MATHIU 7
7
Midang Jiang Chongtan
(Luk. 6:37-38,41-42)
1“Chongtan maru, han nang ni om chong natan noni u. 2Ajarko nang nin chong nan tan na nuk jui a, nang ni om chongtan na na nei nanti; hale nagnin dan en na nan nei nuk jui a nang ni ham dan na en nanti. 3Hale iruija mo na u, nanaingai mit ekchok om ha na en, na mit ek om ha ngaidon lui a. 4Animakle ija mo na u na nai jiang na mit chok ha na peiperong na tirang; hale enro, nang om na mit a chok a om. 5A sat kan rol nang in a rapa na mit chok ha peibakro; hava suale nang in na u nanaingai mit ekchok om ha a thianga mu nati.
6A thiang ha uingai jiang pek maru, hale vok mai kunga nan lung man tam ha deng juan maru; ajarko tu ning mo anjettor anmanin sirnanta nang ni lam ke na sether nanti.
Lamru, Tokru, Kilru
(Luk. 11:9-13)
7“Lamru nang ni jiang na pek nati, tokru mu nanti; inn khar kilru nang ni na long nati. 8Ajarko a lamngai jiang an pek, a tokngai ning an mu; hale inn khar a kilngai jiang longpe nati. 9Animakle nan karra tu in mo a nai ning bu a lam le lungtum mo a pek rang? 10Hale nga a lam le rul mo a pek rang? 11Nang ni mi sa mak nang ni chunga, nan nai jiang kutchoisat pek na nan jet inko; vanram ma om nan Pa ama ningko a lamngai jiang a khel la asat phur mo penoning?
12“Hiva jarra, mi ning nang jiang na man tho jot ha nang in om thoro anmani jiang, ajarko hivahi danthei le Pathian tashantheingai chong ke ani.
Lamsin
(Luk. 13:24)
13“Kot a sin han lutru, ajarko kotlianna a lut mi antam ani; hava han mang na rang ani, hale hava han a lut antam. 14Ajarko ring na kot ko a sin, ringna lam ko akandeng; hale hava han alutko an tom.
Thingkung Le Ara
(Luk. 6:43,44)
15“Tashanthei kanlemngai tenna kan ning theiru, belram vun ansia an hong, tak-ha an lung sungako sa kei an chang. 16Nang nin anmani an ram nan jet rang ke, mi ning darkha hi lingkunga, hale thei chang hi ling karra mo an khomngai? 17Hingahin thingkungsat in asat a ra, tak-ha a satlui thingkungin a salui a ra. 18A sat thingkungin a salui ramak, animakle a satlui thingkungin asat ratorma. 19Arasat nei lui thing kung rakip ha an tanna mei khur sunga an deng juan. 20Hiva jarra nang nin anmani an ra nuk jui a jet nanti.
Nang ha Na jet Chilmaking
(Luk. 13:25-27)
21“Tu aninom kei jiang Puma Puma, a ti mirakip ning vanrengram lut noni u; tak-ha vanram ma ka Pa lungdo a tho rakip ning lut nanti. 22Hava ni han mitam in kei jiang tinanti, Puma, Puma, kein in na minga nuk a a suak rang kan lui ri mo nimak na minga seitan luinotchei mashing mo? Hale na minga a ngak pa chuan tam tak mo lui tho mashing? 23Hava pha han kein anmani jiang tirang ka ni, kein nang ni ha na lui jet chilmaking; kei jiang tenna che taru, nang ni tho salui tho ngai.
Inn sin Anni
(Luk. 6:47-49)
24“Hiva jarra tu aninom, ka chong ri a ngai a a tho inko; lung chunga inn sin mi ching khat anga luikati. 25Hale rua a tho, phaivou lian, a rang innom; inn ha lung chunga a sin ani jarra suk khiaktor noning.
26Atunko tu aninom, ka chong ri a jet a atholui mi ha; siatdi chunga inn sin mi an khat anga ni nati. 27Han rua a hong tho, tui a lian phaivou a hong ranga, inn ha a hong sukjui, hale a kiak ver jui.
Jisu Tornacham
28Hale hingahin aluini, Jisun a chong ri a tor pha han; mitamin ama man chuna ha an luingak jui. 29Ajarko a man chuna ha ranaknei mi khat anga aluini, han anmani dan ojangai anga lui nimak.
Aktualisht i përzgjedhur:
MATHIU 7: AIMOLBSI
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.