Zvirevo 13:1-25
Zvirevo 13:1-25 Shona Bible 1949, revised 2002 (SNA2002)
Mwanakomana akachenjera anoteerera kuraira kwababa vake; Asi mudadiri haanzwi kana achitukwa. Munhu achadya zvakanaka zvinobva pazvibereko zvomuromo wake; Asi vanoita nokunyengedzera vanofarira kumanikidza. Anorindira muromo wake, anochengeta hupenyu hwake; Asi anoshamisa miromo yake, achaparadzwa. Mweya wesimbe unopanga, asi unoshaiwa; Asi mweya yavasina usimbe ichakodzwa. Akarurama anovenga nhema; Asi akaipa, anonyangadza, achanyadziswa. Kururama kunochengeta akarurama pakufamba kwake; Asi kuipa kunowisira mutadzi pasi. Mumwe ariko anozviti ndiri mupfumi, kunyange asina chinhu; Mumwe ariko unozviti ndiri murombo, asi ane pfuma zhinji. Rudzikinuro rwoupenyu hwomunhu ipfuma yake; Asi murombo haanzwi kutyisidzira. Chiedza chavakarurama chinopenya kwazvo; asi mwenje wavakaipa uchadzimwa. Kuzvikudza kunongouyisa kukakavara; Asi uchenjeri huri kuna vanotenda kurairirwa. Pfuma, yakawanikwa nokukurumidza, ichatapudzwa; Asi anounganidza noruoko, zvichawedzerwa kwaari. Tariro kana ichinonoka, inoodza mwoyo; Asi kana chapangwa chosvika, ndiwo muti woupenyu. Anozvidza Shoko, asungwa naro; Asi anotya murayiro, achapiwa mubayiro. Kudzidzisa kwowakachenjera itsime roupenyu; Kuti munhu apukunyuke pamisungo yorufu. Njere dzakanaka dzinouyisa kufarirwa navanhu; Asi nzira yavatadzi ihukutu. Mumwe nomumwe, akangwara, anoita nokuziva, Asi benzi rinokusha upenzi hwarwo. Nhume yakaipa inowira munjodzi; Asi munyai anotendwa anoporesa. Urombo nokunyadziswa ndiwo mubayiro woanoramba kurairirwa; Asi anoteerera kurairwa achakudzwa. Kana zvinodikanwa zvaitwa, zvinozipa pamweya; Asi mapenzi anonyangadzwa kana achisiyana nezvakashata. Fambidzana navakachenjera, ugova akachenjerawo; Asi shamwari yamapenzi inoshatiswa. Zvakaipa zvichatevera vatadzi; Asi vakarurama vacharipirwa nezvakanaka. Munhu, akanaka, achasiyira vana vavana vake nhaka; Asi pfuma yomutadzi inochengeterwa akarurama. Munda womurombo ane zvokudya zvizhinji; Asi mumwe ariko anoparadzwa nokuda kwokusarurama. Anorega shamhu anovenga mwanakomana wake; Asi anomuda, anomuranga zvakanaka. Akarurama anodya kusvikira agutisa mweya wake; Asi dumbu rowakaipa richashaiwa.
Zvirevo 13:1-25 Bhaibheri Dzvene MuChiShona Chanhasi (BDSC)
Mwanakomana akachenjera anoteerera kurayira kwababa vake, asi mudadi haateereri kana achitsiurwa. Kubva pazvibereko zvomuromo wake munhu achadya zvinhu zvakanaka, asi vasina kutendeka vanofarira kumanikidza. Uyo anobata muromo wake anochengeta upenyu hwake, asi uyo anokurumidzira kutaura achaparadzwa. Simbe inopanga asi igoshayiwa chinhu, asi zvishuvo zvavanoshingaira zvichazadziswa. Vakarurama vanovenga nhema, asi vakaipa vanouyisa kunyadziswa nokunyangadza. Kururama kunorinda munhu ane unhu hwakanaka, asi kuipa kunowisira mutadzi pasi. Mumwe munhu anozviti mupfumi, asi asina chinhu; mumwewo anozviti murombo, asi aine upfumi huzhinji. Upfumi hwomunhu hunogona kudzikinura upenyu hwake, asi murombo haana chinomutyisidzira. Chiedza cheakarurama chinopenya kwazvo; asi mwenje woakaipa uchadzimwa. Kuzvikudza kunongouyisa kukakavara chete, asi uchenjeri hunowanikwa mune avo vanogamuchira kurayirwa. Mari yakawanikwa zvisakarurama ichakurumidza kupera, asi uyo anounganidza mari zvishoma nezvishoma achaita kuti iwande. Tariro kana ichinonoka inoodza mwoyo, asi chishuvo chazadziswa muti woupenyu. Uyo anozvidza kurayirwa achazozviripira izvozvo, asi uyo anokudza murayiro achawana mubayiro. Kudzidzisa kwowakachenjera itsime roupenyu, rinobvisa munhu pamusungo worufu. Kunzwisisa kwakanaka kunowanisa nyasha, asi nzira yavasina kutendeka ihukutu. Munhu wose akachenjera anoita zvinhu noruzivo, asi benzi rinoratidza upenzi hwaro. Nhume yakaipa inowira munjodzi, asi munyai akatendeka anouya nokuporesa. Uyo anozvidza kurayirwa achava murombo uye achanyadziswa, asi ani naani anoteerera kurayirwa achakudzwa. Chishuvo chazadziswa chinozipa pamweya, asi mapenzi anovenga kusiya zvakaipa. Uyo anofamba navakachenjera achachenjerawo, asi shamwari yamapenzi ichakuvadzwa. Zvakaipa zvinotevera mutadzi, asi kubudirira ndiwo mugove wavakarurama. Munhu akanaka anosiyira vana vevana vake nhaka, asi upfumi hwomutadzi hunounganidzirwa vakarurama. Munda womurombo ungabereka zvokudya zvakawanda, asi kusaruramisira kunozvitsvairira kure. Anorega kushandisa shamhu anovenga mwanakomana wake, asi uyo anomuda anochenjerera kumuranga. Vakarurama vanodya zvinogutsa mwoyo yavo, asi dumbu reakaipa richanzwa nzara.
