Tsamba dzemuTestamende Itsva naMabasa

Mabasa Avapositori

Mapisarema

VaRoma

Testamende Yekare – Vaporofita Vakuru

Zvakazarurwa

1 Vakorinde

VaHebheru

Ruka

Zvirevo

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkMAT">
 <div class="chapter ch13" data-usfm="MAT.13">
 <div class="label">13</div><div class="s1">Mufananidzo woMukushi</div><div class="p"> 1Musi mumwe chetewo, Jesu akabuda mumba akandogara nechokugungwa. 2Vanhu vazhinji vakamuunganira zvokuti akapinda mugwa akagaramo, vanhu vose vakamira kumahombekombe. 3Ipapo akavaudza zvinhu zvizhinji nemifananidzo, achiti, &#8220;Murimi akabuda kundokusha mbeu dzake. 4Paakanga achikusha mbeu, dzimwe dzakawira munzira, shiri dzikauya dzikadzidya. 5Dzimwe dzakawira parukangarahwe, padzakashaya ivhu rakakwana. Dzakamera nokukurumidza nokuti ivhu rakanga risina kudzika. 6Asi zuva rakati rabuda, mbeu dzakatsva dzikaoma nokuti dzakanga dzisina midzi. 7Dzimwe mbeu dzakawira muminzwa, minzwa ikakura ikadzivhunga. 8Dzimwewo mbeu dzakawira pavhu rakanaka, dzikabereka zvakapetwa kazana, kana zvakapetwa makumi matanhatu kana makumi matatu pane dzainge dzakushwa. 9Uyo ane nzeve dzokunzwa ngaanzwe.&#8221;</div><div class="p"> 10Vadzidzi vakauya kwaari vakasvikomubvunza vachiti, &#8220;Ko, munotaurirei kuvanhu nemifananidzo?&#8221;</div><div class="p"> 11Akapindura achiti, &#8220;Ruzivo rwezvakavanzika zvoumambo hwokudenga rwakapiwa kwamuri imi, asi kwete kwavari. 12Kune anazvo achapiwazve zvimwe, uye achava nezvakawanda. Asi ani naani asina kunyange nezvishoma zvaanazvo achazvitorerwa. 13Ndokusaka ndichitaura kwavari nemifananidzo:</div><div class="q1">&#8220;Kunyange vachiona asi havaoni,</div><div class="q2">kunyange vachinzwa asi havanzwi kana kunzwisisa.</div><div class="m"> 14Mavari munozadzisa chiprofita chaIsaya chinoti:</div><div class="q1">&#8220;&#8198;&#8216;Muchangoramba muchinzwa asi musinganzwisisi;</div><div class="q2">muchangoramba muchiona asi musingaonesesi.</div><div class="q1"> 15Nokuti mwoyo yavanhu ava mikukutu,</div><div class="q2">havatombonzwi nenzeve dzavo,</div><div class="q2">uye vakatsinzina meso avo.</div><div class="q1">Zvichida vangaona nameso avo,</div><div class="q2">vakanzwa nenzeve dzavo,</div><div class="q2">vakanzwisisa nemwoyo yavo,</div><div class="q1">vakapinduka, uye ndikavaporesa.&#8217;</div><div class="m"> 16Asi akaropafadzwa meso enyu nokuti anoona nenzeve dzenyu nokuti dzinonzwa. 17Nokuti, ndinokuudzai chokwadi kuti vaprofita vazhinji navanhu vakarurama vaida kuona zvinhu zvamuri kuona asi havana kuzviona, nokunzwa zvamuri kunzwa asi havana kuzvinzwa.</div><div class="p"> 18&#8220;Teererai zvino munzwe zvinorehwa nomufananidzo womukushi: 19Kana munhu akanzwa shoko roumambo, akasarinzwisisa, akaipa anouya osvikobvuta zviya zvanga zvadyarwa mumwoyo make. Iyi ndiyo mbeu yakakushwa munzira. 