Ardhja: Udhëtimi drejt KrishtlindjesShembull

Zoti i të Pamundurës

Te Lluka 1:34, pasi engjëlli i tha Marisë se do të lindte Jezusin, ajo e pyeti: "Si mund të jetë kjo, pasi unë jam e virgjër?" Maria bëri atë që bëjmë ne shpesh kur nuk mund të shohim se si gjërat do të realizohen. Ajo vuri në dyshim se si diçka që dukej e pamundur mund të ishte e mundur.

Por engjëlli iu përgjigj: "Fryma e Shenjtë do të vijë mbi ty dhe pushteti i Shumë të Lartit do të të mbulojë me hijen e vet; prandaj i shenjti që do të lindë prej teje do të quhet Bir i Perëndisë. Dhe ja, Elizabeta, e afërmja jote, edhe ajo, në pleqërinë e saj, mbeti shtatzënë me një djal; dhe ky është muaji i gjashtë për të, që e quanin shterpë, sepse me Perëndinë asgjë s’është e pamundshme.”

Edhe në një sezon të bukur si Krishtlindja, mund të jetë e vështirë të shihet se si Zoti po punon në situatat tona të pamundura. Sot, le të të kujtojnë të dyja këto lindje të mrekullueshme për fuqinë e Zotit. Mendo për Jezusin dhe djalin e Elizabetës, Gjon Pagëzorin dhe se si lindjet e tyre ndryshuan rrjedhën e historisë. Zoti mund të bëjë pa masë më shumë sesa mund të imagjinosh në mes të rrethanës tënde të pamundur. Jepja situatën tënde Atij dhe ki besim se Ai do të jetë besnik. Inkurajohu sot: Zoti nuk dështon kurrë!

Lutje: At, Ti je i mirë! Unë të lavdëroj për fuqinë Tënde—asgjë nuk mund të qëndrojë kundër Teje! Faleminderit që ke planifikuar për jetën time, për dërgimin e Birit tënd për mua dhe që më ke dhënë forcën për t'u përballur me situata që duken të pamundura. Ndërsa besoj te forca Jote dhe jo tek e imja, më ndihmo të shoh Krishtlindjet si një shembull të fuqishëm se asgjë nuk është e pamundur për Ty!

Shkarko imazhin e sotëm këtu.