Vakorose

1 & 2 VaTesaronika

1 & 2 Timoti

VaHebheru

1, 2, uye 3 Johani

Petro

Jakobho

Zvakazarurwa

Kushandisa nguva yako munaMwari

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkPHP">
 <div class="chapter ch1" data-usfm="PHP.1">
 <div class="label">1</div><div class="p"> 1Pauro naTimoti, varanda vaKristu Jesu, kuvatsvene vose muna Kristu Jesu vari paFiripi, pamwe chete navatariri navadhikoni vekereke:</div><div class="b"></div><div class="p"> 2Nyasha norugare zvinobva kuna Mwari Baba nokuna Ishe Jesu Kristu ngazvive kwamuri.</div><div class="b"></div><div class="s1">Kuvonga noKunyengetera</div><div class="p"> 3Ndinovonga Mwari wangu nguva dzose pandinokurangarirai. 4Muminyengetero yangu yose nokuda kwenyu mose, ndinogara ndichinyengetera nomufaro 5nokuda kwokubata pamwe kwenyu muvhangeri kubvira pazuva rokutanga kusvikira zvino, 6ndichiziva izvi, kuti iye akatanga basa rakanaka mamuri acharipedzisa kusvikira pazuva raKristu Jesu.</div><div class="p"> 7Zvakanaka kwandiri kuti ndifunge saizvozvo pamusoro penyu mose, sezvo ndinemi mumwoyo; nokuti kunyange ndakasungwa nengetani kana kuti ndichidzivirira nokusimbisa vhangeri, imi mose munogovana neni munyasha dzaMwari. 8Mwari anogona kupupura kuti ndinokufungai sei imi mose norudo rwaKristu Jesu.</div><div class="p"> 9Uye uyu ndiwo munyengetero wangu: kuti rudo rwenyu ruwande uye muwanze kuziva nokunzwisisa, 10kuitira kuti mugogona kunzwisisa kuti zvakaisvonaka ndezvipi uye muve vakachena uye mushayiwe chamungapomerwa kusvikira pazuva raKristu, 11muzere nechibereko chokururama chinouya kubudikidza naJesu Kristu, kuti kubwinya nokurumbidzwa zvive kuna Mwari.</div><div class="s1">Kusungwa kwaPauro kunofambisa Vhangeri</div><div class="p"> 12Zvino ndinoda kuti muzive, hama dzangu, kuti zvakaitika kwandiri zvakabatsira zvikuru kufambisa vhangeri. 13Nokuda kwaizvozvo, zvava pachena kuvarindi vomuzinda wamambo nokuna vose kuti ndiri mungetani nokuda kwaKristu. 14Nokuda kwengetani dzangu, hama zhinji muna She dzakakurudzirwa kuti vataure shoko raMwari vakashinga zvikuru uye vasingatyi.</div><div class="p"> 15Ichokwadi kuti vamwe vanoparidza Kristu negodo uye negakava, asi vamwe nenzira yakanaka. 16Vamwe vanoita izvozvo murudo, vachiziva kuti ndakaiswa muno nokuda kwokudzivirira vhangeri. 17Vamwe vaiparidza Kristu nomwoyo woruchiva, vasina kutendeka, vachifungidzira kuti vangandimutsira dambudziko ndichiri mungetani. 18Asi zvisinei hazvo, chinhu chinokosha ndechokuti munzira dzose, dzingava ndangariro dzenhema kana dzechokwadi, Kristu ari kuparidzwa hake. Uye nokuda kwaizvozvi ndinofara.</div><div class="p">Hongu, uye ndicharamba ndichifara, 19nokuti ndinoziva kuti kubudikidza neminyengetero yenyu uye norubatsiro runopiwa noMweya waJesu Kristu, zvakaitika kwandiri zvichashanduka zvikava kusunungurwa kwangu. 20Ndinoshuva zvikuru nokutarira kuti handingazonyadziswi, asi ndichava nokushinga kwakakwana kuitira kuti zvino senguva dzose Kristu achakudzwa mumuviri wangu, muupenyu kana murufu. 21Nokuti kwandiri, kurarama ndiKristu uye kufa kupfuma. 22Kana ndikaramba ndichirarama mumuviri, izvi zvichareva kubata kune zvibereko kwandiri. Asi ndichasarudzeiko? Handizivi! 23Ndiri pakati pezvinhu zviviri zvinoti: Ndinoda kuenda kuti ndive naKristu, zvinova ndizvo zviri nani nokupfuuridza; 24asi zvinokoshawo zvikuru kwamuri kuti ndirambe ndiri mumuviri uyu. 25Ndichitenda chinhu ichi, ndinoziva kuti ndichagara, uye ndicharamba ndinemi mose kuti mupfuurire mberi uye mufare mukutenda kwenyu, 26kuitira kuti ndichinge ndadzoka kwamuri zvakare, mufaro wenyu muna Kristu Jesu ugozadziswa nokuda kwangu.</div><div class="p"> 27Zvisinei kuti chii chaitika kwandiri, murambe muchifamba nenzira yakafanira vhangeri raKristu. Ipapo, kunyange ndikauya kuzokuonai kana kunzwa nezvenyu ndisipo hangu, ndichaziva kuti mumire nesimba mumweya mumwe, muchirwa somunhu mumwe nokuda kwokutenda kwevhangeri, 28musingatyiswi nenzira ipi zvayo neavo vanopikisana nemi. Ichi ndicho chiratidzo kwavari kuti vachaparadzwa, uye kuti imi muchaponeswa naMwari. 29Nokuti makapiwa imi, nokuda kwaKristu, kuti musangotenda kwaari bedzi, asi kuti mutambudzike nokuda kwake, 30sezvo muri mukurwa kumwe chete uku kwamakandiona ndinako, uye kwamunoziva zvino kuti ndichinako.</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkPHP">
