Parzmorja e ZotitShembull

Pali nuk po kërkonte në lutje që besimtarët Efesianë të merrnin trashëgiminë e tyre të bollshme të pasurive shpirtërore, bekimeve, fuqisë dhe autoritetit, por që ata të kuptonin se ishte e tyre. Si të Krishterë, ata tashmë i kishin këto gjëra, ashtu si ne. Por derisa ta kuptonin këtë, çfarë dobie mund të kryente kjo?

Në të vërtetë, armatimi shpirtëror që ai përshkruan te Efesianëve 6, është thjesht një përsëritje e—një mënyre tjetër përshkrimi—atë që Pali kishte shpjeguar në pjesën e parë të letrës. Si mund të "vendosnin" ose "të merrnin" gjëra që nuk e dinin se i kishin? Hapi i parë për ta—hapi i parë për ne—në shfrytëzimin e burimeve shpirtërore që na janë dhënë, është të kemi sytë tanë shpirtëror të hapur në mënyrë që t'i shohim ato.

Historia e Eliseut dhe shërbëtorit të tij me shikim të dobët në 2 Mbretërve 6, është një nga historitë e mia më të preferuara në Bibël. Skena është një betejë që do të zhvillohet midis mbretit të zemëruar të Sirisë dhe kombit të Izraelit.

Shërbëtori i Eliseut e inspektoi situatën me kujdes. Në fillim, ai mund të shihte vetëm armikun, i cili me gjasë nuk i la asnjë përgjigje tjetër përveç frikës dhe ankthit.

Por pastaj ai menjëherë u bashkua me një realitet revolucionar shpirtëror: që ishte në dispozicionin e tij dhe punonte në emër të tij më shumë nga sa ai mund të imagjinonte. Ajo që sytë e tij fizikë mund të shihnin, nuk përputhej me atë që ata nuk mund të shihnin. Lutja e Eliseut e ndihmoi atë ta bënte të vetëdijshëm, për të gjitha burimet dhe forcën në anën e tij, që luftonte kundër armikut.

Për të qenë i sigurt dhe fitimtar, duhet të jesh në gjendje ta "shohësh" atë.

Tek Efesianëve 1, Pali thekson vetëm disa nga dhuratat që Zoti na ka dhënë. Ka shumë më tepër, dhe secili lidhet posaçërisht me parzmoren dhe armët e tua shpirtërore. Çelësi i parë për të kuptuar se si të gjitha ato përshtaten me aftësitë e tua për të identifikuar armikun, është vizioni.

Ti nuk mund t'i përdorësh ato nëse nuk je në gjendje t'i njohësh plotësisht, nëse nuk je i vetëdijshëm për disponueshmërinë dhe rëndësinë e tyre, në zhvillimin e suksesshëm të luftës kundër armikut.

Fitorja fillon këtu. Fillon sot. Fillon me një lutje për vizion.

Prandaj bashkohu me Palin, duke i’u lutur Zotit të hapi sytë e tu në mënyrë më të plotë, në mënyrë që ti jo vetëm të mund të zbulosh veprimtarinë e armikut, por gjithashtu mund të jesh plotësisht i vetëdijshëm, për atë që Zoti të ka dhënë për ta çarmatosur dhe mposhtur atë në jetën tënde.