Plani i Betejës së Luftës ShpirtëroreShembull

Dita 4: Karremi i Hidhërimit

Isha duke vuajtur vetëm pasojat e vendimeve të gabuara të dikujt tjetër. Burri im më kishte braktisur me një dy-vjeçar dhe mijëra borxhe, në mënyrë që ai të mund të fillonte papritmas një jetë të re, me një grua që ishte sa gjysma e moshës së tij në një vend të huaj. Isha e tërbuar dhe doja të hakmerresha. Isha përtej të qënurit e hidhëruar dhe nuk duhej dhuntia e dallimit të frymërave për ta parë atë gjë. Unë e urreja burrin tim dhe isha e nevrikosur me Zotin.

Hidhërimi është vdekjeprurës. Me kalimin e kohës, hidhërimi do të ndotë shpirtrat tanë dhe do të shurdhërojë aftësinë tonë për të ndjerë praninë e Zotit ose për të dëgjuar zërin e Tij. Nëse je i zemëruar, i nevrikosur me Zotin, ji i sinqertë me Të. Jepja Atij zemërimin tënd, dhe Ai do ta shndërrojë atë zemërim në paqe dhe një zbulim më të madh të sovranitetit të Tij nëse e lejon.

Perëndi, unë zgjedh të fal ata që më lënduan, më ofenduan, abuzuan, pavarësisht se më përdorën ose më bënë keq. Më ndihmo, Perëndi, të njoh strategjinë e armikut për të më bllokuar në inat, hidhërim dhe mosfalje. Më ndihmo të mos i mbaj mëkatet e njerëzve kundër tyre. Më mëso të shmang përgjigjen me një zemër gjykuese kur jam e lënduar. Shëro emocionet e mia dhe ripërtëri një frymë të duhur brenda meje. Në emër të Jezusit, Amen.