20Uyo akagamuchira mbeu yakawira parukangarahwe, ndiye munhu anonzwa shoko, pakarepo origamuchira norufaro. 21Asi nokuti haana mudzi, anongorarama naro kwechinguva chipfupi. Kana nhamo kana kutambudzwa zvauya nokuda kweshoko, anokurumidza kugumburwa. 22Uyo akagamuchira mbeu yakawira muminzwa, munhu anonzwa shoko asi kufunganya kwenyika nokunyengera kwepfuma zvinorivhunga robva rashaya zvibereko. 23Asi uyo anogamuchira shoko rakawira muvhu rakanaka ndiye munhu anonzwa shoko orinzwisisa. Ndiye anobereka mbeu inoburitsa zana, kana makumi matanhatu kana makumi matatu ezvakakushwa.&#8221;</div><div class="s1">Mufananidzo waMasawi</div><div class="p"> 24Jesu akavaudza mumwe mufananidzo achiti, &#8220;Umambo hwokudenga hunofananidzwa nomunhu akakusha mbeu yakanaka mumunda make. 25Asi munhu wose avete, muvengi wake akauya akakusha sawi pakati pegorosi, ndokubva aenda. 26Asi kuzoti gorosi ramera rikatumbuka, ipapo sawi rakaonekwawo.</div><div class="p"> 27&#8220;Varanda vomuridzi womunda vakauya kwaari vakasvikoti, &#8216;Ishe, hamuna kukusha mbeu yakanaka mumunda menyu here? Ko, zvino sawi rakazobvepi?&#8217;</div><div class="p"> 28&#8220;Akavapindura achiti, &#8216;Muvengi ndiye akaita izvi.&#8217;</div><div class="p">&#8220;Varanda vakamubvunza vakati, &#8216;Munoda kuti tiende kunoridzura here?&#8217;</div><div class="p"> 29&#8220;Akapindura akati, &#8216;Kwete, nokuti paya pamunodzura sawi, mungazodzura pamwe chete nezviyo. 30Regai zvikurirane pamwe chete, tozozviona pakukohwa. Panguva iyoyo ndinozoudza vakohwi kuti: Tangai kuunganidza sawi murisunge muzvisote zvichazopiswa. Mushure mozounganidza gorosi mugoriisa mudura rangu.&#8217;&#8198;&#8221;</div><div class="s1">Mufananidzo weMbeu yeMasitadhi noweMbiriso</div><div class="p"> 31Akavaudzazve mumwe mufananidzo achiti, &#8220;Umambo hwokudenga hwakafanana nembeu yemasitadhi iyo yakatorwa nomunhu akaidyara mumunda make. 32Kunyange zvazvo iri iyo mbeu dukusa pambeu dzenyu, asi painokura ndiyo huru kwazvo pambeu dzose dzomubindu uye inova muti wokuti shiri dzedenga dzinouya dzichimhara pamapazi awo.&#8221;</div><div class="p"> 33Akavaudzazve mumwe mufananidzo achiti, &#8220;Umambo hwokudenga hwakafanana nembiriso, iyo inotorwa nomunhukadzi oisanganisa nefurawa yakawanda, kusvikira yapinda muchikanyiwa chose.&#8221;</div><div class="p"> 34Jesu akataura zvinhu izvi zvose kuvanhu nemifananidzo. Haana chaakataura kwavari asingashandisi mifananidzo. 35Saizvozvo zvakazadziswa zvakanga zvataurwa kubudikidza nomuprofita zvichinzi:</div><div class="q1">&#8220;Ndichataura nemifananidzo,</div><div class="q2">ndichataura zvinhu zvakavanzika kubva pakusikwa kwenyika.&#8221;</div><div class="s1">Kududzirwa kwoMufananidzo waMasawi</div><div class="p"> 36Ipapo akasiya vanhu vazhinji akapinda mumba. Vadzidzi vake vakauya kwaari vakasvikoti, &#8220;Titsanangurirei zvinorehwa nomufananidzo wamasawi mumunda.