Wana appTiri Vamwe Muna KristuChikamu
Takapfeka Kristu
Avo vakatenda vanofanira kuva nesungano yeukama naMwari, nekutanga kufamba upenyu hwekutenda. Umwe neumwe anogadzira nekuita sungano yekuvimba naMwari wake paruponeso, kubudikidza nenyasha, achisundwa nekutenda kwake munyasha nerudairo munyasha dzaMwari. Kutenda uku kunozoonekwa nekubhabhatidzwa murufu, kuvigwa nekumuka kwaJesu Kristu. Kubhabhatidzwa harisi basa remurairo kuti tiwane nyasha dzaMwari, asi zvinonongedzera sungano yatakaita muropa raJesu kubudikidza nenyasha dzaMwari.
Kupfeka Kristu kunoreva kusiya nzira dzemunyika. Vatendi vakabuda mumvura yerubhabhatidzo sevabati muzvisikwa zvitsva. Chibereko chemweya chinouya kune uyo anenge apfeka Kristu. Mukupfeka Kristu, munhu anotora umwari kubudikidza nekudaira kwaari. Hapana rugare kana tisati taona basa raJesu Kristu richipera; kusvika tatarisa kumashure tichiona muchinjikwa waKristu pakati pedu nezvivi zvedu. Tikakwanisa kuona basa guru rakaitwa pamuchinjikwa, tichazviisa kwaari uyo akaita basa iroro.
Jesu anoda kuti tigare maari uye naiye matiri. Kana tichinge tangopfeka Kristu, achatonga matiri. Kana Jesu akatonga muupenyu hwako, naMwari achakunzwira ngoni. Ipa upenyu hwako kuna Mwari.
Munamato: Mwari vari kudenga ndinokutendai nekuti vanhu venyu vazhinji vakabatanidzwa muna Kristu uye vakafanana naye kubudikidza nerubhabhatidzo. Ndinokutendai nenyasha dzenyu dzakatisunungura kubva mujoko reuranda. Tibatsirei tirege kurarama upenyu husingabvi kwamuri asi mutipei mweya wekunzwisisa simba reruponeso rwenyu. Muna Kristu. Ameni.
Kuwedzera Kuverenga: VaRoma 6:3-6, Tito 2:11, Mateo 28:19
Rugwaro
Zvinechekuita neHurongwa uhu
VaGaratiya vechitatu anopa shoko rinesimba pamusoro pekukosha kwekutenda kwedu neukama hwdu naMwari. Kutenda uku hakuna kungopiwa vanhu vashoma chete, asi kunoenderera kumarudzi, mumagariro, nekusiyana kwevanhu, zvese zvichitibatanidza muna Kristu. Chinosimbisisa kuti hatina kuponeswa nesimba redu, asi nekutenda muna Jesu Kristu. Chitsauko chinotaura nezvekusunungurwa, nekunongedzera kusununguka kwatinoona muna Kristu.
More
Tinoda kutenda Trymore Mutare nekupa chirongwa ichi. Kuti uwane rumwe ruzivo, ndapota shanya: facebook.com/trymore.mutare.7?mibextid=ZbWKwL
