Mako

Ruka

Johani

Mabasa Avapositori

2 Vakorinde

VaRoma

1 & 2 VaTesaronika

1 & 2 Timoti

VaHebheru

1 Vakorinde

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkMAT">
 <div class="chapter ch27" data-usfm="MAT.27">
 <div class="label">27</div><div class="s1">Judhasi Anozvisungirira</div><div class="p"> 1Mangwanani-ngwanani vaprista vose vakuru navakuru vavanhu vakabvumirana kuti Jesu aurayiwe. 2Vakamusunga, vakaenda naye vakandomuisa kuna Pirato uyo aiva mubati.</div><div class="p"> 3Judhasi uya akanga amupandukira akati aona kuti Jesu atongerwa rufu, akazvidemba kwazvo ndokubva adzosera makumi matatu esirivha aya kuvaprista vakuru navakuru. 4Akasvikoti, &#8220;Ndatadza, nokuti ndapandukira ropa risina mhosva.&#8221;</div><div class="p">Vakamupindura vachiti, &#8220;Zvinei nesu? Ndezvako izvo.&#8221;</div><div class="p"> 5Saka Judhasi akakanda mari iya mutemberi akabva akaenda akandozvisungirira.</div><div class="p"> 6Vaprista vakuru vakanhonga mari iya vakati, &#8220;Hazvitenderwi nomurayiro kuti tiise mari iyi mudura remari, sezvo iri mari yeropa.&#8221; 7Saka vakazotenderana kuti vaishandise kutenga munda womuumbi wehari kuti ugova nzvimbo yokuviga vatorwa. 8Naizvozvo wakanzi Munda Weropa kusvikira zuva ranhasi. 9Ipapo zvakabva zvazadziswa zvakataurwa nomuprofita Jeremia zvinoti, &#8220;Vakatora makumi matatu esirivha, mutengo waakatengeswa nawo navanhu veIsraeri, 10uye vakaashandisa kutenga nawo munda womuumbi wehari, sokurayirwa kwandakaitwa naIshe.&#8221;</div><div class="s1">Jesu Pamberi paPirato</div><div class="p"> 11Panguva iyoyo Jesu akamira pamberi pomubati, uye mubati akamubvunza achiti, &#8220;Ndiwe mambo wavaJudha here?&#8221;</div><div class="p">Jesu akapindura achiti, &#8220;Hongu, ndizvo zvamataura.&#8221;</div><div class="p"> 12Paakapomerwa navaprista vakuru navakuru vavanhu, haana chaakapindura. 13Ipapo Pirato akamubvunza achiti, &#8220;Iwe haunzwi here uchapupu hwezvavari kukupomera izvi?&#8221; 14Asi, Jesu akaramba anyerere, akasapindura kunyange chimwe zvacho, mubati akashamiswa kwazvo.</div><div class="p"> 15Zvino yaiva tsika yomubati pamutambo kusunungura musungwa mumwe chete anenge asarudzwa navanhu vazhinji. 16Panguva iyoyo vaiva nomusungwa ainge anetsa kwazvo ainzi Bharabhasi. 17Saka vanhu vazhinji vakati vaungana, Pirato akavabvunza akati, &#8220;Ndoupi wamunoda kuti ndikusunungurirei: Bharabhasi kana kuti Jesu anonzi Kristu?&#8221; 18Nokuti aiziva kuti vakanga vamuisa kwaari nokuda kwegodo.</div><div class="p"> 19Pirato akati agere pachigaro chokutonga mukadzi wake akamutumira shoko iri rokuti: &#8220;Usawana chaunoita nomurume uyo asina mhosva, nokuti hope dzandarota nezvake usiku hwanhasi dzanditambudza kwazvo.&#8221;</div><div class="p"> 20Asi vaprista vakuru navakuru vavanhu vakakurudzira vanhu vazhinji kuti vakumbire Bharabhasi uye kuti Jesu aurayiwe.