Fara Ugowa Nekutenda

Kuwana Makomborero Nekuda Kwekuteerera

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

Bhaibheri Dzvene MuChiShona Chanhasi

<div class="version vid32 iso6393sna" data-vid="32" data-iso6393="sna">
 <div class="book bkEXO">
 <div class="chapter ch6" data-usfm="EXO.6.28+EXO.6.29+EXO.6.30">
 <div class="p">28Zvino Jehovha paakataura naMozisi muIjipiti, 29akati kwaari, &#8220;Ndini Jehovha. Taurira Faro mambo weIjipiti zvose zvandinokuudza.&#8221;</div><div class="p"> 30Asi Mozisi akati kuna Jehovha, &#8220;Sezvo ndichitaura nemiromo inokakama, Faro angateerera kwandiri seiko?&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkEXO">
 <div class="chapter ch7" data-usfm="EXO.7.1+EXO.7.2+EXO.7.3+EXO.7.4+EXO.7.5+EXO.7.6+EXO.7.7+EXO.7.8+EXO.7.9+EXO.7.10+EXO.7.11+EXO.7.12+EXO.7.13+EXO.7.14+EXO.7.15+EXO.7.16+EXO.7.17+EXO.7.18+EXO.7.19+EXO.7.20+EXO.7.21+EXO.7.22+EXO.7.23+EXO.7.24+EXO.7.25">
 <div class="p">1Ipapo Jehovha akati kuna Mozisi. &#8220;Tarira, ndakuita saMwari kuna Faro, uye mukoma wako Aroni achava muprofita wako. 2Unofanira kutaura zvinhu zvose zvandinokurayira, uye mukoma wako Aroni anofanira kuudza Faro kuti arege vaIsraeri vabude munyika yake. 3Asi ndichaomesa mwoyo waFaro uye kunyange ndikawanza zviratidzo nezvishamiso zvangu muIjipiti, 4haazombokuteereri. Ipapo ndichaisa ruoko rwangu pamusoro peIjipiti uye namabasa okutonga kukuru ndichabudisa hondo dzangu, ivo vanhu vangu vaIsraeri. 5Uye vaIjipita vachaziva kuti ndini Jehovha pandichatambanudza ruoko rwangu pamusoro peIjipiti uye ndichabudisa vaIsraeri kubva mairi.&#8221;</div><div class="p"> 6Mozisi naAroni vakaita sezvavakanga varayirwa naJehovha. 7Mozisi akanga ana makore makumi masere uye Aroni makumi masere namatatu pavakataura kuna Faro.</div><div class="s1">Tsvimbo yaAroni inova nyoka</div><div class="p"> 8Jehovha akati kuna Mozisi naAroni, 9&#8220;Faro paanoti kwamuri, &#8216;Itai chiratidzo,&#8217; ipapo uti kuna Aroni, &#8216;Tora tsvimbo yako uikande pasi pamberi paFaro,&#8217; uye ichava nyoka.&#8221;</div><div class="p"> 10Saka Mozisi naAroni vakaenda kuna Faro vakandoita sezvavakarayirwa naJehovha. Aroni akakanda tsvimbo yake pasi pamberi paFaro namachinda ake, uye ikava nyoka. 11Ipapo Faro akadana varume vakachenjera navaroyi, uye n&#700;anga dzeIjipiti dzakaitawo zvimwe chetezvo nouroyi hwadzo. 12Mumwe nomumwe akakanda tsvimbo yake pasi uye ikava nyoka. Asi tsvimbo yaAroni yakamedza tsvimbo dzavo. 13Asi mwoyo waFaro wakava wakaoma uye haana kuvateerera, sezvakanga zvarehwa naJehovha.</div><div class="s1">Dambudziko Rokutanga: Ropa</div><div class="p"> 14Ipapo Jehovha akati kuna Mozisi, &#8220;Mwoyo waFaro mukukutu; haabvumi kuti vanhu vaende. 15Enda kuna Faro mangwanani paanenge achienda kumvura. Umire pamahombekombe aNairi kuti ugosangana naye, uye ubate muruoko rwako tsvimbo iya yakashandurwa ikava nyoka. 