Tsamba dzemuTestamende Itsva naMabasa

Mabasa Avapositori

Mapisarema

VaRoma

Testamende Yekare – Vaporofita Vakuru

Zvakazarurwa

1 Vakorinde

VaHebheru

Ruka

Zvirevo

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s1">Johani Mubhabhatidzi Anogurwa Musoro</div><div class="p"> 1Panguva iyoyo mambo Herodhi akanzwa nezvaJesu 2uye akati kuvaranda vake, &#8220;Uyu ndiJohani Mubhabhatidzi; amuka kubva kuvakafa! Ndokusaka masimba ezvishamiso achishanda maari.&#8221;</div><div class="p"> 3Zvino Herodhi ainge abata Johani akamusunga achibva amuisa mutorongo nokuda kwaHerodhiasi mudzimai waFiripi, munun&#700;una wake, 4sezvo Johani ainge ati kwaari, &#8220;Hautenderwi kutora mukadzi uyu.&#8221; 5Herodhi aida kuuraya Johani asi aitya vanhu nokuti vaimuona somuprofita.</div><div class="p"> 6Asi zuva rokupemberera kuberekwa kwaHerodhi rakati rasvika, mwanasikana waHerodhiasi akatamba pamberi pavo uye zvikafadza Herodhi kwazvo, 7zvokuti akamuvimbisa nemhiko kuti aizomupa chipi nechipi chaaizokumbira. 8Arayirwa namai vake mwanasikana akati, &#8220;Ndipei pano musoro waJohani Mubhabhatidzi uri mundiro.&#8221; 9Mambo akasuwiswa nazvo, asi nokuda kwemhiko yake uye navaainge agere navo pakudya, akarayira kuti upiwe kwaari, 10ndokutuma vanhu kundogura musoro waJohani mutorongo. 11Uye musoro wake wakauyiwa nawo uri mundiro ukapiwa kumusikana, iye akaenda nawo kuna mai vake. 12Vadzidzi vaJohani vakauya vakatora mutumbi wake vakandouviga. Vakazoenda vakandoudza Jesu.</div><div class="s1">Jesu Anopa Vanhu Zviuru Zvishanu Zvokudya</div><div class="p"> 13Jesu paakanzwa zvakanga zvaitika, akabvapo negwa zvisingazivikanwi nevazhinji akaenda kurenje. Vachinzwa izvi, vanhu vazhinji vakamutevera netsoka vachibva kumaguta. 14Paakabuda mugwa, Jesu akaona vanhu vazhinji, akavanzwira tsitsi uye akaporesa varwere vavo.</div><div class="p"> 15Zvino ava madekwana, vadzidzi vake vakauya kwaari vakati, &#8220;Tiri musango, uye kwava kusviba. Endesai vanhu ava, kuti vaende mumisha vandozvitengera zvokudya.&#8221;</div><div class="p"> 16Jesu akapindura achiti, &#8220;Havafaniri kuenda. Imi vapei chavangadye.&#8221;</div><div class="p"> 17Ivo vakapindura vakati, &#8220;Pano tinongova nezvingwa zvishanu nehove mbiri.&#8221;</div><div class="p"> 18Akati, &#8220;Uyai nazvo kuno kwandiri.&#8221; 19Uye akarayira kuti vanhu vagare pasi pauswa. Akatora zvingwa zvishanu nehove dziya mbiri akatarira kudenga akavonga, akazviropafadza uye akazvimedura. Ipapo akazvipa kuvadzidzi, vadzidzi vakapa vanhu. 20Vose vakadya vakaguta, uye vadzidzi vakaunganidza zvimedu zvainge zvasara zvikazadza matengu gumi namaviri. 21Vanhu vakadya vaisvika varume zviuru zvishanu pasingaverengwi vakadzi navana.</div><div class="s1">Jesu Anofamba Pamusoro peMvura</div><div class="p"> 22Pakarepo Jesu akaudza vadzidzi vake kuti vapinde mugwa vafanotungamira kuenda kune rimwe divi, iye ndokusara achiendesa vanhu vazhinji ava. 23Mushure mokuendesa vanhu vazhinji ava, akakwira mugomo ari oga kundonyengetera. Madekwana akasvika iye achingovako ari oga, 24asi igwa rakanga rava chinhambwe chikuru kwazvo kubva kunyika asi richitambudzwa namasaisai nokuti mhepo yairwisana naro.</div><div class="p"> 25Panguva yechina yousiku Jesu akaenda kwavari, achifamba pamusoro pegungwa. 26Vadzidzi pavakamuona achifamba pamusoro pegungwa vakatya kwazvo. Vakaridza mhere nokutya vakati, &#8220;Hero dzangaradzimu!&#8221;</div><div class="p"> 27Asi pakarepo Jesu akati kwavari, &#8220;Musatya, ndini!