Oswald Chambers: Paqja - Jeta në FrymëShembull

Ne flasim për paqen e Jezusit, por a e kemi kuptuar ndonjëherë se çfarë do të thotë kjo paqe? Lexoni historinë e jetës së Tij, tridhjetë vitet e nënshtrimit të qetë në Nazaret, tre vitet e shërbimit, shpifjen dhe inatin, mbingarkesën dhe urrejtjen që Ai duroi, të gjitha më të këqija se sa mund ta imagjinojmë se çdo gjë që ne do të duhet të kalojmë; dhe paqja e tij ishte e patrazuar, ajo s’mund të prishej. Është kjo paqe që Perëndia do të shfaqë në ne në vendet qiellore; jo një paqe si kjo, por këtë paqe. Në jetën e përditshme, duke punuar për të siguruar jetesën tonë, në të gjitha kushtet e jetës trupore, kudo që Zoti i projekton rrethanat tona – “Paqja ime” - paqja e patrazuar dhe e padhunueshme e Jezusit, që na jepet në çdo hollësi të jetës sonë.

Prekja jote ende ka fuqinë e saj të lashtë. Më prek, o Zot, për bashkësi me Ty, derisa e gjithë qenia ime të shkëlqejë me paqen dhe gëzimin tënd.

Pyetje reflektimi: A e kam llojin e paqes që mund të përballojë sulmet e shpifjeve dhe të urrejtjes? Çfarë ka më shumë gjasa të shqetësojë paqen time? Pse?

Citimet janë marrë nga “Trashëgimia jonë e shkëlqyer dhe trokitja në derën e Perëndisë” © Botuesit e Shtëpisë së Zbulimit