16Ipapo uti kwaari, &#8216;Jehovha, Mwari wavaHebheru, andituma kuti ndizoti kwauri: Rega vanhu vangu vaende, kuitira kuti vanondinamata murenje. Asi kusvikira zvino hauna kunditeerera.&#8217; 17Zvanzi naJehovha: &#8216;Uchaziva kuti ndini Jehovha nechinhu ichi: Ndicharova mvura yeNairi netsvimbo iri muruoko rwangu uye ichashanduka ikava ropa. 18Hove dziri muna Nairi dzichafa, uye rwizi ruchanhuhwa; vaIjipita havazokwanisi kunwa mvura yarwo.&#8217;&#8198;&#8221;</div><div class="p"> 19Jehovha akati kuna Mozisi, &#8220;Taurira Aroni uti, &#8216;Tora tsvimbo yako uye utambanudze ruoko rwako pamusoro pemvura yeIjipiti, pamusoro pehova pamusoro pemigero, pamusoro pamadziva uye napamusoro pamagawa,&#8217; uye zvichashanduka zvikava ropa. Ropa richava pose pose muIjipiti, kunyange mukati memidziyo yemiti neyamabwe.&#8221;</div><div class="p"> 20Mozisi naAroni vakaita sezvavakarayirwa naJehovha. Akasimudza tsvimbo yake pamberi paFaro namachinda ake akarova mvura yeNairi, mvura yose ikashanduka ikava ropa. 21Hove dzaiva muna Nairi dzakafa, uye rwizi rwakanhuhwa zvakaipa kwazvo zvokuti vaIjipita havana kugona kunwa mvura yarwo. Ropa rakanga riri pose pose muIjipiti.</div><div class="p"> 22Asi n&#700;anga dzavaIjipita dzakaita zvimwe chetezvo nouroyi hwadzo, mwoyo waFaro ukava mukukutu; haana kuda kuteerera Mozisi naAroni, sezvakanga zvarehwa naJehovha. 23Asi akadzokera mumuzinda wake, uye haana kunyange kuzviisa mumwoyo make. 24Uye vaIjipita vose vakachera mujinga maNairi kuti vawane mvura yokunwa, nokuti vakanga vasingagoni kunwa mvura yomurwizi.</div><div class="s1">Dambudziko Rechipiri: Matatya</div><div class="p"> 25Mazuva manomwe akapfuura mushure mokunge Jehovha arova Nairi.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkEXO">
 <div class="chapter ch8" data-usfm="EXO.8.1+EXO.8.2+EXO.8.3+EXO.8.4+EXO.8.5+EXO.8.6+EXO.8.7+EXO.8.8+EXO.8.9+EXO.8.10+EXO.8.11+EXO.8.12+EXO.8.13+EXO.8.14+EXO.8.15+EXO.8.16+EXO.8.17+EXO.8.18+EXO.8.19+EXO.8.20+EXO.8.21+EXO.8.22+EXO.8.23+EXO.8.24+EXO.8.25+EXO.8.26+EXO.8.27+EXO.8.28+EXO.8.29+EXO.8.30+EXO.8.31+EXO.8.32">
 <div class="p">1Ipapo Jehovha akati kuna Mozisi, &#8220;Enda kuna Faro undoti kwaari, &#8216;Zvanzi naJehovha: Rega vanhu vangu vaende, kuti vanondinamata. 2Kana ukaramba kuti vaende, ndichatambudza nyika yako yose namatatya. 3Nairi ruchazara namatatya. Achakwira agopinda mumuzinda wako nomuimba yako yokuvata uye napamubhedha wako, nomudzimba dzamachinda ako uye napavanhu vako uye nomuzvoto zvako nepokukanyira chingwa. 4Matatya achakwira pamusoro pako napamusoro pavanhu vako napamusoro pamachinda ako ose.&#8217;&#8198;&#8221;</div><div class="p"> 5Ipapo Jehovha akati kuna Mozisi, &#8220;Taurira Aroni uti, &#8216;Tambanudza ruoko rwako pamwe chete netsvimbo yako pamusoro pehova napamusoro pemigero napamadziva, uye uite kuti matatya auye pamusoro penyika yeIjipiti.