लुका 5
5
येसुडे़ॽ सुम्बाङ चोङ्साजि के़डुजि
(मत्ति ४:१८-२२; मरकुस १:१६-२०)
1इक्याक येसु गनेसरेत#५:१ हाइको निङ गालिल टोम्लिॽवा लुन्डुजे लुमे टोम्लिॽवामि के़क्पेॽ येःप्मे़ॽनिङ्सिडा। बेॽलो याॽमिजि निवाहाङ्मि बचन खेम्सिॽ सोक्सि-सोक्सि लेस्सामि। 2येसुडे़ॽ मो टोम्लिॽवामि के़क्पेॽ निच्चि नाउ खाङ्डोक्टु मोबाङ ङा सेॽखुबाजि नाउबाङ ए़डे़ॽ मेॽयोङ याङ्घामा वासोक्मे़ॽनिङ्सिडामि। 3इक्को नाउ सिमोनमि ले़टा। येसु मोसोक्पेॽ साङ्नुङ “नाउ ए़डे़ॽ मेॽयोङ सेन्डिसानुमे” लुसु मोबेॽ पेन्नुङ येसुडे़ॽ याॽमिजि इःडुजि।
4इःॽसेॽनुङ येसुडे़ॽ सिमोन लुसु, “नाउ ए़डे़ॽ मेॽयोङ होङ्डुम्बाबेॽ लाघे़ॽनुङ याङ्घामा राबे!” 5इगो खेम्नुङ सिमोनडे़ॽ येसु लुसु, “गुरु, कानिङे़ॽको सेङ्से याङ्घामा राप्माबेॽसो इक्को ङासो मे़राःप्हेसुङ्मा। तर हागो हे़ने़ॽ लुबॽआसे़ॽ के़ॽ याङ्घामा राप्मिनुङे।” 6मोबेॽ याङ्घामा राप्माबेॽको बेॽलो ङा सिॽटामि याङ्घामानोॽ नाःक्खे़ॽसिॽ पोरोगा। 7मोबा माहाजिडे़ॽ हाइको नाउबेॽहा लङ्गामजिनुङ गुहार ङाःगुजि। माहाजि आप्नुङ ङा रिक्माराप्टुजि। माहा ङाडे़ॽ निच्चिनोॽ नाउ टिप्खे़ॽपॽआसे़ॽ हुम्घे़ॽसिॽ पोरोगा।
8इघा चोप खाङ्नुङ सिमोन पत्रुसडे़ॽ येसुमि सराङ्बेॽ उःक्युनुङ लुसु, “हे परभु, का पापि ले़ङे, काबाङ मेॽयोङ पेने!” 9इन्ढोङ्होङ मोढे़ॽलो बेॽलो ङा सिॽपॽआ खाङ्नुङ सिमोननुङ खोमि लङ्गामजि खरि मिनामि। 10सिमोननुङ्नोॽ सोरि योम्बोक टिङ्खुबा जब्दियामि पसाजि, याकुबनुङ युहन्नासो बेॽलोनोॽ खरि मिनाजि। येसुडे़ॽ सिमोन लुसु, “ए़क्किसिने, हागोएम्बाङ हे़न ङा राःप्खुबा ने़ॽनि, तर याॽमिजि काबेॽ चिॽआप्खुबा लिये।” 11इगो खेम्नुङ माहाजिडे़ॽ नाउ माहोङ्मामि के़क्पेॽ से़ॽखे़ॽटुजि, मोबा माहा चोप याःॽयानुङ येसुमि चोङ्सा लिसामि।
सुक्टुबाङेॽ सुक्पॽआ याॽमिजि येसुडे़ॽ नुबोक्पॽआ
(मत्ति ८:१-४; मरकुस १:४०-४५)
12येसु इक्को सहरबेॽ टुसे़। मो सहरबेॽ सुक्टुबाङ टुक्मवाडे़ॽ राःप्पॽआ इक्को याॽमि टुसे़। मो सुक्टुबाङ टुक्मवाडे़ॽ राःप्पॽआ याॽमिडे़ॽ येसु खाङ्डोक्नुङ खोमि सराङ्बेॽ उःक्युनुङ इडोॽ बिन्ति ले़टु, “हे परभु, हे़ने़ॽ नुबुक्मा मिॽटुहोङ का नुबोक्हेये।” 13येसुडे़ॽ खोसोक्पेॽ हुक युङ्नुङ लुसु, “हे़न नुबोगे लुनुङ के़ॽ मिॽइन्ने़।” मोबा मोडोक्पेॽनोॽ मो याॽमि नुघडा। 14मोबा येसुडे़ॽ मो याॽमि इडोॽ लुसु, “खेप्से, इगो खा असासो ए़ॽलुमे! तर याडाङ्बाबेॽ खे़ॽनुङ आमटाङ्बा खाङ्जिमुसे। मोसाडे़ॽ लुबॽआडोॽ भोग पिनुङ हे़न नुबोक्पॽआ#लेबिजि १४:१-३२ लुनुङ चोप याॽमिजिडे़ॽ लेसुजिरो।”
