Ardhja: Udhëtimi drejt KrishtlindjesShembull

Pritja Ja Vlen

Luka 2:25-32 tregon historinë e Simeonit, një njeri që kishte marrë një premtim nga Perëndia se do ta shihte Mesinë para se të vdiste. Simeoni jetoi tërë jetën e tij duke pritur që Zoti ta përmbushte këtë premtim dhe ai mund të na mësojë diçka për durimin dhe këmbënguljen. Shkrimi thotë se Simeoni ishte “i drejtë dhe i devotshëm. . . dhe Fryma e Shenjtë ishte në të.” Kaq shumë, saqë ai u nxit nga Fryma për të vizituar oborret e tempullit dhe ishte në oborret e tempullit ku premtimi i Zotit u realizua. Ai u takua me Marinë dhe Jozefin dhe e mbajti Jezusin në krahë. Në atë moment, pritja e një jete të tërë për premtimin e Zotit, ja vlejti.

Imagjinoje përvojën mahnitëse të mbajtjes së përfaqësimit fizik të besnikërisë së Zotit në krahët e tu. Luka tregon se Simeoni e mori Jezusin në krahë “dhe lavdëroi Perëndinë.” Ne nuk e dimë nëse Simeoni qau apo vallëzoi, por nëse e vendos veten në vendin e tij, reagimi yt ndoshta do të ishte si i tij. Asnjë reagim tjetër nuk do të ishte aq i përshtatshëm sa lavdërimi!

Mos u dekurajo nëse je mbajtur tek një premtim nga Zoti, që duket sikur ka kaluar një kohë e pafund. Ai është besnik dhe koha e Tij është e përsosur. Panvarësisht nëse premtimi yt përmbushet brenda disa javësh ose pas një jete të tërë besimi, rezultati ja vlen pritjen.

Lutje: At, të lavdëroj sepse Ti je besnik! Unë e di që Ti je i besueshëm dhe premtimet e Tua për mua janë të vërteta. Unë nuk do të heq dorë nga besimi në premtimet e Tua, dhe qëndroj në pritje të ditës kur ti shoh të përmbushura. Unë e di se koha Jote është e përsosur. Unë do të qëndroj besnik ndaj Teje ndërsa pres, dhe të lavdëroj Ty paraprakisht për përmbushjen e premtimeve të Tua!

Shkarko imazhin e sotëm këtu