Mako

Ruka

Johani

Mabasa Avapositori

2 Vakorinde

VaRoma

1 & 2 VaTesaronika

1 & 2 Timoti

VaHebheru

1 Vakorinde

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkMAT">
 <div class="chapter ch17" data-usfm="MAT.17">
 <div class="label">17</div><div class="s1">Kubwinya kwaJesu paGomo</div><div class="p"> 1Mushure memazuva matanhatu Jesu akatora Petro naJakobho naJohani munun&#700;una waJakobho akakwira navo mugomo refu vari voga. 2Ipapo akashanduka pamberi pavo. Chiso chake chakapenya sezuva uye nguo dzake dzikachena sechiedza. 3Pakarepo Mozisi naEria vakangoerekana voonekwa vamire vachitaura naJesu.</div><div class="p"> 4Petro akati kuna Jesu, &#8220;Ishe zvakatinakira kuva pano. Kana muchida ndingavaka matumba matatu, rimwe renyu, rimwe raMozisi nerimwe raEria.&#8221;</div><div class="p"> 5Achiri kutaura kudaro, gore raipenya rakabva ravakwidibira, uye inzwi rikabuda mugore richiti, &#8220;Uyu ndiye Mwanakomana wangu wandinodisa, anondifadza. Munzwei!&#8221;</div><div class="p"> 6Vadzidzi vakati vanzwa izvi, vakawira pasi nezviso zvavo vachitya kwazvo. 7Asi Jesu akauya akavabata. Akati, &#8220;Mukai. Musatya.&#8221; 8Pavakasimudza misoro vachitarisa vakazongoona Jesu ava oga.</div><div class="p"> 9Pavakanga vava kuburuka kubva mugomo, Jesu akavarayira achiti, &#8220;Musamboudza ani zvake zvamaona izvi kusvikira Mwanakomana woMunhu amutswa kubva kuvakafa.&#8221;</div><div class="p"> 10Vadzidzi vakamubvunza vakati, &#8220;Ko, sei vadzidzisi vemirayiro vachiti Eria anofanira kutanga kuuya?&#8221;</div><div class="p"> 11Jesu akapindura akati, &#8220;Ichokwadi kuti Eria achauya agovandudza zvinhu zvose. 12Asi ndinokuudzai kuti Eria akatouya kare asi havana kumuziva, uye vakaita kwaari zvavaida. Saizvozvo Mwanakomana woMunhu achatambudzwa pamaoko avo.&#8221; 13Ipapo vadzidzi vakanzwisisa kuti aitaura kwavari nezvaJohani Mubhabhatidzi.</div><div class="s1">Kuporeswa kwoMukomana Aiva neDhimoni</div><div class="p"> 14Vakati vasvika kuvanhu vazhinji, mumwe murume akauya akasvikopfugama pamberi paJesu akati, 15&#8220;Ishe, donzwiraiwo mwanakomana wangu tsitsi. Ane zvipusha uye ari kutambudzika kwazvo. Kazhinji zvinomuwisira mumoto kana mumvura. 16Ndauya naye kuvadzidzi venyu asi havana kugona kumuporesa.&#8221;</div><div class="p"> 17Jesu akapindura akati, &#8220;Haiwa, imi rudzi rusingatendi uye rwakatsauka, ndichagara nemi kusvikira rinhiko? Uyai nomukomana uyu kwandiri.&#8221; 18Jesu akatuka dhimoni rikabva rabuda mumukomana uya achibva apora kubva panguva iyoyo.</div><div class="p"> 19Ipapo vadzidzi vakauya kuna Jesu vari voga vakamubvunza vachiti, &#8220;Ko, takundikana sei kuridzinga?&#8221;</div><div class="p"> 20Akavapindura achiti, &#8220;Nokuda kwokuti mune kutenda kudiki. Ndinokuudzai chokwadi kuti dai maiva nokutenda kudiki hako semhodzi yemasitadhi maigona kuti kugomo iri, &#8216;Ibva apa uende uko,&#8217; zvichiitika. Hapana chamunozokundikana kuita. 21Asi rudzi urwu rwomweya runongobviswa chete nokunyengetera nokutsanya.&#8221;</div><div class="p"> 22Vakati vaungana muGarirea Jesu akati kwavari, &#8220;Mwanakomana woMunhu achaiswa mumaoko avanhu. 