</div><div class="p"> 21Mubati akabvunza akati, &#8220;Ndoupi pavaviri ava wamunoda kuti ndikusunungurirei?&#8221;</div><div class="p">Vakapindura vakati, &#8220;Bharabhasi!&#8221;</div><div class="p"> 22Pirato akabvunza akati, &#8220;Zvino ndichaiteiko naJesu anonzi Kristu?&#8221; Vakapindura vakati, &#8220;Ngaarovererwe pamuchinjikwa!&#8221;</div><div class="p"> 23Pirato akabvunzazve achiti, &#8220;Nemhaka yei? Mhosva yake ndeyei?&#8221;</div><div class="p">Vanhu vazhinji vaya vakaramba vachidanidzira vachiti, &#8220;Ngaarovererwe pamuchinjikwa!&#8221;</div><div class="p"> 24Pirato akati aona kuti hapana kwaaisvika, asi kuti bope rakanga rotanga, akatora mvura akashamba maoko ake pamberi pavanhu akati, &#8220;Handina mhosva yeropa romunhu uyu. Zvionerei.&#8221;</div><div class="p"> 25Vanhu vose vakapindura vachiti, &#8220;Ropa rake ngarive pamusoro pedu napamusoro pevana vedu.&#8221;</div><div class="p"> 26Ipapo akavasunungurira Bharabhasi, asi akaita kuti Jesu arohwe, uye akamupa kwavari kuti arovererwe pamuchinjikwa.</div><div class="s1">Varwi Vanoseka Jesu</div><div class="p"> 27Ipapo varwi vomubati vakatora Jesu vakaenda naye mumuzinda womubati uye vakaunganidza hondo yose paari. 28Vakamubvisa nguo dzake vakamupfekedza nguo tsvuku. 29Vakaruka korona yeminzwa vakaiisa pamusoro wake. Vakamubatisa mudonzvo muruoko rwake rworudyi vakapfugama pamberi pake uye vakamuseka vachiti, &#8220;Kwaziwai, Mambo wavaJudha!&#8221; 30Vakamusvipira mate vakamutorera tsvimbo iya uye vakamurova nayo mumusoro kakawanda. 31Shure kwokumuseka, vakamupfekedza nguo dzake chaidzo ndokuenda naye kundomuroverera pamuchinjikwa.</div><div class="s1">Kurovererwa paMuchinjikwa</div><div class="p"> 32Vakati vobuda, vakasangana nomurume aibva kuSairini ainzi Simoni, uye vakamumanikidza kuti atakure muchinjikwa. 33Vakasvika panzvimbo inonzi Gorogota, (zvinoreva kuti Nzvimbo yeDehenya). 34Ipapo vakapa Jesu waini yakasanganiswa nenduru, kuti anwe, asi akati airavira akaramba kuinwa. 35Vakati vamuroverera pamuchinjikwa, vakagovana nguo dzake vachiita zvokukanda mijenya. 36Uye vakagara pasi, vakamurinda. 37Pamusoro pake vakaisa rugwaro rwemhosva yake rwaiti: &#8220;uyu ndijesu, mambo wavajudha.&#8221; 38Makororo maviri akarovererwawo pamwe chete naye, mumwe kurudyi mumwe kuruboshwe. 39Vaya vaipfuura napo, vakamutuka vachidzungudza misoro yavo 40uye vachiti, &#8220;Iwe uri kuzoputsa temberi uchizoivakazve mumazuva matatu, chizviponesa! Buruka pamuchinjikwa kana uri Mwanakomana waMwari!&#8221;</div><div class="p"> 41Nenzira imwe cheteyo, vaprista vakuru, navadzidzisi vomurayiro navakuru vakamuseka vachiti, 42&#8220;Akaponesa vamwe, asi haagoni kuzviponesa! Ndiye Mambo weIsraeri! Ngaaburuke zvino pamuchinjikwa tigotenda kwaari. 43Anovimba naMwari saka ngaachimununura iye zvino kana achimuda, nokuti akati, &#8216;Ndiri Mwanakomana waMwari.