&#8217;&#8198;&#8221;</div><div class="p"> 6Saka Aroni akatambanudzira ruoko rwake pamusoro pemvura yeIjipiti, matatya akauya akafukidza nyika. 7Asi n&#700;anga dzakaitawo zvimwe chetezvo nouroyi hwadzo; vakaitawo matatya kuti auye pamusoro penyika yeIjipiti.</div><div class="p"> 8Faro akadana Mozisi naAroni akati, &#8220;Nyengeterai kuna Jehovha kuti abvise matatya aya kwandiri uye nokuvanhu vangu, uye ini ndichatendera vanhu venyu kuti vaende kundobayira zvipiriso kuna Jehovha.&#8221;</div><div class="p"> 9Mozisi akati kuna Faro, &#8220;Ndinopa ruremekedzo kwamuri kuti mureve nguva yokuti ndikunyengetererei imi navaranda venyu uye navanhu venyu kuti imi nedzimba dzenyu mubvisirwe matatya, kuti asare muna Nairi chete.&#8221;</div><div class="p"> 10Faro akati, &#8220;Mangwana.&#8221;</div><div class="p">Mozisi akapindura akati, &#8220;Zvichaitika sezvamareva, kuitira kuti mugoziva kuti hakuna mumwe akaita saJehovha Mwari wedu. 11Matatya achabva kwamuri nomudzimba dzenyu, kumachinda enyu nokuvanhu venyu; achasara muna Nairi chete.&#8221;</div><div class="p"> 12Ipapo Mozisi naAroni vakabva pana Faro, Mozisi akadana kuna Jehovha pamusoro pamatatya aakanga auyisa kuna Faro. 13Uye Jehovha akaita zvakanga zvakumbirwa naMozisi. Matatya akafa mudzimba, nomuruvazhe uye nomuminda. 14Akaunganidzwa akaita mirwi uye nyika yakanhuhwa nokuda kwawo. 15Asi Faro akati aona kuti rusununguko rwakanga rwavapo, akaomesa mwoyo wake uye akasada kuteerera Mozisi naAroni, sezvakanga zvarehwa naJehovha.</div><div class="s1">Dambudziko Rechitatu: Umhutu</div><div class="p"> 16Ipapo Jehovha akati kuna Mozisi, &#8220;Taurira Aroni uti, &#8216;Tambanudza tsvimbo yako ugorova guruva revhu,&#8217; uye munyika yose yeIjipiti, guruva richava umhutu.&#8221; 17Vakaita izvozvo uye Aroni akati atambanudza ruoko rwaiva netsvimbo akarova guruva umhutu hukauya pamusoro pavanhu nezvipfuwo. Guruva rose munyika yose yeIjipiti rakava umhutu. 18Asi n&#700;anga dzakakundikana, padzakaedza nouroyi hwadzo kubudisa umhutu.</div><div class="p"> 19N&#700;anga dzakati kuna Faro, &#8220;Uyu munwe waMwari.&#8221; Asi mwoyo waFaro wakava mukukutu uye haana kuda kuteerera, sezvakanga zvarehwa naJehovha.</div><div class="s1">Dambudziko Rechina: Nhunzi</div><div class="p"> 20Ipapo Jehovha akati kuna Mozisi, &#8220;Muka mangwanani-ngwanani undosangana naFaro paanenge achienda kumvura ugoti kwaari, &#8216;Zvanzi naJehovha: Rega vanhu vangu vaende, kuti vanondinamata. 21Kana usingatenderi vanhu vangu kuti vaende, ndichatumira bute renhunzi pamusoro pako napamusoro pamachinda ako, napamusoro pavanhu vako uye nomudzimba dzenyu. Dzimba dzavaIjipita dzichazara nenhunzi, uye kunyange pavhu pavamire.</div><div class="p"> 22&#8220;&#8198;&#8216;Asi pazuva iroro ndichatsaura nyika yeGosheni uko kunogara vanhu vangu; hakuna bute renhunzi richawanikwa ikoko kuitira kuti ugoziva kuti ini, Jehovha, ndiri munyika muno. 23Ndichaita mutsauko pakati pavanhu vangu navanhu vako. Chiratidzo ichi chichaitika mangwana.