15मो याकबाङ येसुमि नुबा योम्बोकमि टुम्बेॽ किॽयु मिॽयु बेॽलो मुक्पोगा मोबा बेॽलो बेॽलो याॽमिजि येसुमि खा खेम्सिॽनुङ नुबुक्मेॽसिॽ लेम्बोगामि। 16तर येसु सङ्गासुमा ठाउँबेॽ खे़ॽनुङ पारथना ले़टा।
येसुडे़ॽ सोगुबा नुबोक्पॽआ
(मत्ति ९:१-८; मरकुस २:१-१२)
17इक्याक येसुडे़ॽ याॽमिजि सिक्छे इःॽमे़ॽनिङ्सिडुजे। इक्को निप्पाङ यहुदि धारमिक नियम इःॽखुबाजिनुङ फरिसिजिसो खोमि के़क्पेॽ पेम्मे़ॽनिङ्सिडामे। माहाजि गालिलनुङ, यहुदियाबेॽहा खिम्डेमबाङ्नुङ यरुसलेम सहरबाङ्सो लेम्बॽआ ले़टामे। टुक्खुबाजि नुबोक्हेमे परभु निवाहाङ्मि सक्ति येसुनुङ टुसे़। 18याॽमिजिडे़ॽ इक्को सोगुबा याॽमि खोम इम्ढाम खाम्मानुङ्नोॽ खिजे़ॽटुजि। माहाजिडे़ॽ मो खिमहोङ्सिॽयु येसुमि के़क्पेॽ लाघे़ॽमा योगुजि। 19तर याॽमिजि बेॽलो सुम्बॽआसे़ॽ येसुमि के़क्पेॽ मे़याङ्घे़ॽहेसुजि। मोडोगे़ॽ माहाजिडे़ॽ टुक्खुबा, मो खिममि वाचेनबेॽटु लाघे़ॽनुङ वाचेनमि रिङ टेबोक्नुङ खोमि इम्ढामनुङ्नोॽ येसुमि पोम्बेॽ टाम हेॽओक्टुजि। 20माहा याॽमिजिमि मोढे़ॽलो बिस्वास खाङ्नुङ येसुडे़ॽ मो टुक्खुबा लुसु, “हे़ने़हा पाप आम्लाङ लिटहा।”
21येसुडे़ॽ लुबॽआ इघा खा खेम्नुङ यहुदि धारमिक नियम इःॽखुबानुङ फरिसिजि खोजि टाङ्बा काघुसे़ॽचुसामि, “निवाहाङ्डे़ॽरेॽनोॽ पापमि आम्लाङ्गो पिहेये। पापमि आम्लाङ पिघुबा इगो याॽमि असाडे ? याॽमिडे़ॽसो पापमि आम्लाङ पिहेये ?” 22तर माहाजिमि निवाबेॽहा खा लेडोक्नुङ येसुडे़ॽ लुसुजि, “हे़निङे़ॽ इन्ढोङ्डे आक्टोॽ मिॽइन्डानुमे ? 23मो सोगुबा याॽमि ‘हे़ने़हा पापमि आम्लाङ लिसा’ लुमानुङ ‘येःपोक्नुङ राप्से’ लुमा हाम्बे चाहिँ ने़ःक्चा ले़ये, लो लुघक्सानुमे ? 24तर खाक्सानुमे, इगो मक्खाम्डेमबेॽ का याॽमिमि पसाडे़ॽ पापमि आम्लाङ पिमे अधिकार चुप्मिटुङे लुमे खा लेसानुमे लुनुङ हे़निङ इगो परमान पिनिम्ने़।” मोबा येसुडे़ॽ मो सोगुबा लुसु, “के़ॽ हे़न लुन्ने़, हागो येःपुगे! आम्मि खाम्मा चे़ॽ खिनुङ खिम खडे।” 25मो याॽमि लुमासोरोॽ येःपोगा मोबा खोमि खाम्मा चे़ॽ खिनुङ निवाहाङ्मि ओहाङ ले़ःॽसाङ खिम खडा। 26माहाजि चोप बेॽलोनोॽ खरि मिन्नुङ निवाहाङ्मि सक्ति खाङ्नुङ किस्सिसामि। माहाजि निवाहाङ्मि ओहाङ ले़ःॽसाङ कासामि, “आयु कानिङे़ॽ इन्डोक्मा खरिमा खा खाङ्डोक्टुङ्मा!”
