Kushandisa nguva yako munaMwari

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

Bhaibheri Dzvene MuChiShona Chanhasi

<div class="version vid32 iso6393sna" data-vid="32" data-iso6393="sna">
 <div class="book bkACT">
 <div class="chapter ch10" data-usfm="ACT.10.1+ACT.10.2+ACT.10.3+ACT.10.4+ACT.10.5+ACT.10.6+ACT.10.7+ACT.10.8+ACT.10.9+ACT.10.10+ACT.10.11+ACT.10.12+ACT.10.13+ACT.10.14+ACT.10.15+ACT.10.16+ACT.10.17+ACT.10.18+ACT.10.19+ACT.10.20+ACT.10.21+ACT.10.22+ACT.10.23+ACT.10.24+ACT.10.25+ACT.10.26+ACT.10.27+ACT.10.28+ACT.10.29+ACT.10.30+ACT.10.31+ACT.10.32+ACT.10.33+ACT.10.34+ACT.10.35+ACT.10.36+ACT.10.37+ACT.10.38+ACT.10.39+ACT.10.40+ACT.10.41+ACT.10.42+ACT.10.43+ACT.10.44+ACT.10.45+ACT.10.46+ACT.10.47+ACT.10.48">
 <div class="p">1PaKesaria pakanga pano mumwe murume ainzi Koniriasi, mukuru wezana weHondo yavaItaria. 2Iye nemhuri yake vakanga vakazvipira uye vaitya Mwari; aipa kwazvo kuna vanoshayiwa uye ainyengetera kuna Mwari nguva dzose. 3Mumwe musi panguva inenge yechitatu masikati akaona chiratidzo. Akanyatsoona mutumwa waMwari, uyo akauya kwaari akati, &#8220;Koniriasi!&#8221;</div><div class="p"> 4Koniriasi akatarisa kwaari achitya, akati, &#8220;Chinyiko, Ishe?&#8221;</div><div class="p">Mutumwa akapindura akati, &#8220;Minyengetero yako nezvipo zvako kuvarombo zvakwira kudenga sechipiriso chechirangaridzo pamberi paMwari. 5Zvino tuma vanhu kuJopa vandodana murume anonzi Simoni, achinziwo Petro. 6Ari kugara naSimoni musuki wamatehwe, ane imba iri pedyo negungwa.&#8221;</div><div class="p"> 7Mutumwa waakanga achitaura naye akati aenda, Koniriasi akadana varanda vake vaviri nomumwe murwi akatendeka uyo aiva mumwe wavachengeti vake. 8Akavarondedzera zvose zvakanga zvaitika ndokuvatuma kuJopa.</div><div class="s1">Chiratidzo chaPetro</div><div class="p"> 9Nenguva dzinenge dzamasikati dzezuva raitevera, vachiri parwendo rwavo, uye voswedera pedyo neguta, Petro akakwira pamusoro pedenga reimba kundonyengetera. 10Akanzwa nzara uye akada zvokudya, uye zvokudya zvakati zvichigadzirwa, akaona chiratidzo. 11Akaona denga razarurwa uye chimwe chinhu chakanga chakaita sejira guru chichiburutswa pasi chakasungwa makona acho mana. 12Chakanga chine mhando dzose dzemhuka dzina makumbo mana, pamwe chete nezvinokambaira zvenyika, neshiri dzedenga. 13Ipapo inzwi rakati kwaari, &#8220;Simuka, Petro. Baya udye.&#8221;</div><div class="p"> 14Petro akapindura akati, &#8220;Zvirokwazvo kwete, Ishe! Handina kutongodya chinhu chisina kunaka kana chine tsvina.&#8221;</div><div class="p"> 15Inzwi rakataurazve kwaari kechipiri richiti, &#8220;Usati chinhu chipi zvacho chakanatswa naMwari chine tsvina.&#8221;</div><div class="p"> 16Izvi zvakaitika katatu, pakarepo jira rikadzoserwa kudenga.</div><div class="p"> 17Petro achiri kushamiswa nezvaireva chiratidzo, varume vakanga vatumwa naKoniriasi vakawana pakanga pane imba yaSimoni uye vakamira pasuo. 18Vakadanidzira vachibvunza kana pakanga pari ipo paigara Simoni ainziwo Petro.</div><div class="p"> 19Petro achiri kufunga pamusoro pechiratidzo, Mweya akati kwaari, &#8220;Simoni, pane varume vatatu vari kukutsvaka. 20Saka simuka uburuke uende pasi. Usatya kuenda navo, nokuti ndini ndavatuma.&#8221;</div><div class="p"> 21Petro akaburuka akandoti kuvarume ava, &#8220;Ndini wamuri kutsvaka. Mavingeiko?&#8221;</div><div class="p"> 22Varume vaya vakamupindura vakati, &#8220;Tabva kuna Koniriasi mukuru wezana. Munhu akarurama uye anotya Mwari, anokudzwa navanhu vose vechiJudha. Mutumwa mutsvene akamuudza kuti akudanei kuti muuye kumba kwake kuti azonzwa zvamuchareva kwaari.