&#8217;&#8198;&#8221; 44Nenzira imwe cheteyo makororo akanga arovererwa pamwe chete naye akamutukawo.</div><div class="s1">Kufa kwaJesu</div><div class="p"> 45Kubva panguva yechitanhatu kusvika panguva yepfumbamwe rima rakavapo panyika yose. 46Nenguva inenge yepfumbamwe, Jesu akadanidzira nenzwi guru achiti, &#8220;Eroi, Eroi, rama sabhakitani?&#8221; zvichireva kuti, &#8220;Mwari wangu! Mwari wangu, mandisiyireiko?&#8221;</div><div class="p"> 47Vamwe vakanga vamirepo vakati vanzwa izvozvo, vakati, &#8220;Ari kudana Eria.&#8221;</div><div class="p"> 48Pakarepo mumwe wavo akamhanya akatora chipanje. Akachizadza newaini yevhiniga ndokuchiisa pachimuti, achibva apa Jesu kuti anwe. 49Vamwe vakati, &#8220;Zvino musiyei ari oga. Regai tione kana Eria achiuya kuzomuponesa.&#8221;</div><div class="p"> 50Uye Jesu akati adanidzira nenzwi guru, akabudisa mweya wake.</div><div class="p"> 51Panguva iyoyo chidzitiro chomutemberi chakabvaruka napakati kubva kumusoro kusvika pasi. Nyika yakadengenyeka, uye mabwe akatsemuka. 52Makuva akazaruka, mitumbi yavatsvene vazhinji vakanga vakafa ikamutswa kuupenyu. 53Vakabuda mumakuva, uye shure kwokumuka kwaJesu vakapinda muguta dzvene uye vakaonekwa navanhu vazhinji.</div><div class="p"> 54Mukuru wezana navaya vaakanga anavo vakarinda Jesu, pavakaona kudengenyeka kwenyika nezvose zvakanga zvaitika, vakatya kwazvo, uye vakati, &#8220;Zvechokwadi, anga ari Mwanakomana waMwari!&#8221;</div><div class="p"> 55Vakadzi vazhinji vakanga varipo, vachitarira vari kure. Vakanga vatevera Jesu kubva kuGarirea kuti vamuriritire pane zvaaida. 56Pakati pavo paiva naMaria Magadharena, Maria mai vaJakobho naJosefa, namai vavanakomana vaZebhedhi.</div><div class="s1">Kuvigwa kwaJesu</div><div class="p"> 57Kwakati kwovira, kwakauya mumwe murume mupfumi aibva kuArimatea, ainzi Josefa, akanga avawo mudzidzi waJesu. 58Akaenda kuna Pirato akandokumbira mutumbi waJesu, uye Pirato akarayira kuti aupiwe. 59Josefa akatora mutumbi akauputira nomucheka wakachena, 60akauisa muguva rake idzva raakanga achera padombo. Akakungurutsira ibwe guru pamuromo weguva ndokubva aenda. 61Maria Magadharena nomumwe Maria vakanga varipo vagere pakatarisana neguva.</div><div class="s1">Murindi paGuva</div><div class="p"> 62Mangwana acho, iro rakatevera Zuva roKugadzirira, vaprista vakuru navaFarisi vakaenda kuna Pirato. 63Vakasvikoti, &#8220;Ishe, tinorangarira kuti achiri mupenyu, munyengeri uya akati, &#8216;Mushure mamazuva matatu, ndichamukazve.&#8217; 64Saka rayirai kuti guva rake richengetedzwe kwazvo kusvika pazuva retatu. Zvimwe vadzidzi vake vangauye vakaba mutumbi wake vakaudza vanhu kuti akamutswa kubva kuvakafa. Kunyengera kwokupedzisira uku kuchaipa kukunda kwokutanga.&#8221;</div><div class="p"> 65Pirato akapindura akati, &#8220;Torai, varindi. Endai, mundochengetedza guva iroro semaziviro enyu.&#8221; 66Saka vakaenda vakandoita kuti richengetedzwe nokuisa chisimbiso pabwe, uye nokuisa varindi.</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkMAT">