&#8221;</div><div class="p"> 28Petro akapindura akati, &#8220;Ishe, kana murimi ndirayirei kuti ndiuye kwamuri ndichifamba pamusoro pemvura.&#8221;</div><div class="p"> 29Iye akati, &#8220;Uya.&#8221;</div><div class="p">Ipapo Petro akabuda mugwa akafamba pamusoro pemvura akananga kuna Jesu. 30Asi akati achiona mhepo ine simba, akatya, ndokubva atanga kunyura, achibva adanidzira achiti, &#8220;Ishe, ndiponesei!&#8221;</div><div class="p"> 31Pakarepo Jesu akatambanudza ruoko rwake akamubata, uye akati kwaari, &#8220;Iwe wokutenda kuduku, sei wakahadzika?&#8221;</div><div class="p"> 32Uye pavakapinda mugwa, mhepo yakanyarara. 33Ipapo vaya vaiva mugwa vakamunamata vachiti, &#8220;Chokwadi muri Mwanakomana waMwari.&#8221;</div><div class="p"> 34Kuzoti vayambukira mhiri, vakaburukira paGenesareti. 35Uye varume venzvimbo iyoyo vakati vamuziva, vakatumira shoko mudunhu rose rakapoteredza. Vanhu vakauya navarwere vavo vose kwaari 36vakamukumbira zvikuru kuti abvumire varwere kuti vangobata mupendero wenguo yake uye vose vakamubata vakaporeswa.</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch14" data-usfm="LUK.14">
 <div class="label">14</div><div class="s1">Jesu pamusha womuFarisi</div><div class="p"> 1Mumwe musi weSabata, Jesu akanga achicherechedzwa kwazvo paakanga aenda kundodya mumba momumwe muFarisi akanga achikudzwa kwazvo. 2Pamberi pake ipapo pakanga pane munhu akanga ane chirwere chorukandwe. 3Jesu akabvunza vaFarisi navadudziri vomurayiro achiti, &#8220;Zvinotenderwa here nomurayiro kuporesa nomusi weSabata, kana kuti kwete?&#8221; 4Asi vakaramba vanyerere. Naizvozvo akabata ruoko rwomunhu uya, akamuporesa ndokubva amuti aende.</div><div class="p"> 5Ipapo akavabvunza akati, &#8220;Ndiani pakati penyu angati kana mwanakomana, kana mombe yake ikawira mutsime nomusi weSabata, angarega kuibudisa pakarepo?&#8221; 6Ipapo vakashayiwa chokureva.</div><div class="p"> 7Akati achiona kuti vakakokwa vaisarudza sei zvigaro zvapamberi patafura, akavaudza mufananidzo uyu akati kwavari, 8&#8220;Kana mumwe akakukoka kumuchato, usazvisarudzira nzvimbo yapamberi, nokuti mumwe munhu anokudzwa kupfuura iwe angadaro akakokwa. 9Kana zvakadaro, munhu akakukokai imi vaviri achauya agoti kwauri, &#8216;Ibva ipapo iwe, munhu uyu agare.&#8217; Ipapo, nenyadzi, uchatora chigaro cheshure chokupedzisira. 10Asi kana wakokwa, utore chigaro cheshure, kuitira kuti kana akukoka ouya, azoti kwauri, &#8216;Shamwari, simuka uende kundogara panzvimbo iri nani.&#8217; Ipapo ucharemekedzwa pamberi pavose vawakakokwa pamwe chete navo. 11Nokuti mumwe nomumwe anozvikudza achaninipiswa, uye uyo anozvininipisa achakudzwa.&#8221;</div><div class="p"> 12Ipapo Jesu akati kuna iye akanga amukoka, &#8220;Kana wagadzira kudya kwamasikati kana chirariro, urege kukoka shamwari dzako, vanun&#700;una vako kana hama dzako, kana vapfumi vawakavakidzana navo; kana ukadaro vangazokukokawo uye ukabva waripirwa. 13Asi kana ukagadzira mabiko, ukoke varombo, zvirema, vanokamhina, namapofu, 14ipapo ucharopafadzwa. Kunyange vasina zvavanokupa, iwe ucharipirwa pakumuka kwavakarurama.&#8221;</div><div class="s1">Mufananidzo waMabiko Makuru</div><div class="p"> 15Mumwe wavaye vakanga vagere pakudya naye akati anzwa izvi, akati kuna Jesu, &#8220;Akaropafadzwa munhu achagara zvake pamabiko muuMambo hwaMwari.&#8221;</div><div class="p"> 16Jesu akapindura akati, &#8220;Mumwe murume akanga achigadzira mabiko makuru akakoka vanhu vazhinji. 