Matayi 25
25
Ichili icha balindu teni
1 #
Luk. 12.35
“Pakabalilo kalakala Ubumwene ubwa Kumwanya bukwiza pakuyana bulo na balindu bamo teni, babo bakasenda inyale zyabo nukubuka pakulindilila umwenesendwa. 2Abalindu fayivi bakaba bapunganu, sona abamwabo fayivi bakaba bamahala. 3Abapunganu bala bakasenda inyale zyabo, loli batakapaya amafuta. 4Loli abamahala bala bakapaya amabotolo, ghagho ghakizula na mafuta agha nyale zyabo. 5Umwenesendwa akakaba pakwiza, po abalindu bakanda pakusyupila nukughona utulo.
6“Pakasi pabusiku ukukolomoka kukivwika ukuti, ‘Umwenesendwa afika! Zagha mumupokele!’ 7Abalindu 10 bala bakanyamuka nukukwezya ivisunda ivya nyale zyabo. 8Po abapunganu bakababuzya abamahala bala bakati, ‘Tupeko amafuta ghamo, ennya inyale zyitu zikuzima.’ 9Abamahala bala bakamula bakati, ‘Awe, ghalipo aghakutuyana twebene. Bukagha mwighulile mwebene kuko bakughulizya.’ 10Loli bo abalindu abapunganu bala babuka pakughula amafuta, umwenesendwa akafika. Abalindu fayivi bala babo bakiyannya, bakinjila nawe munyumba iya lusekelo nukwighalila umulyango.
11 #
Luk. 13.25
“Pisinda pache abalindu abanji fayivi bala bakafika nukuti, ‘Wee Mwene, wee Mwene, twighulileko!’ 12Umwenesendwa akamula akati, ‘Awe! Naloli ntabamenye!’ ”
13Pabumalilo u Yesu akati, “Mubanje maso pakuti mutalimenye isiku pamo akabalilo.”
Ichili icha bambombo batatu
(Luk. 19.11-27)
14“Pakabalilo kalakala Ubumwene ubwa Kumwanya bukwiza pakuyana bulo nu muntu yuyo akalondagha pakuchula. Bo atabukite, akabitizya abambombo bache nukubalekela ukatundu wache. 15Akamupa umuntu wesi indalama ukuyana na mahala ghache. Weka akamupa isalabazya 5,000, uwamwabo akamupa 2,000, uyunji akamupa 1,000. Po akanyamuka nukubuka pa bulendo bwache. 16Uwambombo yuyo akapokela isalabazya 5,000 akabuka umwalubilolubilo nukubombezya imbombo indalama zila nukukabilapo izinji 5,000. 17Bunubu sona uwambombo yuyo akapokela isalabazya 2,000, akakabilapo 2,000 izinji. 18Loli uwambombo yuyo akapokela isalabazya 1,000, akabuka nukukumba ichiliba nukufisamo indalama izya mwene wache zila.
19“Bo pachilapo akabalilo akatali, u mwene uwa bambombo bala akabwelako, akennya mumo bakabombezya indalama zila. 20Uwambombo yuyo akapokela isalabazya 5,000 akiza nukumupa 5,000 izinji zizyo akakabilapo. Akati, ‘Wee mwene, ukampa isalabazya 5,000. Ennya, ilelo nakabilapo izinji 5,000.’ 21Umwene wache yula akati, ‘Wabomba akiza, we wambombo umwiza nu musubiliwa! We musubiliwa patuntu utunandi, po ukwiza pakuba we songo uwa vintu ivikulu. Zagha kuno tusekelele poka!’ 22Uwambombo yuyo akapokela isalabazya 2,000 akiza nukuti, ‘Wee mwene, ukampa 2,000. Ennya, ilelo nakabilapo izinji 2,000.’ 23U mwene yula akati, ‘Wabomba akiza, we wambombo umwiza nu musubiliwa! We musubiliwa patuntu utunandi, po ukwiza pakuba we songo uwa vintu ivikulu. Zagha kuno tusekelele poka!’
