Kangjellat: Duke Shmangur Pendimet në Jetën TëndeShembull

Pendimet tona më të mëdha zakonisht janë të lidhura me njerëz që ne i kemi konsideruar miq. Ndoshta e jotja është e lidhur me një koleg, një shok klase, ose një ish-të dashur. Ndoshta është një grup miqsh që, mbasi e kuptove sesi ishin, do të doje të mos i kishe njohur kurrë. Edhe sikur të ishe vetëm, shanset janë që pendimi yt më i madh filloi disi nga një marrëdhënie.

Këto miqësi të pafata na kanë mësuar (shpesh në mënyrën e vështirë) se të ardhmet tona ndikohen nga njerëzit me të cilët kalojmë kohën. Kjo është arsyeja pse ne kemi nevojë për mbrojtje relacionale.

Solomoni, një nga njerëzit më të mençur që ka jetuar ndonjëherë, shkroi: "Kush shkon me të urtët bëhet i urtë..." Me fjalë të tjera, urtësia është ngjitëse. Jeto jetën me të urtët dhe me kalimin e kohës do të bëhesh i urtë. Ndodh automatikisht.

Dhe ka një pjesë të dytë: "... por shoku i budallenjve do të bëhet i keq." Kur rri me një budalla, kapesh në pasojat e vendimeve të tyre të këqija. Ty të zënë fragmentet e shpërthimit të tyre. Reputacioni jot është shkatërruar si i atij. Ti humb punën si ajo. Nuk je i ftuar as herën tjetër.

Kangjellat relacionale na ndihmojnë të shmangim "dështimin e marrëzisë".

Pra, ndërsa mendon për miqësitë e tua, këtu janë tre kangjella që duhet të marrësh parasysh. Kur ndodh një nga këto gjëra, lëre të ndriçojë ndërgjegjen tënde para se të pësosh dëm.

1. E kap veten duke pretenduar se je dikush tjetër nga ai që je në të vërtetë.

2. Diçka që kurrë nuk ka qenë një tundim më parë është tani diçka që po e konsideron.

3. Shpreson që njerëzit për të cilët kujdesesh, të mos e dinë se ku ndodhesh.

Mos harro, kangjellat nuk kanë për qëllim të deklarojnë diçka (ose dikë) të drejtë ose të gabuar. Ato kanë për qëllim të të drejtojnë drejt urtësisë. Pra, a ka ndonjë nga miqësitë e tua që është duke u zhvendosur drejt zonës së rrezikut? Në cilën kangjellë je duke u përplasur dhe çfarë do të bësh në lidhje me të?