&#8217;&#8198;&#8221;</div><div class="p"> 24Uye Jehovha akaita izvozvo. Mabute enhunzi akapinda mumuzinda maFaro uye nomudzimba dzamachinda ake, uye muIjipiti yose, nyika yakaparadzwa namabute enhunzi.</div><div class="p"> 25Ipapo Faro akadana Mozisi naAroni akati, &#8220;Endai mundobayira kuna Mwari wenyu munyika muno.&#8221;</div><div class="p"> 26Asi Mozisi akati, &#8220;Hazvina kunaka kuita saizvozvo. Zvipiriso zvatinoda kubayira kuna Jehovha Mwari wedu zvingazonyangadza vaIjipita. Uye kana tikapa zvibayiro zvinonyangadza pamberi pavo, havangazotitaki namabwe here? 27Tinofanira kufamba rwendo rwamazuva matatu kuti tinobayira kuna Jehovha Mwari wedu murenje, sezvaakatirayira.&#8221;</div><div class="p"> 28Faro akati, &#8220;Ndichakutenderai kuenda kunobayira zvipiriso kuna Jehovha Mwari wenyu murenje, asi hamufaniri kuenda kure kure. Zvino chindinyengetererai.&#8221;</div><div class="p"> 29Mozisi akapindura akati, &#8220;Ndichangobva pauri, ndichanonyengetera kuna Jehovha, uye mangwana nhunzi dzichabva pana Faro namachinda ake uye napavanhu vake. Ivai nechokwadi chete kuti Faro haazonyengerizve achirambidza vanhu kuenda kundopa zvibayiro kuna Jehovha.&#8221;</div><div class="p"> 30Ipapo akabva pana Faro akandonyengetera kuna Jehovha, 31uye Jehovha akaita zvaakakumbirwa naMozisi. Nhunzi dzakabva pana Faro nokumachinda ake uye nokuvanhu vake; hakuna nhunzi yakasara. 32Asi panguva inozve, Faro akaomesa mwoyo wake uye akaramba kutendera vanhu kuti vaende.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkEXO">
 <div class="chapter ch9" data-usfm="EXO.9.1+EXO.9.2+EXO.9.3+EXO.9.4+EXO.9.5+EXO.9.6+EXO.9.7+EXO.9.8+EXO.9.9+EXO.9.10+EXO.9.11+EXO.9.12+EXO.9.13+EXO.9.14+EXO.9.15+EXO.9.16+EXO.9.17+EXO.9.18+EXO.9.19+EXO.9.20+EXO.9.21+EXO.9.22+EXO.9.23+EXO.9.24+EXO.9.25+EXO.9.26+EXO.9.27+EXO.9.28+EXO.9.29+EXO.9.30+EXO.9.31+EXO.9.32+EXO.9.33+EXO.9.34+EXO.9.35">
 <div class="p">1Ipapo Jehovha akati kuna Mozisi, &#8220;Enda kuna Faro undoti kwaari, &#8216;Zvanzi naJehovha: Mwari wavaHebheru: Rega vanhu vangu vaende, kuti vanondinamata. 2Kana uchiramba kuti vaende uye ukaramba uchivadzivisa, 3ruoko rwaJehovha ruchauyisa hosha yakaipa pakati pezvipfuwo zvako zviri muminda napamusoro pamabhiza ako nembongoro dzako nengamera napamusoro pemombe dzako uye napamusoro pamakwai nembudzi. 4Asi Jehovha achaisa mutsauko pakati pezvipfuwo zveIsraeri nezveIjipiti, kuitira kuti parege kuva nezvipfuwo zvavaIsraeri zvichafa.&#8217;&#8198;&#8221;</div><div class="p"> 5Jehovha akatsaura nguva uye akati, &#8220;Mangwana Jehovha achaita izvi munyika.&#8221; 6Uye chifumi chamangwana Jehovha akazviita: Zvipfuwo zvose zvavaIjipita zvakafa, asi hapana kana chipfuwo chimwe chete chavaIsraeri chakafa. 7Faro akatuma vanhu kundoferefeta uye akawana kuti pakanga pasina kunyange chipfuwo chimwe chete chavaIsraeri chakanga chafa. Asi mwoyo wake wakanga uri mukukutu saka haana kutendera vanhu kuenda.