&#8221;</div><div class="p"> 37Akapindura akati, &#8220;Uyo akadyara mbeu yakanaka ndiye Mwanakomana woMunhu. 38Munda ndiyo nyika, uye mbeu yakanaka inomirira vanakomana voumambo. Masawi ndiwo vanakomana vowakaipa, 39muvengi anoadyara ndiye dhiabhori. Kukohwa ndiko kuguma kwenyika, uye vakohwi ndivo vatumwa.</div><div class="p"> 40&#8220;Sokudzurwa kunoitwa masawi achipiswa mumoto, ndizvo zvazvichaita pakuguma kwenyika. 41Mwanakomana woMunhu achatuma vatumwa vake uye vachadzura kubva muumambo hwake zvose zvinokonzera chivi navose vanoita zvakaipa. 42Vachavakanda muvira romoto umo muchava nokuchema nokurumanya kwameno. 43Ipapo vakarurama vachapenya sezuva vari muumambo hwaBaba vavo. Uyo ane nzeve dzokunzwa ngaanzwe.</div><div class="s1">Mufananidzo wePfuma Yakavigwa noweParera</div><div class="p"> 44&#8220;Umambo hwokudenga hwakafanana nepfuma yakavigwa mumunda. Mumwe murume akati aiwana, akaivigazve, uye ipapo mukufara kwake, akaenda akandotengesa zvose zvaaiva nazvo ndokutenga munda iwoyo.</div><div class="p"> 45&#8220;Umambo hwokudenga hwakafananazve nomutengesi wezvinhu anotsvaka maparera akaisvonaka. 46Akati awana rimwe rawo rinokosha akaenda akandotengesa zvose zvaakanga anazvo uye akaritenga.</div><div class="s1">Mufananidzo woUsvasvi</div><div class="p"> 47&#8220;Zvakare umambo hwokudenga hwakafanana nousvasvi hwakakandwa mugungwa uye hukabata marudzi ose ehove. 48Pahwakanga hwazara vabati vehove vakahukwevera kunze kumahombekombe. Ipapo vakagara pasi vakasarudza hove dzakanaka vakadziisa mumidziyo, asi dzakaipa vakadzirasa. 49Izvi ndizvo zvazvichaita pakuguma kwenyika. Vatumwa vachauya vagotsaura vakaipa kubva kune vakarurama, 50uye vagovakanda muvira romoto, kuchava nokuchema nokurumanya kwameno.&#8221;</div><div class="p"> 51Jesu akabvunza akati, &#8220;Manzwisisa zvinhu izvi zvose here?&#8221;</div><div class="p">Vakapindura vakati, &#8220;Hongu.&#8221;</div><div class="p"> 52Akati kwavari, &#8220;Naizvozvo mudzidzisi mumwe nomumwe womurayiro akadzidziswa nezvoumambo hwokudenga akafanana nomuridzi weimba anoburitsa pfuma itsva netsaru muimba yake yokuchengetera zvinhu.&#8221;</div><div class="s1">Muprofita Haakudzwi muNyika Yake</div><div class="p"> 53Jesu akati apedza mifananidzo iyi, akabvapo. 54Akapinda muguta rokwake akatanga kudzidzisa vanhu musinagoge ravo, uye vakashamiswa nazvo. Vakabvunza vachiti, &#8220;Murume uyu akawanepi uchenjeri uhu namasimba ezvishamiso aya? 55Ko, haasi mwanakomana womuvezi here? Mai vake havasi Maria here, navanun&#700;una vake havasi Jakobho, Josefa, Simoni naJudhasi? 56Uye hanzvadzi dzake hadzisi pakati pedu dzose here? Ko, zvino murume uyu akawanepi zvinhu zvose izvi?&#8221; 57Vakagumburwa naye.</div><div class="p">Asi Jesu akati kwavari, &#8220;Muprofita haashayiwi kukudzwa asi munyika yake nomumba make.&#8221;</div><div class="p"> 58Uye haana kuzoita zvishamiso zvizhinji imomo nokuda kwokusatenda kwavo.</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch13" data-usfm="LUK.13">
