Popularni biblijski stihovi iz शक्ति काम 3

Podijeli

थाचेन ङा ख्‍योकोनला च्‍यि सिते सासीन ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थोक खासीन प्रभु परमेश्‍वरगी ख्‍योकोन पाप माफ तेरग्‍यो। थेमे थेकी ख्‍योकोनला आशी बिन्‍ला ढुक्‍क खाला देत ज्‍युत्‍क्‍यो।

थेमे पत्रुसकी थेला “खोल्‍ला तेराला ङात्ताङ सेर नोर छ्याःङ मेत। ईन्‍सीनोङ ङे खिता थुप्‍च्‍येतेचेन ङा खोल्‍ला खिओ। नासरतपे येशू ख्रीष्‍ट मिन लाला ङा खोल्‍ला लाला ख्‍योम सिन सिओ,” सिन साकीन

थे सामे लाक्‍पाला जुम्‍गीन लाङसुङ। थोक खिताईताङ थे कुज्‍ये दाक ख्‍याम्‍बा थुप्‍च्‍या गाल्‍सुङ। थे खोक लाकीन ख्‍याम्‍बालाङ स्‍यूसुङ। थेमे गा खिनकामा फिरगीन परमेश्‍वर चुक छ्ये ईन्‍दाका सिनकामा थेङ थेबा ङिबोताङराङ मन्‍दिर नाङने स्‍यूसुङ।

थेमे होदि कुज्‍येला येशूकी थे खोरोङ शक्तिकी ख्‍याम्‍बा थुप्‍च्‍या जोबाते ईन। थेकी दोक खिओ सिन ङ्योकोनगी थेला विश्‍वास खाबेकी दि मि ख्‍याम्‍बा थुप्‍च्‍या गालाते ईन। दि दोक गालाते येशूकी दि खोरोङला ठाक्‍पा खिता थुप्‍क्‍यो सिन दिकी थेला विश्‍वास खाबेकीराङ ईन। दि मि गोमा ख्‍याम्‍बा मुथुप्‍च्‍या ओतान सिन ख्‍योकोन गाङेला लेमु खाला छ्याराङ ओत।