</div><div class="s1">Dambudziko Rechitanhatu: Hosha Yamamota</div><div class="p"> 8Ipapo Jehovha akati kuna Mozisi naAroni, &#8220;Torai tsama dzamadota kubva pachoto mugoita kuti Mozisi aakushe mumhepo pamberi paFaro. 9Richava guruva rakatsetseka pamusoro penyika yose yeIjipiti, uye mamota anoputika achamera pavanhu napazvipfuwo munyika yose.&#8221;</div><div class="p"> 10Saka vakatora madota pachoto vakandomira pamberi paFaro. Mozisi akaakusha mumhepo, mamota anoputika akamera pamusoro pavanhu napamusoro pezvipfuwo. 11N&#700;anga hadzina kugona kumira pamberi paMozisi nokuda kwamamota akanga ari pavari uye napavaIjipita vose. 12Asi Jehovha akaomesa mwoyo waFaro uye haana kuda kuteerera kuna Mozisi naAroni, zvakanga zvarehwa naJehovha kuna Mozisi.</div><div class="s1">Dambudziko Rechinomwe: Chimvuramabwe</div><div class="p"> 13Ipapo Jehovha akati kuna Mozisi, &#8220;Muka mangwanani-ngwanani undosangana naFaro ugoti kwaari, &#8216;Zvanzi naJehovha Mwari wavaHebheru: Rega vanhu vangu vaende, kuti vanondinamata, 14kana zvikasadaro nenguva ino ndichatuma matambudziko angu ose pamusoro pako napamusoro pavaranda vako uye napamusoro pavanhu vako, kuti ugoziva kuti hakuna mumwe akafanana neni munyika yose. 15Nokuti iye zvino ndingadai ndakatambanudza ruoko rwangu ndikakurova iwe navanhu vako nehosha yaigona kukuparadzai panyika. 16Asi ndakakumutsa nokuda kwechinangwa ichi, kuti ndikuratidze simba rangu uye kuti zita rangu riparidzwe munyika yose. 17Iwe wakazvigadzirira kurwa navanhu vangu uye haudi kuvatendera kuti vaende. 18Naizvozvo, nenguva ino mangwana ndichatuma chimvuramabwe chakaipisisa kwazvo chisina kumbovapo pamusoro peIjipiti, kubva pazuva rayakavambwa kusvikira zvino. 19Chirayira izvozvi kuti zvipfuwo zvako nezvose zviri musango zvipinde mumatanga, nokuti chimvuramabwe chichawira pamusoro pomunhu wose napamusoro pezvipfuwo zvisina kupfigirwa zvichiri musango, uye zvichafa.&#8217;&#8198;&#8221;</div><div class="p"> 20Machinda aFaro ayo akanga achitya shoko raJehovha akakurumidza kupinza vatapwa vavo nezvipfuwo zvavo mukati. 21Asi vaya vakazvidza shoko raJehovha vakarega vatapwa vavo nezvipfuwo zviri musango.</div><div class="p"> 22Ipapo Jehovha akati kuna Mozisi, &#8220;Tambanudzira ruoko rwako kudenga kuti chimvuramabwe chiwire pamusoro peIjipiti yose, pamusoro pavanhu napamusoro pezvipfuwo napamusoro pezvinhu zvose zvinomera muminda yeIjipiti.&#8221; 23Mozisi akati atambanudzira tsvimbo yake kudenga, Jehovha akatuma kutinhira nechimvuramabwe, uye mheni yakapenya yakananga pasi. Saka Jehovha akanayisa chimvuramabwe pamusoro penyika yeIjipiti; 24chimvuramabwe chakawa uye mheni yakapenya mberi neshure. Ndiro rakava dutu rakaipisisa kwazvo munyika yose yeIjipiti, kubva panguva yavakatanga kuva rudzi. 