 <div class="label">13</div><div class="s1">Tendeukai, kana kuti muchaparara</div><div class="p"> 1Zvino panguva iyoyo vamwe vaivapo vakaudza Jesu nezvavaGarirea vakanga vavhenganisirwa ropa ravo nezvibayiro zvavo naPirato. 2Jesu akapindura akati, &#8220;Munofunga kuti vaGarirea ava vakanga vari vatadzi zvakanyanya kupfuura vose here zvavakatambudzika nenzira iyi? 3Ndinokuudzai kuti kwete! Asi kana musingatendeuki, nemiwo mucharaswa mose. 4Kana vaya gumi navasere vakafa pavakawirwa neshongwe yeSiroami, munofunga kuti vakanga vane mhosva kukunda vamwe vose vaigara muJerusarema here? 5Ndinokuudzai kuti kwete! Asi kana musingatendeuki, nemiwo mose muchaparara.&#8221;</div><div class="p"> 6Ipapo akavaudza mufananidzo uyu akati, &#8220;Mumwe murume akanga ane muti wake womuonde wakanga wakasimwa mumunda wake wemizambiringa, akaenda achindotsvaka muchero kwauri, asi haana chaakawana pauri. 7Saka akati kumurume akanga achichengeta munda wemizambiringa, &#8216;Zvino ava makore matatu andanga ndichiuya kuzotsvaka muchero pamuonde uyu uye handisati ndambowana chinhu. Utemere pasi! Seiko uchishandisa ivhu pasina?&#8217;</div><div class="p"> 8&#8220;Akapindura akati, &#8216;Ishe, chimbouregai henyu kwerimwezve gore, ini ndigoutimbira nokuuyisa mupfudze. 9Kana ukazobereka muchero gore rinouya, zvakanaka! Kana usina, ipapo mungautema henyu.&#8217;&#8198;&#8221;</div><div class="s1">Mukadzi Chirema Anoporeswa noMusi weSabata</div><div class="p"> 10Jesu akanga achidzidzisa ari mune rimwe sinagoge nomusi weSabata, 11uye ipapo pakanga pano mukadzi aiva akaremadzwa nomweya wakaipa kwamakore gumi namasere. Musana wake wakanga wakakokonyara uye akanga asingagoni zvachose kutwasuka. 12Jesu akati amuona, akamudana kuti auye mberi akati kwaari, &#8220;Mai, masunungurwa pachirwere chenyu.&#8221; 13Ipapo akaisa maoko ake pamusoro wake, pakarepo musana wake ukatwasanuka akarumbidza Mwari.</div><div class="p"> 14Mukuru wesinagoge akatsamwa nokuti Jesu akanga aporesa mukadzi uyu nomusi weSabata, akati kuvanhu, &#8220;Pane mazuva matanhatu okushanda. Saka munofanira kuuya kuzoporeswa pamazuva iwayo, kwete nomusi weSabata.&#8221;</div><div class="p"> 15Ishe akamupindura achiti, &#8220;Imi vanyengeri! Ko, handiti mumwe nomumwe wenyu anosunungura nzombe kana mbongoro yake kubva mudanga, oenda nazvo kundonwa mvura nomusi weSabata here? 16Zvino mukadzi uyu, mwanasikana waAbhurahama, akanga akasungwa naSatani kwamakore gumi namasere, haaifanira kusunungurwa kubva pane zvakamusunga nomusi weSabata here?