17Panguva yamabiko, akatuma varanda vake kuti vandoudza vaya vakanga vakokwa kuti, &#8216;Uyai, nokuti zvose zvagadzirwa.&#8217;</div><div class="p"> 18&#8220;Asi vose vakatanga zvimwe chetezvo kupa zvikonzero. Wokutanga akati, &#8216;Ndichangotenga munda izvozvi, uye ndinofanira kundouona. Ndapota hangu, ndiregererei.&#8217;</div><div class="p"> 19&#8220;Mumwe akati, &#8216;Ndichangotenga nzombe dzamajoko mashanu izvozvi, uye ndiri kuenda kumbondodziedza. Ndapota ndiregererei.&#8217;</div><div class="p"> 20&#8220;Mumwezve akati, &#8216;Ndichangowana mukadzi izvozvi, saka handingauyi.&#8217;</div><div class="p"> 21&#8220;Muranda akadzoka akandozivisa izvi kuna tenzi wake. Ipapo muridzi wemba akatsamwa kwazvo akarayira muranda wake achiti, &#8216;Buda uende nokukurumidza munzira dzomumisha nedzomuguta unouya navarombo, zvirema, mapofu navanokamhina.&#8217;</div><div class="p"> 22&#8220;Muranda akati, &#8216;Ishe, zvamandirayira zvaitwa, asi nzvimbo ichiripo.&#8217;</div><div class="p"> 23&#8220;Ipapo tenzi akaudza muranda wake akati, &#8216;Buda uende kumigwagwa nokunzira dzomumaruwa undovakoka kuti vapinde, kuitira kuti imba yangu izare. 24Ndinoti kwamuri, hakuna kana mumwe chete wavaya vakanga vakokwa acharavira mabiko angu.&#8217;&#8198;&#8221;</div><div class="s1">Mutengo wokuva Mudzidzi</div><div class="p"> 25Vazhinji zhinji vakanga vachifamba naJesu, uye akatendeukira kwavari akati, 26&#8220;Kana munhu upi zvake achiuya kwandiri uye asingavengi baba vake namai vake, mukadzi wake navana vake, vanun&#700;una vake nehanzvadzi dzake, hongu, kunyange noupenyu hwake, haangavi mudzidzi wangu. 27Uye ani naani asingatakuri muchinjikwa wake achinditevera haangavi mudzidzi wangu.</div><div class="p"> 28&#8220;Tomboti mumwe wenyu anoda kuvaka shongwe. Haatangi agara pasi agoongorora mutengo kuti aone kana ane mari inokwana kuipedza here? 29Nokuti kana akavaka hwaro akasagona kuipedza, munhu wose anomuona achamuseka, 30achiti, &#8216;Munhu uyu akatanga kuvaka asi akasagona kupedza.&#8217;</div><div class="p"> 31&#8220;Kana kuti tomboti mambo ava kuda kuenda kuhondo kundorwa nomumwe mambo. Haatangi kugara pasi here kuti aone kana angagona kundorwa navanhu zviuru gumi, achipikisana nouyo ari kuuya kuzorwa naye ane vanhu zviuru makumi maviri? 32Kana asingagoni, achatuma nhume mumwe wacho achiri kure uye okumbira mashoko orugare kwaari. 33Saizvozvowo, ani naani wenyu asingasiyi zvose zvaanazvo haangavi mudzidzi wangu.</div><div class="p"> 34&#8220;Munyu wakanaka, asi kana warasikirwa nokuvava kwawo, ucharungwa neiko? 35Hauchabatsiri muvhu kana padutu romupfudze; unorasirwa kunze.</div><div class="p">&#8220;Ane nzeve dzokunzwa, ngaanzwe.&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkJHN">
 <div class="chapter ch14" data-usfm="JHN.14">
 <div class="label">14</div><div class="s1">Jesu Anonyaradza Vadzidzi Vake</div><div class="p"> 1&#8220;Mwoyo yenyu ngairege kutambudzika. Tendai kuna Mwari; mutendewo kwandiri. 2Mumba maBaba vangu mune nzvimbo zhinji dzokugara; dai zvaiva zvisizvo, ndingadai ndakuudzai. Ndiri kuenda ikoko kundokugadzirirai nzvimbo. 3Uye kana ndikaenda kundokugadzirirai nzvimbo, ndichadzoka ndozokutorai kuti muve neni, kuti nemiwo mugova kwandinenge ndiri. 4Imi munoziva nzira yokuenda nayo kunzvimbo yandiri kuenda.&#8221;</div><div class="s1">Jesu Ndiye Nzira yoKuenda kuna Baba</div><div class="p"> 5Tomasi akati kwaari, &#8220;Ishe hatizivi kwamuri kuenda, saka nzira yacho tingaiziva seiko?