25Munyika yose yeIjipiti, chimvuramabwe chakarova zvinhu zvose zvakanga zviri musango, zvose vanhu nezvipfuwo; chakarovera pasi zvose zvaimera musango ndokuparadza miti yose. 26Nzvimbo yachisina kunaya chete inyika yeGosheni, uko kwaiva navaIsraeri.</div><div class="p"> 27Ipapo Faro akadana Mozisi naAroni akati, &#8220;Nguva ino ndatadza. Jehovha ndiye akarurama asi ini navanhu vangu hatina kururama. 28Nyengeterai kuna Jehovha, nokuti kutinhira nechimvuramabwe zvanyanya. Ndichakutenderai kuti muende; hamuchafaniri kuramba mugerezve muno.&#8221;</div><div class="p"> 29Mozisi akapindura akati, &#8220;Pandichabuda muguta, ndichatambanudza maoko angu ndichinyengetera kuna Jehovha. Mutinhiro uchapera uye hakuchazovazve nechimvuramabwe, kuti ugoziva kuti nyika ndeyaJehovha. 30Asi ndinoziva kuti iwe namachinda ako hamutyi Jehovha Mwari nazvino.&#8221;</div><div class="p"> 31(Miti yeshinda nebhari zvakanga zvaparadzwa, sezvo bhari rakanga rava nehura uye miti yava namaruva. 32Kunyange zvakadaro gorosi nesipereti, hazvina kuparadzwa, nokuti zvakanga zvisati zvaibva.)</div><div class="p"> 33Ipapo Mozisi akabva pana Faro akabuda muguta. Akatambanudzira maoko ake kuna Jehovha; kutinhira nechimvuramabwe zvakamira, uye mvura haina kuzonayazve panyika. 34Faro akati aona kuti mvura nechimvuramabwe uye nokutinhira zvapera, akatadzazve: Iye namachinda ake vakaomesa mwoyo yavo. 35Saka mwoyo waFaro wakaoma uye akasada kutendera vaIsraeri kuenda, sokutaura kwakanga kwaita Jehovha kubudikidza naMozisi.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkEXO">
 <div class="chapter ch10" data-usfm="EXO.10.1+EXO.10.2+EXO.10.3+EXO.10.4+EXO.10.5+EXO.10.6+EXO.10.7+EXO.10.8+EXO.10.9+EXO.10.10+EXO.10.11+EXO.10.12+EXO.10.13+EXO.10.14+EXO.10.15+EXO.10.16+EXO.10.17+EXO.10.18+EXO.10.19+EXO.10.20+EXO.10.21+EXO.10.22+EXO.10.23+EXO.10.24+EXO.10.25+EXO.10.26+EXO.10.27+EXO.10.28+EXO.10.29">
 <div class="p">1Ipapo Jehovha akati kuna Mozisi, &#8220;Enda kuna Faro nokuti ndaomesa mwoyo wake uye nemwoyo yamachinda ake kuitira kuti ndiite zviratidzo zvangu izvi pakati pavo, 2kuti mugoudza vana venyu navazukuru venyu marangiro akaoma andakaita vaIjipita uye kuti ndakaita zviratidzo zvangu sei pakati pavo, uye kuti imi mugoziva kuti ndini Jehovha.&#8221;</div><div class="p"> 3Saka Mozisi naAroni vakaenda kuna Faro vakandoti kwaari, &#8220;Zvanzi naJehovha: Mwari wavaHebheru, &#8216;Uchasvika riniko uchiramba kuzvininipisa pamberi pangu? Rega vanhu vangu vaende kuti vanondinamata. 4Kana uchiramba kuvatendera kuenda, ini ndichauyisa mhashu munyika yako mangwana. 5Dzichafukidza nyika yose zvokuti pasi hapangaonekwi. Dzichadya zvishoma zvawakanga wasiyirwa shure kwechimvuramabwe, pamwe chete nemiti yose iri kumera muminda yako. 6Dzichazadza dzimba dzako nedzamachinda ako nedzavaIjipita vose, chinhu chisina kumboonekwa namadzibaba ako kana madzitateguru ako kubva pazuva ravakagara munyika ino kusvika zvino.