 <div class="chapter ch28" data-usfm="MAT.28">
 <div class="label">28</div><div class="s1">Kumuka kwaJesu</div><div class="p"> 1Mushure meSabata, ava mambakwedza nomusi wokutanga wevhiki, Maria Magadharena nomumwe Maria vakaenda kundoona guva.</div><div class="p"> 2Pakava nokudengenyeka kwenyika kukuru nokuti mutumwa waShe akabva kudenga akaenda paguva akasvikokungurutsa ibwe riya akagara pamusoro paro. 3Kuonekwa kwake kwakanga kwakaita semheni uye nguo dzake dzakanga dzakachena sechando. 4Varindi vakamutya kwazvo zvokuti vakadedera vakaita savanhu vafa.</div><div class="p"> 5Mutumwa akati kuvakadzi vaya, &#8220;Musatya nokuti ndinoziva kuti muri kutsvaka Jesu uyo akarovererwa pamuchinjikwa. 6Haapo pano; amuka sokutaura kwaakaita. Uyai muone panzvimbo paakanga avete. 7Zvino kurumidzai muende kundoudza vadzidzi vake kuti, &#8216;Amuka kubva kuvakafa uye kuti afanotungamira kuGarirea. Muchanomuona ikoko.&#8217; Zvino ndakuudzai.&#8221;</div><div class="p"> 8Saka vakadzi ava vakakurumidza kubva paguva vachitya asi vakazadzwa nomufaro, uye vakamhanya kundoudza vadzidzi vake. 9Pakarepo Jesu akasangana navo, akati, &#8220;Kwaziwai.&#8221; Vakauya kwaari vakabata tsoka dzake uye vakamunamata. 10Ipapo Jesu akati kwavari, &#8220;Musatya. Endai mundoudza hama dzangu kuti vaende kuGarirea; ikoko ndiko kwavachanondiona.&#8221;</div><div class="s1">Zvakataurwa naVarindi</div><div class="p"> 11Vakadzi vaya vachiri munzira, vamwe vevarindi vakaenda muguta vakandotaurira vaprista vakuru zvose zvakanga zvaitika. 12Vaprista vakuru vakati vasangana navakuru, uye vafunga zano, vakapa varwi mari zhinji 13vakati kwavari, &#8220;Imi munofanira kutaura muchiti, &#8216;Vadzidzi vake vakauya usiku vakamuba isu tivete.&#8217; 14Kana mashoko aya akasvika munzeve dzomubati, isu tichaita kuti agutsikane uye imi musawira mudambudziko.&#8221; 15Saka varwi vakatora mari iya vakaita sezvavakanga varayirwa. Uye shoko iri rakaparadzirwa kwazvo pakati pavaJudha kusvikira zuva ranhasi.</div><div class="s1">Kutumwa Kukuru</div><div class="p"> 16Ipapo vadzidzi gumi nomumwe vakaenda kuGarirea, kugomo ravainge vaudzwa naJesu kuti vaende. 17Vakati vamuona, vakamunamata, asi vamwe vakakahadzika. 18Ipapo Jesu akasvika pavari akati, &#8220;Simba rose kudenga napanyika rakapiwa kwandiri. 19Naizvozvo endai mudzidzise ndudzi dzose, muchivabhabhatidza muzita raBaba, neroMwanakomana neroMweya Mutsvene, 20uye muchivadzidzisa kuti vachengete zvose zvandakakurayirai. Uye zvechokwadi ndinemi kusvikira pakuguma kwenyika.&#8221;</div>
 </div>
 </div>
</div>

MatioChikamu

Rugwaro

Zvinechekuita neHurongwa uhu

Zvirongwa zvakada kufanana neichi