&#8221;</div><div class="p"> 6Jesu akapindura akati, &#8220;Ndini nzira nechokwadi uye noupenyu. Hakuna munhu angauya kuna Baba kana asina kupfuura napandiri. 7Dai maindiziva chaizvo mungadai maizozivawo Baba vangu. Kubvira zvino, munovaziva uye makavaona.&#8221;</div><div class="p"> 8Firipi akati, &#8220;Ishe, tiratidzei Baba kuti zvigotiringana.&#8221;</div><div class="p"> 9Jesu akapindura akati, &#8220;Firipi, haundizivi iwe here, kunyange ndanga ndiri pakati penyu kwenguva refu yakadai? Ani naani aona ini aona Baba. Unoreva seiko zvaunoti, &#8216;Tiratidzei Baba&#8217; 10Hamutendi here kuti ini ndiri muna Baba, uye Baba vari mandiri? Mashoko andinotaura kwamuri haasi angu ndoga. Asi, ndeaBaba, vanogara mandiri, avo vari kuita basa ravo. 11Nditendei pandinenge ndichiti, ini ndiri muna Baba uye Baba vari mandiri; kana kuti mutende zviratidzo zvamunoona. 12Ndinokuudzai kuti, ani naani anotenda kwandiri achaita zvandanga ndichiita. Achaita kunyange zvinhu zvikuru kupfuura izvi, nokuti ndiri kuenda kuna Baba. 13Uye ndichaita zvose zvamunokumbira muzita rangu, kuitira kuti Mwanakomana avigire Baba kukudzwa. 14Kana mukakumbira chinhu chipi zvacho muzita rangu, ndichachiita.</div><div class="s1">Jesu Anovimbisa Mweya Mutsvene</div><div class="p"> 15&#8220;Kana muchindida, muchateerera zvandinokurayirai. 16Uye ini ndichakumbira Baba, vagokupai mumwe Munyaradzi kuti agare nemi nokusingaperi, 17iye Mweya wechokwadi. Nyika haigoni kumugamuchira, nokuti haimuoni uye haimuzivi. Asi imi munomuziva, nokuti agere nemi uye achava mukati menyu. 18Handingakusiyei muri nherera; ndichauya kwamuri. 19Chinguva chiduku nyika haichazondionizve, asi imi muchandiona. Nokuti ndiri mupenyu, nemiwo muchava vapenyu. 20Pazuva iro muchaziva kuti ini ndiri muna Baba, uye imi muri mandiri, uye ini ndiri mamuri. 21Ani naani ane mirayiro yangu uye anoiteerera, ndiye anondida iyeye. Uyo anondida achadikanwa naBaba vangu, neniwo ndichamuda uye ndichazviratidza kwaari.&#8221;</div><div class="p"> 22Ipapo Judhasi, kwete Judhasi Iskarioti, akati, &#8220;Asi Ishe, seiko muchida kuzviratidza kwatiri, musingazviratidzi kunyika?&#8221;</div><div class="p"> 23Jesu akapindura akati, &#8220;Kana munhu achindida, achateerera kudzidzisa kwangu. Baba vangu vachamuda, uye tichauya kwaari toita ugaro hwedu naye. 24Uyo asingandidi haateereri kudzidzisa kwangu. Mashoko amunonzwa aya haasi angu; ndeaBaba vakandituma.</div><div class="p"> 25&#8220;Zvose izvi ndazvitaura ndichinemi. 26Asi Munyaradzi, Mweya Mutsvene, uyo achatumwa naBaba muzita rangu, achakudzidzisai zvinhu zvose uye achakuyeuchidzai zvinhu zvose zvandakareva kwamuri. 27Ndinokusiyirai rugare; ndinokupai rugare rwangu. Handikupei sokupa kwenyika. Mwoyo yenyu ngairege kutambudzika uye musatya.</div><div class="p"> 28&#8220;Makandinzwa ndichiti, &#8216;Ndiri kuenda uye ndichadzokazve.&#8217; Dai maindida maifara kuti ndinoenda kuna Baba, nokuti Baba vakuru kupfuura ini. 29Ndagara ndakuudzai zvichigere kuitika, kuitira kuti pazvinenge zvoitika mugozotenda. 30Handichazotauri nemi kwenguva refu, nokuti muchinda wenyika ino ari kuuya. Haana chinhu pandiri, 31asi nyika inofanira kudzidza kuti ndinoda Baba uye kuti ndinoita chaizvo zvandinenge ndarayirwa naBaba vangu.</div><div class="p">&#8220;Uyai zvino; ngatibvei pano.</div>
 </div>
 </div>
</div>

MavhangeriChikamu

Rugwaro

Zvinechekuita neHurongwa uhu

Zvirongwa zvakada kufanana neichi