&#8221;</div><div class="p"> 17Akati ataura izvozvo, vose vakanga vachipikisana naye vakanyadziswa, asi vanhu vakafadzwa nezvinhu zvinoshamisa zvaakanga achiita.</div><div class="s1">Mufananidzo weMbeu yeMasitadhi noweMbiriso</div><div class="p"> 18Ipapo Jesu akavabvunza achiti, &#8220;Umambo hwaMwari hwakaita seiko? Ndingahuenzanisa neiko? 19Hwakaita setsanga yemasitadhi, yakatorwa nomunhu akandoisima mubindu rake. Yakakura ikava muti mukuru, uye shiri dzedenga dzakauya dzikamhara mumatavi awo.&#8221;</div><div class="p"> 20Akabvunzazve akati, &#8220;Umambo hwaMwari ndingahufananidza neiko? 21Hwakafanana nembiriso yakatorwa nomukadzi akaivhenganisa noupfu hwefurau hwakawanda kusvikira yafutisa ganyiwa.&#8221;</div><div class="s1">Musuo Wakamanikana</div><div class="p"> 22Ipapo Jesu akafamba nomumaguta nomumisha achidzidzisa paakanga achienda kuJerusarema. 23Mumwe akamubvunza akati, &#8220;Ishe, vanhu vashoma chete ndivo vachaponeswa here?&#8221;</div><div class="p">Iye akati kwavari, 24&#8220;Rwisai chaizvo kuti mupinde napasuo rakamanikana, nokuti ndinoti vazhinji vachaedza kupinda asi havangagoni. 25Muridzi wemba akangodzimara asimuka akapfiga mukova, imi muchamira kunze muchigogodza uye muchiteterera, muchiti, &#8216;Ishe, tizarurireiwo mukova.&#8217;</div><div class="p">&#8220;Asi achapindura achiti, &#8216;Handikuzivei, kana kwamunobva.&#8217;</div><div class="p"> 26&#8220;Ipapo muchati, &#8216;Taidya uye tainwa pamwe chete nemi, uye maidzidzisa munzira dzomumisha yedu.&#8217;</div><div class="p"> 27&#8220;Asi iye achati, &#8216;Handikuzivei, kana kwamunobva. Ibvai kwandiri, imi mose vaiti vezvakaipa!&#8217;</div><div class="p"> 28&#8220;Ipapo pachava nokuchema, nokurumanya kwameno, pamunoona Abhurahama, Isaka naJakobho navaprofita vose vari muumambo hwaMwari, asi imi pachenyu marasirwa kunze. 29Vanhu vachabva kumabvazuva nokumavirira, nokumusoro nezasi, uye vachagara pazvigaro zvavo pamabiko muumambo hwaMwari. 30Zvirokwazvo, varipo vaya vokupedzisira vachazova vokutanga, uye vokutanga vachazova vokupedzisira.&#8221;</div><div class="s1">Jesu Anosuwa pamusoro peJerusarema</div><div class="p"> 31Panguva iyoyo vamwe vaFarisi vakauya kuna Jesu vakati kwaari, &#8220;Ibvai pano muende kumwewo. Herodhi anoda kukuurayai.&#8221;</div><div class="p"> 32Akapindura akati, &#8220;Endai munoudza gava iro kuti, &#8216;Ndichadzinga madhimoni nokuporesa vanhu nhasi namangwana, uye pazuva retatu ndichapedzisa basa rangu.&#8217; 33Zvisinei hazvo, ndinofanira kuramba ndichishanda mangwana nezuva rinotevera, nokuti zvirokwazvo hakuna muprofita angafira kunze kweJerusarema!</div><div class="p"> 34&#8220;Iwe Jerusarema, Jerusarema, iwe unouraya vaprofita uye uchitaka namabwe avo vakatumwa kwauri, kazhinji sei kandaidisa kuunganidza vana vako pamwe chete, sehuku inounganidza hukwana dzayo pasi pamapapiro ayo, asi ukaramba! 