&#8217;&#8198;&#8221; Ipapo Mozisi akatendeuka akabva pana Faro.</div><div class="p"> 7Machinda aFaro akati kwaari, &#8220;Munhu uyu acharamba ari musungo kwatiri kusvikira riniko? Regai vanhu vaende, kuti vagonamata Jehovha Mwari wavo. Ko, hamusi kuzviona here nazvino kuti Ijipiti yaparara?&#8221;</div><div class="p"> 8Ipapo Mozisi naAroni vakadzoswazve kuna Faro. Iye akati, &#8220;Endai mundonamata Jehovha Mwari wenyu. Asi vachaenda ndivanaaniko?&#8221;</div><div class="p"> 9Mozisi akapindura akati, &#8220;Tichaenda navaduku vedu uye navakuru, pamwe chete navanakomana vedu navanasikana vedu, uye namakwai edu nemombe dzedu, nokuti tinofanira kuita mutambo wokupemberera Jehovha.&#8221;</div><div class="p"> 10Faro akati, &#8220;Jehovha ngaave nemi, kana ndikakutenderai kuenda, pamwe chete navakadzi navana venyu! Zviri pachena kuti imi muri kuda kuita zvakaipa. 11Kwete! Varume chete ngavaende; vandonamata Jehovha, sezvo zviri izvo zvamanga muchikumbira.&#8221; Ipapo Mozisi naAroni vakadzingwa pamberi paFaro.</div><div class="p"> 12Uye Jehovha akati kuna Mozisi, &#8220;Tambanudza ruoko rwako pamusoro peIjipiti kuitira kuti mhashu dzigoita bute pamusoro dzigodya zvose zvinomera muminda, zvose zvakasiyiwa nechimvuramabwe.&#8221;</div><div class="p"> 13Saka Mozisi akatambanudza tsvimbo yake pamusoro peIjipiti, uye Jehovha akaita kuti mhepo yokumabvazuva ivhuvhute munyika zuva rose nousiku hwose. Mangwanani, mhepo yakanga yauyisa mhashu; 14dzakazadza Ijipiti yose uye dzikamhara munzvimbo dzose dzenyika dzakawanda zvikuru. Hakuna kutongova nedambudziko remhashu rakadai, uye harichazombovapozve. 15Dzakafukidza pasi pose kusvikira pasviba kuti svi-i. Dzakadya zvose zvakanga zvasara shure kwechimvuramabwe, zvinhu zvose zvaimera muminda uye michero yaiva pamiti. Hakuna chakasvibirira chakasara mumiti kana zvirimwa zvomunyika yose yeIjipiti.</div><div class="p"> 16Faro akakurumidza kudana Mozisi naAroni akati, &#8220;Ndatadzira Jehovha Mwari wenyu uye nemi. 17Zvino ndiregerereizve chivi changu uye munyengetere kuna Jehovha Mwari wenyu kuti abvise kwandiri dambudziko rinouraya iri.&#8221;</div><div class="p"> 18Ipapo Mozisi akabva pana Faro akanyengetera kuna Jehovha. 19Uye Jehovha akashandura mhepo ikava mhepo ine simba yokumavirira ikasimudza mhashu ikadzikanda muGungwa Dzvuku. Hapana mhashu yakasara papi zvapo muIjipiti. 20Asi Jehovha akaomesa mwoyo waFaro, uye akasatendera vaIsraeri kuti vaende.</div><div class="s1">Dambudziko Repfumbamwe: Rima</div><div class="p"> 21Ipapo Jehovha akati kuna Mozisi, &#8220;Tambanudzira ruoko rwako kudenga kuti rima ripararire pamusoro peIjipiti, rima rinonzwikwa.&#8221; 22Saka Mozisi akatambanudzira ruoko rwake kudenga, rima guru rikafukidza Ijipiti yose kwamazuva matatu. 23Hapana aigona kuona mumwe munhu papi zvapo kana kubva panzvimbo yake kwamazuva matatu. Asi vaIsraeri vainge vane chiedza munzvimbo dzavaigara.