1 Mose 20
20
1Ni Abraham fã ye̱ dše̱i ke̱-te wuoyigbe̱ šikpoṅ le̱ no̱, ni eyahĩ Kadeš ke̱ Šur teṅ, ni eyato gbo̱ ye̱ Gerar. 12,9. 10; 26,1.
2Ni Abraham kē̱ ye̱ eṅã Sara hewo̱ akē̱: Minyemiyō dšilē̱. Ni Abimelek, Gerar maṅtšē̱ le̱, tšũ ni ayaṅõ Sara ke̱-ba.
3Ni Nyoṅmo̱ ba Abimelek ṅõ nyōṅ ye̱ lamõ mli, ni ekē̱le̱ ake̱: Na, obagbo ye̱ yō le̱ ní oṅõ le̱ hewo̱, edšake̱ nū ṅã dšile̱.
4Ši Abimelek náko ata ehe. Ni ekē̱: Nuṅtšo̱, ani oogbe dšeṅmaṅ ko ni dša?
5Ani dšee le̱ ekē̱mi ake̱: Minyemiyō dšile̱? ni yō le̱ dientše̱ hũ kē̱ ake̱: Minyeminū dšile̱? Mitšui mū ke̱ mideṅ tšemo̱ mike̱-fe ene̱ ne̱.
6Ni Nyoṅmo̱ kē̱le̱ ye̱ lamõ le̱ mli ake̱: Mi hũ mile ake̱ otšui mū oke̱-fe ene̱; ni mi hũ mitšĩ onā, ní okafe eša ošimi; nohewo̱ ni mihāão hegbe̱ ake̱ ota ehe le̱.
7Nohewo̱ le̱ agbe̱ne̱ ṅõ nū le̱ ṅã le̱ ohãle̱ ekoṅ, ši *gbalo̱ dšile̱, ni eekpa fai ehão, ni oyi anã wala; ši ke̱dši oke̱le̱ hāāle̱ le̱, no le̱ ná ole ake̱ gbo oogbo, bo ke̱ mei fẽ ni dši onõ le̱! *Lal. 105,15.
8Ni Abimelek te ši lebi mā̃ṅkpa, ni etšé̱ etšũdši le̱ fẽ, ni ewie wiemo̱i ne̱ fẽ ewo ame̱toiiaṅ; ni hĩĩ le̱ še gbeyei naakpa.
9Ke̱ke̱ ni Abimelek tšé̱ Abraham, ni eké̱le̱ ake̱: Meni ofewo̱ ne̱? Ni meni eša mifeo, ni oke̱ eša kpeteṅkple ebami ke̱ mimaṅtše̱yeli le̱ no̱ ne̱? Noni afee ofemi ne̱!
10Ni Abimelek sã kē̱ Abraham ake̱: Meni ona, ni oye ne̱ke̱ sane ne̱?
11Ni Abraham kē̱: Edšake̱ miyasusu ake̱, ekole̱ Nyoṅmo̱ gbeyeišemo̱ be̱ bie̱, ni ame̱abagbemi ye̱ miṅã le̱ hewo̱.
12Ni asaṅ eye̱ mli le̱le̱ṅ ake̱ minyemiyō ni; mitše̱bi ni, ši dšee minyebiṅ; ni etšṍ miṅã.
13Ni eba mli ake̱, beni Nyoṅmo̱ hã midše mitše̱ we ni miyatšomlo le̱, mikē̱le̱ ake̱: Edšũrõ ni ofemi ne̱: hefẽhe ni wo̱o̱te le̱, kē̱mo̱ ye̱ mihe ake̱: Minyeminū ni.
14Ke̱ke̱ ni Abimelek ṅõ tōi ke̱ tšinai ke̱ wehĩĩ ke̱ weyei eyabã Abraham, ni eṅõ eṅã Sara ebãle̱ ekoṅ.
15Ni Abimelek kē̱: Na, mišikpoṅ le̱ kã ohĩe ne̱; hĩ heni osumoo̱.
16Ni Sara le̱, ekē̱le̱ ake̱: Na, mihã onyeminū le̱ dſie̱te̱i kukudši akpe; na, no dši hĩehānõ hão ye̱ mei fẽ ni ke̱o yo̱ le̱ ahĩe, ni mei le̱ fẽ ahĩe le̱ onõ dša.
17Ke̱ke̱ ni Abraham kpa Nyoṅmo̱ fai; ni-Nyoṅmo̱ tša Abimelek ke̱ eṅã le̱ ke̱ eweyei le̱, ni ame̱fo̱fo̱i.
18Edšake̱ Iehowa etšĩmo̱ yei fẽ ni yo̱ Abimelek we le̱ amũsũi anā ye̱ Abraham ṅã Sara sane le̱ hewo̱.
Aktualisht i përzgjedhur:
1 Mose 20: GBV96
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
The Bible in Ga © Bible Society of Ghana, 1896, 1992.