Popularni biblijski stihovi iz शक्ति काम 1

Podijeli

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

थोक सिरजीन थेकी थेबाला “दोक खित्‍च्‍येते नाम च्‍यि छोमु खित ज्‍युत्‍च्‍ये सिरच्‍येते बात आबा थे खोरोङगीराङ खित्‍च्‍येते काम ईन। दि बात ख्‍योकोनला छ्या स्‍येबा माफाबो।

थेबाताङ ठेत्‍कीन ङ्योम्‍बुराङ देता ओते बेलाला ङीमाई थेकी “ख्‍योकोन दि बात ङेन। ङे ख्‍योकोनला गोमाका साबा ओता च्‍योकराङ ङे आबेकी तेरग्‍यो सिन साबाते परमेश्‍वर आत्‍मा था ख्‍योकोनगी ङेत्‍क्‍यो। थे माङेतथुप ख्‍योकोन दि यरूशलेम सारदुकी खापाङ मोन्‍डोबा खाला दुरूराङ गुला देत। यूहन्‍नेकीनी मिओनला खालि छ्युलाकामा लुगीन बप्‍तिस्‍मा बिन्‍दा ओतान। था टिक्‍पी दिन तिरीचेन ख्‍योकोनगी परमेश्‍वर आत्‍मे बप्‍तिस्‍मा ङेत्‍क्‍यो,” सिन सिदुक।

थे खोरोङगी भोगे खिता फाप्‍च्‍येते दुक्‍पातेबा भोगे खाईन स्‍यिइन सिन्‍नामेई थे खोरोङ साँच्‍चीराङ सोम्‍बो लोक्‍पाते दुका सिन थे खोरोङगी खटे खाबाते मिओनगी लेमु खाला छ्या स्‍येस्‍यीत सिन थेकी याङ याङ थेबाताङ ठेता खाबा ओतान। थोक खाला ङीमा खाल ङिसाक थेबाताङ ठेत्‍जीन थेकी थेबाला परमेश्‍वर राज्‍य बादोङ लाप्‍कीन बिन्‍सुङ।

दि बात खाईन सिन्‍नामेकी थेबेकी तेइन तेइनलाराङ थे नामने थेगीन थेगीन गाल्‍गीन परमेश्‍वरगी थेला स्‍वर्गने खेरसुङ। थोक खाला खेरजीन मुक्‍पा वाकीन थेला दाक उप्‍सुङ। थेमे थेबेकी थेला थोङा माथुप्‍सुङ।

दोक ईन्‍सीनोङ थेबाबरीचेन नामने ताकीनराङ देता ओतान। थे बेलालाराङ खोलाक कार्मु खोन्‍दातेन्‍दे मेन्‍दा ङि मि थेबे खादु लेप्‍कीन “ए गालीलपे मिवे, ख्‍योकोन च्‍यिला दोक खाला नामने ताला देत्‍कीते? येशूला परमेश्‍वरगी स्‍वर्गने खेरसुङ। आनाङ ख्‍योकोनगी थेला चुक खाईन थेने ड्वा थोङा ओताने, था तिरी ङीमाई लोक्‍ला थे होथोकराङ खाला देमा ग्‍युरला ओङगो,” सिन सिदुक।