1 Mose 21
21
1Ni Iehowa basra Sara, take̱ bo̱ni ekē̱ le̱, ni Iehowa fe ehã Sara, take̱ bo̱ni ewie le̱. 18,10.
2Ni Sara ná mũsũ, ni eke̱ Abraham fo̱ binū ye̱ egbo̱le̱ mli, ye̱ be ni Nyoṅmo̱ ekē̱le̱ le̱ mli. Heb. 11,11.
3Ni Abraham wo ebi ni efo̱, moni eke̱ Sara fo̱ le̱, Isak. 17,19.
4Ni Abraham fo ebi Isak ketia, beni eye gbĩĩ kpānyo̱ le̱, take̱ bo̱ni *Nyoṅmo̱ ewole̱ kitã le̱. *17,11. 12.
5Ni Abraham eye afii oha, beni efo̱ ebi Isak le̱. 17,17. Rom. 4,19.
6Ni Sara kē̱: Nyoṅmo̱ ewo *ṅmlõkpã ehãmi; mofẽmo ni aanu le̱ aaṅmõ eko ahãmi. *18,12.
7Ni esã ekē̱: Kũle̱ namo aagba Abraham ake̱ Sara aahã bii afufo̱? ši mike̱le̱ efo̱ bi ye̱ egbo̱le̱ mli.
8Ni gbekẽ le̱ bada ni atšele̱ fufo̱; ni Abraham ṅmẽ okplõ kpeteṅkple gbĩ no̱ ni atše Isak le̱.
9Ni Sara na Hagar, Mizraimyõ le̱, bi ni eke̱ Abraham fo̱ le̱ ake̱ eyee̱ mo he fe̱o.
10Ni ekē̱ Abraham ake̱: *ſiemo̱ tšũlo̱yō ne̱ ke̱ ebi le̱; ši tšũlo̱yõ ne̱ bi le̱ ke̱ mibi Isak akaye gbošinii le̱. *Gal. 4,30.
11Ni sane le̱ dši do̱le̱ sane kple ye̱ Abraham hĩe ye̱ ebi le̱ hewo̱.
12Ni Nyoṅmo̱ kē̱ Abraham ake̱: Kāhã oblanyo le̱ ke̱ otšũlo̱yō le̱ sane le̱ mīfe do̱le̱ sane ye̱ ohĩe; nibii fẽ ni Sara ekē̱o le̱, bo egbẽ toi ye̱ mli; edšake̱ *Isak mli aatšé̱ oseši ye̱. *Rom. 9,7. 8. Heb. 11,18.
13Ni tšũlo̱yō le̱ bi le̱ hũ, *mahã etšṍ dšeṅmaṅ, edšake̱ oseši dšile̱. *17,20.
14Ni Abraham te ši lebi mā̃ṅkpa, ni eko̱ abolo ke̱ nu ke̱ woloto̱ ehã Hagar, ni eṅõ-tſa ekõṅ, ke̱ gbekẽ le̱ hũ, ni ewole̱ gbe̱. Ni eyiṅ ete ni eyatšomlo ye̱ Beer-šeba ṅã le̱ṅ.
15Ni nu le̱ tã ye̱ woloto̱ le̱ mli, ni eše̱ gbekẽ le̱ efõ kōi le̱ eko šiši,
16ni ete eyatá se̱ fle̱ṅṅ aafe gãitšẽmo̱ dšeke̱mo̱ ye̱ eṅe̱le̱no̱; edšake̱ ekē̱ ake̱: Mikana gbekẽ le̱ gbẽle ke̱ke̱! Ni eho etá ši ye̱ eṅe̱le̱no̱, ni ewó egbẽ ni efó.
17Ni Nyoṅmo̱ nu oblanyo le̱ gbē, ni Nyoṅmo̱ bo̱fo le̱ tšé̱ Hagar ke̱-dše̱ ṅwei, ni eké̱le̱ ake̱: Meni feo̱o, Hagar? Kāše gbeyei; ši Nyoṅmo̱ enu oblanyo le̱ gbē ye̱ heni eyo̱ le̱.