23Vachamuuraya asi pazuva retatu achamutswa.&#8221; Uye vadzidzi vakasuwa kwazvo.</div><div class="s1">Mutero womuTemberi</div><div class="p"> 24Jesu navadzidzi vake vakati vasvika muKapenaume, vateresi vomutemberi vakauya kuna Petro vakabvunza vachiti, &#8220;Ko, mudzidzisi wenyu haaripi mutero womutemberi here?&#8221;</div><div class="p"> 25Akapindura akati, &#8220;Hongu, anoripa.&#8221;</div><div class="p">Petro paakapinda mumba, Jesu ndiye akatanga kutaura achiti, &#8220;Unofungei, Simoni? Madzimambo enyika anotora mutero kuvana vavo here kana kuti kuna vamwe?&#8221;</div><div class="p"> 26Petro akapindura akati, &#8220;Kuna vamwe.&#8221; Jesu akati, &#8220;Saka vana vakasununguka. 27Asi kuti tisavagumbura enda kugungwa unokanda chiredzo chako mumvura. Tora hove yaunotanga kubata, wovhura muromo wayo, uchawana muine mari inokwana mutero wangu newako, uvape.&#8221;</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkMAT">
 <div class="chapter ch18" data-usfm="MAT.18">
 <div class="label">18</div><div class="s1">Mukuru muUmambo hwoKudenga</div><div class="p"> 1Panguva iyoyo vadzidzi vakauya kuna Jesu uye vakamubvunza vachiti, &#8220;Ndianiko mukuru pane vose muumambo hwokudenga?&#8221;</div><div class="p"> 2Akadana mwana muduku ndokumumisa pakati pavo. 3Uye akati, &#8220;Ndinokuudzai chokwadi kuti, kana musina kushanduka mukava savana vaduku, hamungatongopindi muumambo hwokudenga. 4Naizvozvo ani naani anozvininipisa somwana uyu ndiye achava mukuru muumambo hwokudenga.</div><div class="p"> 5&#8220;Uye ani naani anogamuchira mwana muduku souyu muzita rangu anogamuchira ini. 6Asi ani naani anoita kuti mumwe wavaduku vanotenda kwandiri atadze, zvaiva nani kwaari kuti asungirirwe guyo guru muhuro make agonyudzwa mugungwa makadzika.</div><div class="p"> 7&#8220;Ine nhamo nyika nokuda kwezvinhu zvinoita kuti vanhu vatadze! Zvinhu izvozvo zvinofanira kuuya asi ane nhamo munhu anoita kuti zviitike. 8Kana ruoko rwako kana kuti rutsoka rwako zvichikuita kuti utadze, zvidimure uzvirasire kure. Zviri nani kupinda muupenyu wakaremara kana kuti uchikamhina, pano kupinda mumoto usingadzimi uine maoko maviri namakumbo maviri. 9Kana ziso rako richikuita kuti utadze ribvise urirasire kure. Zviri nani kuti upinde muupenyu uine ziso rimwe chete pane kunge uine maziso maviri asi ugokandwa mumoto wegehena.</div><div class="s1">Mufananidzo weGwai Rakarasika</div><div class="p"> 10&#8220;Onai kuti hamuzvidze mumwe wavaduku ava. Ndinokuudzai kuti vatumwa vavo kudenga vanogaroona chiso chaBaba vangu vari kudenga. 11Nokuti Mwanakomana woMunhu akauya kuzoponesa chakarasika.</div><div class="p"> 12&#8220;Imi munofungei? Kana munhu ane makwai zana, rimwe chete rawo rikarasika, haangasiye makumi mapfumbamwe nepfumbamwe mumakomo achinotsvaka rakarasika here? 13Uye kana akariwana, ndinokuudzai chokwadi kuti anorifarira kukunda makumi mapfumbamwe nemapfumbamwe asina kurasika. 14Nenzira imwe cheteyo Baba venyu vari kudenga havafariri kuti mumwe wavaduku ava arasike.