35Tarira, imba yako yasiyiwa yava dongo. Ndinoti kwauri, hauchazondionizve kusvikira wati, &#8216;Akaropafadzwa iye anouya muzita raShe.&#8217;&#8198;&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s1">Jesu Anoshambidza Tsoka dzaVadzidzi Vake</div><div class="p"> 1Mutambo wePasika wakanga uchigere kusvika. Jesu akanga achiziva kuti nguva yakanga yasvika yokuti iye abve panyika uye kuti aende kuna Baba. Sezvo akanga achida vake avo vakanga vari munyika, akavaratidza zvino kuzara kworudo rwake.</div><div class="p"> 2Kudya kwamadekwana kwakanga kwava kugoverwa, uye dhiabhori akanga aisa mumwoyo maJudhasi Iskarioti, mwanakomana waSimoni, pfungwa yokuti apandukire Jesu. 3Jesu akanga achiziva kuti Baba vakanga vaisa zvinhu zvose pasi pesimba rake, uye kuti akanga abva kuna Mwari uye kuti aidzokerazve kuna Mwari, 4saka akasimuka pakudya, akabvisa nguo yake yokunze, uye akamonera tauro muchiuno chake. 5Shure kwaizvozvo, akadira mvura mudhishi akatanga kushambidza tsoka dzavadzidzi vake, achidziomesa netauro rakanga rakamonerwa muchiuno chake.</div><div class="p"> 6Akasvika pana Simoni Petro, iye akati kwaari, &#8220;Ishe muri kuda kushambidza tsoka dzangu here?&#8221;</div><div class="p"> 7Jesu akapindura achiti, &#8220;Iwe hausi kuziva zvandiri kuita iye zvino, asi uchazvinzwisisa pashure.&#8221;</div><div class="p"> 8Simoni Petro akati, &#8220;Kwete, imi hamungatongoshambidzi tsoka dzangu.&#8221;</div><div class="p">Jesu akapindura akati, &#8220;Kana ndikasakushambidza, hauna mugove neni.&#8221;</div><div class="p"> 9Ipapo Simoni Petro akati, &#8220;Ishe, ngadzirege kuva tsoka dzangu bedzi asi maoko angu nomusoro wanguwo!&#8221;</div><div class="p"> 10Jesu akapindura akati, &#8220;Munhu anenge amboshamba muviri wose, anongoda bedzi kushamba tsoka dzake, muviri wake wose wakachena. Imi makachena, kunyange zvazvo musiri mose vakachena.&#8221; 11Nokuti aiziva kuti ndiani aizomupandukira, ndokusaka akati, havasi vose vakanga vakachena.</div><div class="p"> 12Akati apedza kushambidza tsoka dzavo, akapfeka nguo dzake akadzokera panzvimbo yake. Akavabvunza akati, &#8220;Munonzwisisa here zvandaita kwamuri? 13Munondidaidza kuti &#8216;Mudzidzisi&#8217; uye ndizvozvo chaizvo, nokuti ndizvo zvandiri. 14Zvino kana ini, Ishe wenyu noMudzidzisi wenyu, ndashambidza tsoka dzenyu, nemiwo munofanira kushambidzana tsoka dzenyu. 15Ndakupai muenzaniso kuti muite sezvandakuitirai imi. 16Ndinokuudzai chokwadi kuti, muranda haasi mukuru kuna tenzi wake, uye atumwa haasi mukuru kupfuura amutuma. 17Zvino zvamava kuziva zvinhu izvi, mucharopafadzwa kana mukazviita.</div><div class="s1">Jesu Anotaura pamusoro poKupandukirwa Kwake</div><div class="p"> 18&#8220;Handirevi izvi kwamuri mose; ini ndinoziva avo vandakasarudza. Asi uku ndiko kuzadzisa Rugwaro runoti, &#8216;Uyo anogovana neni chingwa andisimudzira chitsitsinho chake kuti azorwa neni.