</div><div class="p"> 24Ipapo Faro akadana Mozisi akati, &#8220;Endai mundonamata Jehovha. Kunyange vakadzi venyu navana vangaenda havo nemi; musiye chete makwai enyu nemombe.&#8221;</div><div class="p"> 25Asi Mozisi akati, &#8220;Munofanira kutitendera kuti tive nezvibayiro uye nezvipiriso zvinopiswa kuti tipe kuna Jehovha Mwari wedu. 26Zvipfuwo zvedu zvinofanira kuendawo nesu; hapana hwanda rinofanira kusara. Tinofanira kuzvishandisa zvimwe zvacho mukunamata Jehovha Mwari wedu, uye kusvikira tasvikako hatingazivi zvatingashandisa kuti tinamate Jehovha.&#8221;</div><div class="p"> 27Asi Jehovha akaomesa mwoyo waFaro, saka haana kuda kuvatendera kuti vaende. 28Faro akati kuna Mozisi, &#8220;Ibvai pano! Chenjerai kuti murege kuzoonekwazve pamberi pangu! Musi wamuchaona chiso changu muchafa.&#8221;</div><div class="p"> 29Mozisi akapindura akati, &#8220;Sezvamareva, handichazoonekwazve pamberi penyu.&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkEXO">
 <div class="chapter ch11" data-usfm="EXO.11.1+EXO.11.2+EXO.11.3+EXO.11.4+EXO.11.5+EXO.11.6+EXO.11.7+EXO.11.8+EXO.11.9+EXO.11.10">
 <div class="p">1Zvino Jehovha akanga ati kuna Mozisi, &#8220;Ndichauyisa rimwezve dambudziko pamusoro paFaro napamusoro peIjipiti. Shure kwaizvozvo, achakutenderai kubva muno, uye paanozviita, achakudzingirai kunze zvachose. 2Udza vanhu kuti varume navakadzi, pamwe chete, vakumbire vavakidzani vavo zvishongo zvesirivha nezvegoridhe.&#8221; 3Jehovha akaita kuti vanhu vawanirwe nyasha navaIjipita, uye Mozisi pachake akanga achikudzwa zvikuru muIjipiti namachinda aFaro uye navanhu.</div><div class="p"> 4Saka Mozisi akati, &#8220;Zvanzi naJehovha: &#8216;Pakati pousiku ndichafamba napakati peIjipiti. 5Mwanakomana wose wedangwe ari muIjipiti achafa, kubva pamwanakomana wedangwe waFaro, iye agere pachigaro choushe, kusvikira kumwanakomana wedangwe womurandakadzi, ari paguyo rake, namatangwe ose emombewo. 6Pachava nokuchema kukuru muIjipiti yose, kwakadaro hakuna kumbovapo uye hakungavepozve. 7Asi pakati pavaIsraeri hapana kana imbwa ichahukura munhu zvake kana chipfuwo.&#8217; Ipapo uchaziva kuti Jehovha anoita mutsauko pakati peIjipiti neIsraeri. 8Machinda ako ose aya achauya kwandiri, vachipfugama pamberi pangu vachiti, &#8216;Chiendai, imi navanhu vose vanokuteverai!&#8217; Shure kwaizvozvo ndichaenda.&#8221; Ipapo Mozisi, atsamwa kwazvo, akabva pana Faro.</div><div class="p"> 9Jehovha akanga ati kuna Mozisi, &#8220;Faro acharamba kukuteerera, kuitira kuti zvishamiso zvangu zviwande muIjipiti.&#8221; 10Mozisi naAroni vakaita zvishamiso zvose izvi pamberi paFaro, asi Jehovha akaomesa mwoyo waFaro uye haana kuda kutendera vaIsraeri kuti vabude munyika yake.</div>
 </div>
 </div>
</div>

The Essential 100® Bible Challenge–4–Moses And The ExodusChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Fara Ugowa Nekutenda

Kuwana Makomborero Nekuda Kwekuteerera