&#8221; 23Ipapo Petro akakoka varume ava kuti vapinde mumba vave vaeni vake.</div><div class="s1">Petro mumba maKoniriasi</div><div class="p">Fume mangwana Petro akasimuka pamwe chete navo, uye dzimwe hama dzokuJopa dzakaendawo naye. 24Zuva rakatevera akasvika Kesaria. Koniriasi akanga akavamirira uye akanga akoka hama dzake neshamwari dzapedyo. 25Petro akati apinda mumba, Koniriasi akamugamuchira uye akawira patsoka dzake achimuremekedza. 26Asi Petro akaita kuti asimuke akati, &#8220;Simuka, ndinongova munhuwo zvangu.&#8221;</div><div class="p"> 27Petro achitaura naye, akapinda mumba akawana vanhu vazhinji vakaungana. 28Akati kwavari, &#8220;Imi munozviziva kuti hazvibvumirwi nomurayiro wedu kuti muJudha adyidzane nomuhedheni kana kumushanyira. Asi Mwari andiratidza kuti handifaniri kuti nditi munhu haana kunaka kana kuti ane tsvina. 29Nokudaro pandakadanwa, ndakabva ndauya ndisingarambi. Regai ndichibvunza hangu kwamuri kuti mandidanirei?&#8221;</div><div class="p"> 30Koniriasi akapindura akati, &#8220;Mazuva mana apfuura ndakanga ndiri mumba mangu ndichinyengetera senguva ino, nenguva yechitatu yamasikati. Pakarepo munhu akanga akapfeka nguo dzinopenya akamira pamberi pangu 31akati, &#8216;Koniriasi, Mwari anzwa minyengetero yako uye arangarira zvipo zvako kuvarombo. 32Tumira vanhu kuJopa kuna Simoni anonzi Petro. Mueni mumba maSimoni musuki wamatehwe, anogara pedyo negungwa.&#8217; 33Saka ndakabva ndatumira vanhu kwamuri pakarepo, uye maita zvakanaka zvamauya. Zvino isu tose tiri pano pamberi paMwari kuti tinzwe kwamuri zvose zvamarayirwa naShe kuti muzotitaurira.&#8221;</div><div class="p"> 34Ipapo Petro akatanga kutaura achiti, &#8220;Zvino ndava kuziva kuti zvirokwazvo Mwari haazi mutsauri wavanhu 35asi anogamuchira vanhu vanobva kundudzi dzose, ivo vanomutya uye vanoita zvakarurama. 36Imi munoziva shoko rakatumwa naMwari kuvanhu veIsraeri, achivaudza mashoko akanaka orugare kubudikidza naJesu Kristu, anova Ishe wavose. 37Munoziva zvakaitika muJudhea yose, kutanga kuGarirea shure kworubhabhatidzo rwakaparidzwa naJohani, 38zvokuti Mwari akazodza sei Jesu Kristu weNazareta noMweya Mutsvene nesimba, uye kuti akapota sei nenyika achiita zvakanaka achiporesa vose vakanga vari pasi pesimba radhiabhori, nokuti Mwari aiva naye.</div><div class="p"> 39&#8220;Isu tiri zvapupu zvezvinhu zvose zvaakaita munyika yavaJudha nomuJerusarema. Vakamuuraya nokumuturika pamuti, 40asi Mwari akamumutsa kubva kuvakafa nezuva retatu akaita kuti aonekwe. 41Haana kuonekwa navanhu vose, asi nezvapupu zvakanga zvagara zvasarudzwa naMwari nesu takadya uye tikanwa naye shure kwokumuka kwake kubva kuvakafa. 42Akatirayira kuti tiparidze kuvanhu uye tipupure kuti ndiye akagadzwa naMwari kuti ave mutongi wavapenyu navakafa. 43Vaprofita vose vanopupura nezvake kuti ani naani anotenda kwaari anogamuchira kanganwiro yezvivi kubudikidza nezita rake.&#8221;</div><div class="p"> 44Petro achiri kutaura mashoko aya, Mweya Mutsvene akauya pamusoro pavose vakanzwa shoko. 45Vatendi vakadzingiswa vakanga vauya naPetro vakakatyamara nokuti chipo choMweya Mutsvene chakanga chadururirwa kunyange napamusoro pevedzimwe ndudziwo. 46Nokuti vakavanzwa vachitaura nendimi vachirumbidza Mwari.</div><div class="p">Ipapo Petro akati, 47&#8220;Pano munhu angadzivisa vanhu ava kuti vabhabhatidzwe nemvura here? Vagamuchira Mweya Mutsvene sezvatakangoitawo isu.&#8221; 48Naizvozvo akarayira kuti vabhabhatidzwe muzita raJesu Kristu. Ipapo vakakumbira Petro kuti ambogara navo kwamazuva mashoma.</div>
 </div>
 </div>
</div>

The Better Reading PlanChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Kushandisa nguva yako munaMwari