पेरेरित 11
11
पतरुसइ येरुसलेमको मन्डलिमा बयान देलो
1जब येहुदियामा होख्लो पेरेरित र बिस्वासि दाजिभाइहान्इ अनि केइ अरु जातहान्इ पनि परमेस्वरको बचन गर्हन गर्वाइ कलार सुन्वाइ। 2अनि पतरुस येरुसलेममा आइक, तब यहुदि बिस्वासिहान्इ ओख्रोसिन एस्के कतिहिँ पतरुसके दोस लगाए लाग्वाइ, 3“अरु जातहान्ठुँ जाइकनि उनहान्सिन तइ क्यारे खइतेर्?” 4तब पतरुसइ उनहान्के सभइ कुरा सुरुभि मिलाइकनि बयान देहे लागिक,
5“मइ योप्पा सहरमा पर्थना गर्तिहि रहिन, र सोचमा बुड्लो बेरामा एउटा दर्सन देखिन, तब एउटा बड्को च्यादर जस्ने चारेउ कोनोमा छोपिकनि स्वर्गभि तर झरिधार्लो केइ चिज मइ देखिन, र उ मइठुँ आइक। 6मइ नाम्रोसिन चाहते उथि धर्तिको चारगोड्या जनावर र बनको जनावर, घिस्रलार जिब र आकासमा उडाइलार चराहान देखिन। 7र मर्हाइ एस्नो कलो एउटा आवाज मइ सुनिन्, ‘ए पतरुस उठहइ, र मारिकनि खाहइ।’” 8तर मइ कहिन, “नाहो पर्भु, कुन्हुँ अपबित्र अथवा असुद्द चिज मोरो मुखमा कन्हुँ नापर्लाटि।” 9तर ओइ आवाजइ दोस्रो पल्ट स्वर्गभि मर्हाइ कहिक्, “ज्या परमेस्वरइ सुद्द पार्लाटि ओख्राइ तइ अपबित्र झिनठान।” 10तिन पल्टसम्म एस्ने होखिक, र उ सभइ फेरि स्वर्गमा लेगिहिक। 11ओइबेरामा ज कइसरिया सहरभि मइठुँ पठाहेलो तिन जना मानिसहान मइ बिस्लो घरमा आइपुग्वाइ। 12नाहिचकिचाइ उनहान साङ्हे जाए मर्हाइ पबित्र आत्माइ कहिक्। तब इ छ जना दाजिभाइहान पनि मोरो साङ्हे गेहाइ, र हामि ओइ मानिसको घरमा पिस्हुँ। 13कर्नेलियसइ आफ्नो घरमा एउटा स्वर्गदुत देखा पर्लो कुरा हाम्राइ कहिक्, उ स्वर्गदुतइ ओख्राइ एस्के कलो रहिक्, “योप्पामा मानिस पठाइकनि पतरुस कलार सिमोनके बोलाए पठाहइ। 14ओंइ तोर्हाइ बचन सुनाताइ, अनि तइ र तोरो सभइ परिवारइ उदार पाउतात्।” 15“जब मइ बोले लागिन, तब सुरुमा पबित्र आत्मा हामिमा आउलो जस्ने उनहानमा पनि आइक। 16तब पर्भुइ कलो ओइ बचन मइ सम्झिन, ‘युहन्नाइ त पानिइ बप्तिस्मा दिहिक्, तर ताहान्को चाहिँ पबित्र आत्मामा बप्तिस्मा होख्ताइ।’#पेरेरित १:५ 17पर्भु येसु खिरिस्टमा बिस्वास गर्ते परमेस्वरइ हाम्राइ जुन बरदान दिहिक्, अरु जातहान्के पनि परमेस्वरइ ओइ बरदान दिहिसक्लोपाछु परमेस्वरके रोके सक्लार मइ कुन्को हो र?”