येसुडे़ॽ लेबिजि के़ॽपॽआ
(मत्ति ९:९-१३; मरकुस २:१३-१७)
27येसु मो रामबाङ खे़ॽटिङ्माबेॽ लेबि लुमे मे़क्चेन लाघुबा, मे़क्चेन लाढाम ठाउँबेॽ पेम्मे़ॽनिङ्सिबॽआ खाङ्डोक्टु। मोबा येसुडे़ॽ मो लुसु, “कानुङ राप्से।” 28मो लेबि खोमि चोप थोक याःॽयानुङ येसुनुङ्नोॽ खडा।
29मोबा ए़क्साङ मो लेबिडे़ॽ येसुमि लागि खोमि खिमबेॽ बेॽए भत्तेर ले़टु। मोबेॽ मे़क्चेन लाघुबाजिनुङ हाइखा बेॽलो याॽमिजिसो टुसामि। 30फरिसिनुङ यहुदि धारमिक नियम इःॽखुबाजिडे़ॽ येसुमि चोङ्साजिनुङ कुनुक-कुनुक कासाङ लुसुजि, “हे़निङ इन्ढोङ्डे मे़क्चेन लाघुबाजि, मोबा हाइखा पापि याॽमिजिनुङ सोरि पेन्नुङ चान्डानिङे ?” 31येसुडे़ॽ माहा याॽमिजि लुसुजि, “सिडा ले़ःॽखुबागो मे़न्टुक्खुबाजिमि लागि ने़ॽनि, टुक्खुबाजिमि लागिगोरे पाप्मिये! 32मोडोक्नोॽ कासो धरमिजि ने़ॽनि तर पापिजि पाप लेडानुमे लुनुङ के़ःॽसिॽ लेङ्इटिङे।”
मे़न्चारेॽ पेम्मे खा
(मत्ति ९:१४-१७; मरकुस २:१८-२२)
33कोहि याॽमिजिडे़ॽ येसु लुसुजि, “युहन्नामि चोङ्साजि सानिङ्नोॽ मे़न्चारेॽ पेन्नुङ पारथना ले़म्मे। फरिसिजिमि चोङ्साजिसो मोडोक्नोॽ ले़म्मे, तर हे़ने़हा चोङ्साजि चाहिँ चामा उङ्मारेॽनोॽ ले़म्मे।” 34येसुडे़ॽ माहाजि लुसुजि, “हे़निङे़ॽ फुङ्सयामि भत्तेरबेॽ नायोङ्बानुङ सोरि लेम्बॽआ याॽमिजि इमाङ्सो चामा उङ्मा मे़म्पिरेॽ साक्मेन्जा पाङ्इन्डानुमे ? 35तर खाक्सानुमे, इडोक्मा याकसो लेङ्इये, माहाजिबाङ नायोङ्बा फाक्खे़न्डुजे, मोडोक्पेॽरेॽनोॽ माहाजि मे़न्चारेॽ पेङ्इम्मे।”
36येसुडे़ॽ हाइको खानवासो इःबेॽटुजि, “आसे़ॽसो चोङ चे़ॽ नाःक्नुङ पुरानो चे़ॽ रेबुनि। मोडोॽ रेबुहोङ चोङ चे़ॽ नासि लिये। मोबा चोङ टालो पुरानो चेॽनुङ टोङ्निबा।
37 “फेरि आसे़ॽटे चोङ अङ्गुरमि मद्य पुरानो साउकमि सुपपेॽ युङ्इन्डुए ? मोडोॽ युक्सुहोङ्गो मो सुप पोक्खे़ये मोबा मद्यसो ओप्खे़हा मोबा सुपसो नासि लिये। 38चोङ अङ्गुरमि मद्य चोङ साउकमिन्नोॽ सुपपेॽ युङ्मा खे़ये। 39आसे़ॽसो पुरानो अङ्गुरमि मद्य उङ्नुङ चोङ अङ्गुरमि मद्य उङ्मानोॽ मिॽटुजिने, चोबे़ॽ लुन्डुजे, पुरानोनोॽ चानुउ काम्मे।”
Aktualisht i përzgjedhur:
लुका 5: YAMP
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2023, Wycliffe Bible Translators, Inc. and Nepal Bible Society