24“Uwambombo yuyo akapokela isalabazya 1,000 akiza nukuti, ‘Wee Mwene izimenye ukuti we muntu umukali, ukuvuna papo utabyalite, ukubungannya papo utapesite imbeyu. 25Nkanyilagha, po nkakumbila pasi indalama yako. Ennya, indalama yako iyi.’ 26U mwene yula akati, ‘We wambombo umubibi nu mukata! Ukazimanya ukuti nkwinula papo ntabyalite nukubungannya papo ntapesite imbeyu. 27Po chikaba chizapo ngali wabikite indalama yane kunyumba iyakusungilamo indalama ukuti bo inkubwela impokele poka na yiyo yakabilapo. 28Losi ulu, mufyule indalama nukumupa uwambombo yuyo ali ni salabazya teni. 29#Mat. 13.12; Mlko. 4.25; Luk. 8.18Pakuti umuntu wesi yuyo ali nako kale kamo, akwiza pakumonjelezyapo ivyinji ukuchila, sona akwiza pakuba navyo ivyinji nkani. Loli umuntu yuyo ate nako nakamo, na kanandi kako ali nako kale kakwiza pakufyuliwa. 30#Mat. 8.12, 22.13; Luk. 13.28Po uwambombo uwabulo uyu mumusumbile kuzi muchisi, kuko akwiza pakulila nu kusyeketula amino ghache.’
Ubulongi ubwabumalilo
31 #
Mat. 16.27, 19.28 “Bo u Mwana uwa Muntu akwiza pakuba we Mwene poka na bantumi bosi, akwiza pakwikala pachitengo icha bumwene icha buchindamu. 32Po abantu aba inko zyosi bakwiza pakubungana poka pamaso papache. Akwiza pakubagaba pabili ukuyana na mumo umudimi akupaghulila ing'ozi ni mbuzi. 33Akwiza pakubika ing'ozi kunyobe yache indilo nukubika imbuzi kunyobe yache iyamongo. 34Po u Mwene akwiza pakubabuzya abantu aba kunyobe indilo ukuti, ‘Zagha kuno, mwe basayiwa nu Tata wane! Zagha mupokele ubumwene bubo buyaniziwe pakuba bwinyu ukwandila pakabalilo kako akapelelagha ichisu chapasi. 35Inkaba ni zala mukandizya, inkaba ni nyota mukampa amizi; inkaba muyeni, mukampokela munyumba zyinyu; 36inkaba nkule, mukanvwika; inkaba mubine, mukansungilila akiza; inkaba mujele, mukanyendela.’ 37Po abagholosu bakwiza pakwamula ukuti, ‘Mwene, nkimba tukakwennyapo liyi, bo uli ni zala nukukupa ichakulya, pamo uli ni nyota nukukupa amizi? 38Nkimba tukakwennyapo liyi, bo we muyeni nukukupokela munyumba zyitu, pamo uli nkule nukukuvwika? 39Nkimba tukakwennyapo liyi, bo uli mubine, pamo uli mujele nukukwendela?’ 40U Mwene akwiza pakwamula ukuti, ‘Naloli inkubabuzya ukuti akabalilo kosi kako ukamubombela ichiza umuntu weka uwa bakamu bane yuyo munandi nkani, ukambombela nene!’
41“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mu moto uwa bwila na bwila ghugho bamuyanizye u Satana na bantumi bache! 42Inkaba ni zala, mutakampa ichakulya. Inkaba ni nyota, mutakampa amizi. 43Inkaba muyeni, mutakampokela munyumba zyinyu. Inkaba nkule, mutakanvwika. Inkaba mubine na mujele, mutansungilila.’ 44Po bakwiza pakwamula ukuti, ‘Mwene, nkimba tukakwennyapo liyi uli ni zala pamo uli ni nyota, pamo we muyeni, pamo uli nkule, pamo we mubine, pamo uli mujele nukukana pakukwavwa?’ 45U Mwene akwiza pakwamula ukuti, ‘Naloli inkubabuzya ukuti akabalilo kosi kako mukukana pakumwavwa umuntu weka uwa bakamu bane yuyo munandi nkani, po mukakana pakunyavwa.’ 46#Dan.Po abantu bala bakwiza pakufundiwa bwila na bwila, loli abagholosu bakwiza pakwinjila mubumi ubwa bwila na bwila.”
Aktualisht i përzgjedhur:
Matayi 25: LMBNT2016
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Mësoni më shumë rreth versionit Ulufingo Ulupya