18इ बोलि सुनिसक्लोपाछु उनहान चुप होख्वाइ, र एस्के कतिहिँ उनहान्इ परमेस्वरको पर्सम्सा गर्वाइ, “परमेस्वरइ पनि अरु जातहान्के आफ्नो आफ्नो पाप मानिकनि परमेस्वरमा फर्किकनि कन्हुँ नासक्हेलार जिबन पाएके लागि मउका देलोहोछ।”
एन्टिओखियामा मन्डलि
19इस्तिफनस मार्हेलो पाछु येसुमा बिस्वास गर्लारहान्के सतावट आउलो कारनइ चारेउपट्टि छित्रेहाइ, र कुन्हुँ कुन्हुँ चाहिँ फोनिके कलार इलाकामा पुग्वाइ, कुन्हुँ चाहिँ साइप्रस ठुठिपट्टि, र कत्का जना एन्टिओखिया सहरमा ज पुग्वाइ अनि सुरुमा उनहान्इ अरुके नाहो, तर यहुदिहान्के मात्रे सुसमाचार प्रचार गर्वाइ।#पेरेरित ८:१-४ 20तर उनहानमध्ये कुन्हुँ कुन्हुँ साइप्रस ठुठि र कुरेनि सहरको मानिसहान रहाइ। उनहान्इ एन्टिओखियामा आइकनि गिरिकहान्के पनि पर्भु येसुको सुसमाचार प्रचार गर्वाइ। 21पर्भुको सक्ति उनहान्सिन रहिक्, उसिगर्ति धेरे मानिसहान्इ बिस्वास गरिकनि पर्भुके पछ्यावाइ।
22जब इ खबर येरुसलेममा होख्लो मन्डलिको बिस्वासिहान्इ सुनवाइ, तब उनहान्इ बारनाबासके एन्टिओखियामा पठावाइ। 23उ उथि आइक अनि परमेस्वरइ अनुग्रह गरिकनि देलो आसिस देखिकनि खुसि होखिक, र उनहान सभइके पुरा हिर्दयइ पर्भुमा बिस्वासि होखिरहे उत्साहा दिहिक्। 24क्यारेकनि बारनाबास नाम्रोसिन पबित्र आत्माइ पुरे भर्रेलो र बिस्वासमा बलियो एउटा मानिस रहिक्। ओख्रो कारनइ धेरे मानिसहान्इ पर्भुमा बिस्वास गर्वाइ।
25तब साउलके खोजे बारनाबास टार्सस सहरमा गिहिक। 26जब ओंइ साउलके भेटाइक तब ओख्राइ एन्टिओखियामा आनिक। तब पुरा एक बर्ससम्म मन्डलिको मानिसहान्सिन उनहान्इ भेटघाट गरिरहाइ, र धेरे मानिसहान्के सिछा देहाइ। बिस्वासिहान पहिलि पल्ट एन्टिओखियामा ज खिरिस्टियन कहेवाइ।
27ओइ बेरा केइ अगमबक्ताहान येरुसलेमभि एन्टिओखियामा आवाइ। 28उनहानमध्यभि अगाबस नाउँ होख्लो एक जना ठेढाइकनि सन्सारभरि#११:२८ सन्सारभरि रोमिहानको अधिनमा रलो इजराएल देसभरि बड्को अनिकाल परे लाग्लाटि कहि पबित्र आत्माको सक्तिभि अगमबाडि गरिक्। (ओइ अनिकाल कलउडियसको सासनकालमा परिक्।)#पेरेरित २१:१० 29उसिगर्ते एन्टिओखियाको बिस्वासिहान हरेकइ आफि सक्लोजत्का यहुदियामा बिस्लार बिस्वासि दाजिभाइहान्के साहेताको लागि भेटि पठालाहार पक्का गर्वाइ। 30अनि उनहान्इ ओस्ने गर्वाइ, र बारनाबास र साउलको हातभि उनहान्को भेटि एल्डरहान्ठुँ पठाइदेहाइ।
Aktualisht i përzgjedhur:
पेरेरित 11: BOTE
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2024 (Active), Mother Tongue Translators Society and Wycliffe Bible Translators, Inc. All rights reserved.