</div><div class="s1">Kana Hama Yakutadzira</div><div class="p"> 15&#8220;Kana hama yako yakutadzira enda umuudze mhosva yake, muri vaviri chete. Kana akakunzwa wadzora hama yako. 16Asi akaramba kuteerera, enda nomumwe kana vaviri kuitira kuti &#8216;nyaya imwe neimwe isimbiswe nezvapupu zviviri kana zvitatu.&#8217; 17Kana akaramba kuteerera, uudze kereke, kana akaramba kuteerera kunyange kereke, umutore zvako somuhedheni kana muteresi.</div><div class="p"> 18&#8220;Ndinokuudzai chokwadi kuti chose chamuchasunga pano pasi chichasungwa kudenga, nechamunosunungura pano pasi chichasunungurwa kudenga.</div><div class="p"> 19&#8220;Ndinokuudzai zvakare kuti kana vaviri venyu mukabvumirana pane chamunokumbira kuna Baba vangu vari kudenga, muchachiitirwa. 20Nokuti panoungana vaviri kana vatatu muzita rangu, neni ndiripo pakati pavo.&#8221;</div><div class="s1">Mufananidzo woMuranda Akanga Asina Tsitsi</div><div class="p"> 21Ipapo Petro akauya kuna Jesu akamubvunza achiti, &#8220;Ishe, kanganiko kandingaregerera hama yangu kana achinditadzira? Kanomwe here?&#8221;</div><div class="p"> 22Jesu akapindura akati, &#8220;Kwete kanomwe chete, asi kakapetwa makumi manomwe ane nomwe.</div><div class="p"> 23&#8220;Naizvozvo, umambo hwokudenga hwakafanana namambo aida kuripirwa zvikwereti zvake navaranda vake. 24Paakatanga kuzviongorora, murume ainge aine chikwereti chamatarenda zviuru gumi#18:24 mamiriyoni 10 amadhora akauyiswa kwaari. 25Sezvo ainge asingakwanisi kuripa chikwereti ichi, tenzi wake akaronga kuti iye nomudzimai wake, navana vake nezvose zvaaiva nazvo zvitengeswe kuti zviripe chikwereti.</div><div class="p"> 26&#8220;Muranda uya akazviwisira pamberi patenzi wake akamukumbira zvikuru achiti, &#8216;Ndiitireiwo mwoyo murefu, ndicharipa hangu zvose.&#8217; 27Tenzi womuranda uya akamunzwira tsitsi, ndokubva adzima chikwereti chiya chose, uye akamuregedza achienda zvake.</div><div class="p"> 28&#8220;Asi muranda uya paakabuda, akasangana nomumwewo muranda saiye ainge aine chikwereti chake chamadhenari zana#18:28 madhora mashoma shoma. Akamubata ndokutanga kumudzipa. Akati, &#8216;Ndipe chikwereti changu!&#8217;</div><div class="p"> 29&#8220;Muranda uya saiyewo muranda akapfugama ndokumukumbira zvikuru achiti, &#8216;Ndiitirewo mwoyo murefu, ndichakupa chikwereti chako.&#8217;</div><div class="p"> 30&#8220;Asi akaramba. Pamusoro pezvo akamusungisa uye akaita kuti aiswe mutorongo kusvikira aripa chikwereti chose. 31Vamwe varanda vakati vaona zvakanga zvaitika, zvakavatambudza zvikuru ndokubva vanoudza tenzi wavo zvose zvakanga zvaitika.</div><div class="p"> 32&#8220;Tenzi akadana muranda uya akati, &#8216;Iwe muranda akaipa. Ndakadzima chikwereti changu chawaiva nacho nokuti wakandikumbira zvikuru. 33Saka hawaifanira here kuva netsitsi kuno mumwe wako sezvandakakuitira iwe?&#8217; 34Nehasha tenzi wake akamuisa kune vejeri kuti arangwe zvinorwadza kusvikira aripa chikwereti chose chaaiva nacho.</div><div class="p"> 35&#8220;Izvi ndizvo zvichaitirwa mumwe nomumwe wenyu naBaba vangu vari kudenga kana musingaregereri hama yenyu nomwoyo wose.&#8221;</div>
 </div>
 </div>
</div>

MatioChikamu

Rugwaro

Zvinechekuita neHurongwa uhu

Zvirongwa zvakada kufanana neichi