 <div class="chapter ch2" data-usfm="PHP.2">
 <div class="label">2</div><div class="s1">Kuzvininipisa saKristu</div><div class="p"> 1Kana muine kurudziro inobva pakubatana naKristu, kana paine kunyaradza kunobva parudo rwake, kana pano kuwadzana noMweya, kana paino unyoro netsitsi, 2ipapo itai kuti mufaro wangu uzare nokuva nomurangariro wakadaro, muine rudo rumwe chete, muri vamwe mumweya nechinangwa. 3Musaita chinhu nomwoyo wokuchiva kana kuzvikudza, asi mukuzvininipisa muchionawo vamwe kuti vari nani kupfuura imi. 4Mumwe nomumwe wenyu ngaarege kungotsvaka zvake chete, asi zvavamwewo.</div><div class="p"> 5Kufunga kwenyu ngakuve sokwaKristu Jesu:</div><div class="q1"> 6Uyo, kunyange aiva Mwari chaiye,</div><div class="q2">haana kufunga kuti kuenzana naMwari chinhu chingabatisiswa,</div><div class="q1"> 7asi akazviita chinhu pasina,</div><div class="q2">akatora chimiro chomuranda chaiye,</div><div class="q2">akaitwa somunhu.</div><div class="q1"> 8Uye akati awanikwa ane chimiro chomunhu,</div><div class="q2">akazvininipisa</div><div class="q2">uye akateerera kusvikira pakufa, kunyange rufu pamuchinjikwa.</div><div class="b"></div><div class="q1"> 9Naizvozvo Mwari akamukudza panzvimbo yapamusoro-soro,</div><div class="q2">uye akamupa zita riri pamusoro pamazita ose,</div><div class="q1"> 10kuti muzita raJesu mabvi ose apfugame,</div><div class="q2">mudenga napanyika uye napasi penyika,</div><div class="q1"> 11uye ndimi dzose dzipupure kuti Jesu Kristu ndiye Ishe,</div><div class="q2">kuti Mwari Baba vakudzwe.</div><div class="s1">Kupenya seNyeredzi</div><div class="p"> 12Naizvozvo, shamwari dzangu dzinodiwa, sezvamunogara muchiteerera, kwete ndiripo bedzi, asi zvino zvikuru ndisipo, rambai muchishandira ruponeso rwenyu nokutya nokudedera, 13nokuti ndiMwari anoshanda mukati menyu kuti mude uye muite maererano nokuda kwake kwakanaka.</div><div class="p"> 14Itai zvose musinganyunyuti kana kukakavara, 15kuitira kuti mugova vasina chavangapomerwa uye vakachena, vana vaMwari vasina mhosva murudzi urwu rwakakombama uye rwakatsauka, rwamunovhenekera senyeredzi munyika 16sezvamunobatirira pashoko roupenyu, kuitira kuti ndigozvirumbidza pazuva raKristu uye kuti handina kumhanya kana kushanda pasina. 17Asi kunyange dai ndadururwa hangu sechipiriso chinonwiwa pamusoro pechibayiro noushumiri hunobva pakutenda kwenyu, ndinofara uye ndinofarisisa nemi mose. 18Saka nemiwo munofanira kufara nokufarisisa neni.</div><div class="s1">Timoti naEpafrodhitasi</div><div class="p"> 19Ndine tariro muna Ishe Jesu kuti nditume Timoti kwamuri nokukurumidza, kuti neniwo ndifare pandichanzwa mashoko pamusoro penyu. 20Handina mumwe akaita saye, ane hanya kwazvo nokugara kwenyu kwakanaka. 21Nokuti munhu wose anozvitsvakira zvake, zvisati zviri zvaJesu Kristu. 22Asi munoziva kuti Timoti akaratidza kutendeka kwake, nokuti somwanakomana ana baba vake akashanda neni mubasa revhangeri. 23Naizvozvo, ndine tariro yokuti ndimutume nokukurumidza kana ndaona kuti zvinhu zvinondifambira sei. 24Ndinovimba muna She kuti ini pachangu ndichauya nokukurumidza.</div><div class="p"> 25Asi ndinofunga kuti zvakafanira kuti nditumirezve kwamuri Epafrodhitasi, hama yangu, mubati pamwe chete neni uye murwi pamwe chete neni, iye nhume yenyuwo, wamakatuma kuti azondibatsira pane zvandaishayiwa. 26Nokuti anokushuvai mose uye ari kutambudzika nokuti makanzwa kuti akanga achirwara. 27Zvechokwadi akanga achirwara, uye akapotsa afa. Asi Mwari akava nengoni naye, uye kwete kwaari oga asi kwandiriwo, kuti ndirege kuva nokusuwa pamusoro pokusuwa. 28Naizvozvo ndinoshinga kwazvo kuti ndimutume, kuti pamunomuonazve mugofara uye ini ndive nokufunganya kushoma. 29Mugamuchirei muna She nomufaro mukuru, uye mukudze munhu akaita saiyeye, 30nokuti akapotsa afa nokuda kwebasa raKristu, akaisa upenyu hwake panjodzi kuti akwanise kubatsira kwamakanga musingagoni kundiitira imi.</div>
 </div>
 </div>
</div>

VafiripuChikamu

Rugwaro

Zvinechekuita neHurongwa uhu

Zvirongwa zvakada kufanana neichi