&#8217;</div><div class="p"> 19&#8220;Ndiri kukuudzai iye zvino zvisati zvaitika, kuitira kuti pazvinoitika mugozotenda kuti ndini Iye. 20Ndinokuudzai chokwadi kuti, ani naani anogamuchira ini anogamuchira iye akandituma.&#8221;</div><div class="p"> 21Shure kwokutaura izvozvo, Jesu akatambudzika mumweya uye akapupura achiti, &#8220;Ndinokuudzai chokwadi, mumwe wenyu achandipandukira.&#8221;</div><div class="p"> 22Vadzidzi vake vakatarisana vachida kuziva kuti ndiani airehwa pakati pavo. 23Mumwe wavo, mudzidzi aidikanwa naJesu, akanga akasendamira paari. 24Simoni Petro akaninira kumudzidzi uyu akati, &#8220;Vabvunzei kuti vanoreva ani.&#8221;</div><div class="p"> 25Akasendamirazve pana Jesu, akamubvunza akati, &#8220;Ishe, ndianiko?&#8221;</div><div class="p"> 26Jesu akati, &#8220;Ndiye wandichapa chimedu chechingwa kana ndachiseva mundiro.&#8221; Ipapo, akaseva chimedu chechingwa, akachipa kuna Judhasi Iskarioti, mwanakomana waSimoni. 27Judhasi achangodya chingwa ichi, Satani akabva apinda maari.</div><div class="p">Jesu akati kuna Judhasi, &#8220;Zvaunoda kuita, ita nokukurumidza,&#8221; 28asi hapana munhu akanga ari pakudya akanzwisisa kuti sei Jesu akanga ataura izvozvo kwaari. 29Sezvo Judhasi aiva mubati wemari, vamwe vakafunga kuti Jesu aimuudza kuti andotenga zvimwe zvaidikanwa pamutambo, kana kupa varombo chimwe chinhu. 30Judhasi akati achangodya chingwa, akabuda panze. Uye hwaiva usiku.</div><div class="s1">Jesu Anozivisa nezvoKurambwa Kwake naPetro</div><div class="p"> 31Akati aenda, Jesu akati, &#8220;Zvino Mwanakomana woMunhu akudzwa uye Mwari akudzwa maari. 32Kana Mwari akudzwa maari, Mwari achakudza Mwanakomana maari uye achamukudza pakarepo.</div><div class="p"> 33&#8220;Vana vangu, ndichava nemi kwechinguva chiduku chete. Muchanditsvaka, uye sezvandaudza vaJudha, saizvozvo ndinokuudzai zvino kuti: Kwandinoenda, imi hamugoni kuuyako.</div><div class="p"> 34&#8220;Ndinokupai murayiro mutsva wokuti: Dananai. Sezvo ndakakudai, saizvozvo munofanira kudanana. 35Nokuda kwaizvozvo, vanhu vose vachaziva kuti muri vadzidzi vangu kana mune rudo pakati penyu.&#8221;</div><div class="p"> 36Simoni Petro akamubvunza akati, &#8220;Ishe, muri kuendepiko?&#8221;</div><div class="p">Jesu akapindura akati, &#8220;Kwandinoenda, imi hamugoni kutevera, asi muchazotevera pashure.&#8221;</div><div class="p"> 37Petro akati, &#8220;Ishe seiko ndisingakwanisi kukuteverai iye zvino? Ndichakufirai ini.&#8221;</div><div class="p"> 38Ipapo Jesu akapindura akati, &#8220;Uchandifira here? Ndinokuudza chokwadi kuti, jongwe risati rarira, uchandiramba katatu!&#8221;</div>
 </div>
 </div>
</div>

MavhangeriChikamu

Rugwaro

Zvinechekuita neHurongwa uhu

Zvirongwa zvakada kufanana neichi