Sarudzo Yakakurisisa yeHupenyu Hwako!Chikamu

“Tose Tinofanirwa Kuve neMuponisi”

Mwari pavakasika Adhamu naEvha, vakavagadzira vasina chivi uye vaine hukama hwakakwana naye. Pavakarega kuteerera murayiro waMwari muchitsauko chetatu munaGenesisi, vakaunza chivi muhupenyu hwavo, uye kundudzi dzevanhu dzose. VaRoma 3:23 inotsanangura kusvika kure kwekubata kunesimba kwesarudzo yaAdhamu naEvha. 

“… nokuti vose vakatadza uye vakasasvika pakubwinya kwaMwari.” VaRoma 3:23

Hapana anonzvengwa nechivi nekutambudza kwacho; tose tine mhosva. Naizvozo, takaparadzaniswa kubva pana Mwari. Zvivi zvedu zvino konzeresazve miuyo isingagume. 

“Nokuti mubayiro wechivi ndirwo rufu.” VaRoma3:23

Nemhaka yesarudzo yekurega kuteerera murayiro waMwari yaAdhamu naEvha, rufu rwakava rwusina punyuko kwavari nekudzinza ravo (ndudzi dzevanhu dzose); rufu rwemuviri zvose nemweya. Mumashure mekukundikana kwavo, Mwari vakatarisana nesarudzo: kurega chivi chichitekeshera murudzi rwemunhu, zvichipera nekuguma kwerudzi rwemunhu, kana kuti kugovera mutoo wekuponesa vanhu kubva mukubata kwechivi. Tinotenda nekuti kuratidzirwa kukuru kworudo nenyasha dzavo, Mwari vakagovera mutoo weruponiso kuburikidza neMwanakomana wavo. 

“Nokuti Mwari akada nyika nokudaro, kuti akapa Mwanakomana wake mumwe oga, kuti ani naani anotenda kwaari arege kufa asi ave noupenyu husingaperi.” Johani 3:16

 “…chipo chaMwari chokungopiwa ndihwo upenyu husingaperi muna Kristu Jesu Ishe wedu. VaRoma 6:23b

Pasina Jesu Kirisito, mugumo wendudzi dzevanhu rufu rwenyama nemweya; hapana anosiyiwa. Asi kune avo vari muna Kirisito; kufa kwenyama kwakatimirira, asi kwete kufa kwemweya (gehena). Panzvimbo pezvo, hupenyu husingaperi hwakatimirira Kudenga kana tabva pasi pano. Kuburikidza nechibairo chakakwana muna Jesu Kirisito nekumuka kwake kubva kuvafi, mweya yedu inopunyuka murango wechivi!