18Te ši ni owó oblanyo le̱ no̱, ni oke̱ onine amõ emli; ši mahã etšṍ dšeṅmaṅ kpeteṅkple.
19Ni Nyoṅmo̱ gble ehĩṅme̱ii, ni ena nubu ko; ni eyiṅ ete, ni eyaye̱ nu ewo woloto̱ le̱ obõ, ni eṅõ-hã oblanyo le̱ enu.
20Ni Nyoṅmo̱ ke̱ oblanyo le̱ ye̱; ni eda, ni ehĩ ši ye̱ ṅãno̱, ni etšṍ gãitšẽlo̱,
21ni ehĩ ši ye̱ Paran ṅã le̱ no. Ni enye yakpē yō ke̱-dše̱ *Mizraim šikpoṅ le̱ no̱ ebahãle̱. 15,8.
22Ni eba mli ye̱ nakai be le̱ mli ake̱ Abimelek ke̱ etatše̱ Fikol bakē̱ Abraham ake̱: Nyoṅmo̱ ke̱o ye̱ ye̱ nibii fẽ ní ofeo̱ le̱ mli. 26.26.
23Nohewo̱ le̱ agbe̱ne̱ kã Nyoṅmo̱ kitã otšõmi ye̱ bie̱ ne̱, ake̱ oyeṅmi lo mibii ke̱ miho̱i akũtũmpo̱o; ši edšũrõ bo̱ni *mifeo le̱, nakai ooṅō-femi ke̱ šikpoṅ ni obato gbo̱ ye̱ no̱ ne̱. *20,15.
24Ni Abraham kē̱: Makã kitã le̱.
25Ni Abraham kã Abimelek hĩe ye̱ nubu ko ni Abimelek tšũdši le̱ šõ ekā̃ nā le̱ hewo̱. 26,15. 18.
26Ni Abimelek kē̱ ake̱: Milee moni ye ne̱ke̱ sane ne̱, ni bo hũ otšĩĩ tã okẽē̱mi le̱, asaṅ minuko dã bũ, ake̱ dša ṅme̱ne̱.
27Ke̱ke̱ ni Abraham ṅõ tōi ke̱ tšinai ebã Abimelek, ni ame̱yi enyo̱ le̱ fẽ ame̱kpãṅ.
28Ni Abraham dšie tōi le̱ amli gwanteṅbiyei kpawo eto afã.
29Ni Abimelek kē̱ Abraham ake̱: Ne̱ke̱ gwanteṅbiyei kpawo ni odšie oto afã ne̱, té ešišiṅ.
30Ni ekē̱: Gwanteṅbiyei kpawo ne̱ oṅõ ye̱ mideṅ, koni aṅō-ye odase ahãmi, ake̱ mi midše ne̱ke̱ nubu ne̱.
31Nohewo̱ le̱ etšé̱ dše̱i *Beeršeba, edšake̱ dše̱i ame̱yi enyo̱ le̱ fẽ ame̱kãmo̱ kitã ye̱. *26,38.
32Ni ame̱kpãṅ ye̱ Beeršeba; ni Abimelek ke̱ etatše̱ Fikol te ši, ni ame̱kũ ame̱se̱ ke̱-ba Filistibii le̱ ašikpoṅ le̱ no̱ ekoṅ.
33Ni Abraham te̱o tamarisketšo ye̱ Beeršeba, ni *etšé̱ Iehowa, †nāno̱ Mawu le̱, gbe̱i ye̱ dše̱i. *12,8. †Ies. 40,28. Rom. 16.26.
34Ni Abraham to gbo̱ ye̱ Filistibii le̱ ašikpoṅ le̱ no̱ gbĩĩ pī.
Aktualisht i përzgjedhur:
1 Mose 21: GBV96
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
The Bible in Ga © Bible Society of Ghana, 1896, 1992.