आत्‍मेकी खोपरोङला खित ज्‍युताच्‍योक च्‍योकराङ खाईन खोपरोङगी छ्या मास्‍येबाते खुदुक खुदुकते भाषाला बात खिताला स्‍यूसुङ।

थेबा ङीमे ठाङमा परमेश्‍वर मन्‍दिरदु जम्‍मा ओङला ङ्योम्‍बुराङ परमेश्‍वरला प्रार्थना खिन ओतान। थेबेकी दोक्‍पोईकी ज्‍येनज्‍यीकला ईख इबी खुरगीन मेतान। बरू खाम्‍बा खाम्‍बाला रूला प्रभु भोज साच्‍येते थेमे गा खिन ङ्योम्‍बुराङ साप साच्‍येते खिन ओतान। थोक खाला छ्वाला रूला थेबाचेन जहिलेङ परमेश्‍वरते जय जय खिन ओतान। ज्‍येन ज्‍येनगीङ थेबाला लेमु मि ईन सिन मान खिन ओतान। थेमे प्रभु येशूकी थे खोरोङ छ्य्‌वापा लै खित्‍कान्‍ते मिओनला पापदुकी टाल्‍ला थे खोरोङला विश्‍वास खित्‍कान्‍ते मिओन ङीमे ठाङमा फेल ज्‍युत्‍कीन ओतान।

थेकीचेन ‘परमेश्‍वरगी च्‍यि सिका सासीन था दि जुग सिन्‍दे खाला ङा मि गाङेला ङाराङ आत्‍मा तेरग्‍यो। दोक ओङनामेई ख्‍योकोन फुज्‍युङ फुमुबेकी ङे सिर च्‍युताते बात खिओ। थेमे स्‍याराते मिओनला ङा मिलाम खित ज्‍युताच्‍योक खाला ङे खिता चालाते कामओन तेन्‍ला तेरग्‍यो। थोकराङ खाला गान्‍दाते मिओनताङ ङा मिलामला बात खिओ।

येशूला विश्‍वास खित्‍कान्‍तेबा गाङेराङ डिक्‍ला थुन्‍ला देत्‍कीन ओतान। थेबे नाङ खोपरोङताङ जेराङ ओत्‍सीनोङ दि ङेतेताङ थे खुईते सिरच्‍येते छ्याःङ ओङगीन मेतान। खोपरोङ नाङ सुइँदाला खइँदा गोसुङ सासीन थेबेकी खोपरोङ स्‍यीङताङ सम्‍पत्तितेबा च्‍वालाङ थेबे खाँचो टारे खिन ओतान।

थेजीन प्रभु छ्य्‌वापा लै खाला थेला मद्धत नाङ सिरकान्‍ते सुङगीङ सजाय भोगे खिता माफाबो,’ सिन टिबा ओतान।

थेमे ङीमा नाक्‍पो डुइओ, दागारचेन ठाक च्‍योकराङ मोर्मु डुइओ। थोक थोक ओङला प्रभु परमेश्‍वरते गाङे भन्‍दा छ्येतेताङ ज्‍यीबा लाङच्‍येते दिन ओङगो।