Zvirevo 13:1-25 Bhaibhiri Idzva rechiShona rine Dhuterokanonika (SCLBD)
Mwana akangwara anoteerera zvaanodzidziswa nababa vake, asi tsvuuramuromo haitsiuriki. Munhu anodya zvakanaka zvinobva mumuchero wezvaanotaura nomuromo wake asi vanyengedzi chavanoda utsinye. Munhu anobata muromo wake anochengetedza upenyu hwake asi anongoshamarara kutaura anozviparadza. Nyope yomunhu inosuwira zvinhu asi haina chainowana, vanochamirira basa vanokora. Akarurama anovenga nhema asi akaipa anoita zvinotsverutsa uye zvinonyadzisa. Ururami hunochengetedza vane nzira dzakarurama asi chitadzo chinorigira pasi mutadzi. Mumwe munhu anoita somupfumi chaanacho pasina mumwewo anoita zvake somurombo asi aine upfumi hwakawanda. Chinonunura munhu upenyu upfumi hwake, asi murombo hapana chikonzero chokumutyityidzira. Chiedza chomururami chinongoti bhaa kuchena asi mwenje womuipi uchanzi nhoo kudzimwa. Kuzvikudza, chako kumutsa nharo asi vanobvuma kupiwa mazano chavo ungwaru. Upfumi hunowanikwa nechimbichimbi hautani kupera asi anohuunganidza kashoma nakashoma anotohuwedzeredza. Chawakatarisira munhu chikanonoka zvinoodza mwoyo asi chaunoda chikaitika ndiwo muti woupenyu. Munhu anoshora shoko anozviparadza asi anoremekedza mutemo achapiwa mubayiro. Chidzidziso chomungwaru chisipiti cheupenyu kuitira kuti munhu anzvenge musungo werufu. Kunzwisisisa kunoita kuti munhu adiwe asi nzira yavanyengedzi yakaoma. Munhu akachenjera anoita zvinhu noruzivo asi benzi rinoparidzira urema hwaro. Nhumwa yakaipa inopinza munhamo asi nhumwa yakatendeka inounza kurapa. Munhu anoshora dzidzo urombo nokunyadziswa ndozvake asi anoisa mumwoyo zvaanege atsiurwa acharemekedzwa. Munhu anofara kana zvaanoda zvaitika zvokusiana nezvakaipa mapenzi haadi. Anofambidzana navangwaru, anovawo mungwaru asi shamwari yamapenzi inopinda nhamo. Vatadzi vanorondwa nezvakaipa asi vakarurama vanopiwa mubayiro nezvakanaka. Munhu wakanaka anosiira vana vevana vake nhaka asi upfumi hwomuipi hunochengeterwa varurami. Gura romurombo rinopa chokudya chakawanda asi chinotsvairwa pamusana pokushaika kweruenzaniso. Munhu asingarove mwana wake neshamhu anomuvenga, asi anoda mwana wake anomuranga kwazvo. Mururami anodya pamadiro, asi dumbu rowakaipa inzara yoga.
Zvirevo 13:1-25 Baiberi Magwaro Matȿene aMŋari 1949 (Doke) (SUB1949)
Mŋanakomana wakacenjera unoterera kuraira kwaɓaɓa ʋake; Asi muɗaɗiri haanzwi kana acitukwa. Munhu ucadya ɀakanaka ɀinobva paɀiɓereko ɀomuromo wake; Asi ʋanoita nokunyeŋgedzera ʋanofarira kumanikidza. Unorindira muromo wake, unoceŋgeta ʋupenyu bgake; Asi unoshamisa miromo yake, ucaparadzwa. Mŋeya wesimbe unopaŋga, asi unoshaiwa; Asi mŋeya yaʋasinoʋusimbe icakodzwa. Wakarurama unoʋeŋga nhema; Asi wakaipa, unonyaŋgadza, ucanyadziswa. Kururama kunoceŋgeta wakarurama pakufamba kwake; Asi kuipa kunowisira mutadzi pasi. Mumŋe uri’ko unoɀiti ndiri mufumi, kunyaŋge asinecinhu; Mumŋe uri’ko unoɀiti ndiri murombo, asi unefuma zhinji. Rudzikinuro rwoʋupenyu bgomunhu ifuma yake; Asi murombo haanzwi kutyisidzira. Ciedza caʋakarurama cinopenya kwaɀo; Asi mŋenje waʋakaipa ucadzimŋa. Kuɀikudza kunoŋgoʋuyisa kukakaʋara; Asi ʋucenjeri ʋuri kunaʋanotenda kurairirwa. Fuma, yakawanikwa nokukurumidza, icatapudzwa; Asi unoʋuŋganidza noruʋoko, ɀicawedzerwa kwaari. Tariro kana icinonoka, inoʋodza mŋoyo; Asi kana capaŋgwa coȿika, ndiwo muti woʋupenyu. Unoɀidza Shoko, wasuŋgwa naro; Asi unotya murairo, ucapiwa muɓairo. Kudzidzisa kwowakacenjera itsime roʋupenyu; Kuti munhu apukunyuke pamisuŋgo yorufu. Njere dzakanaka dzinoʋuyisa kufarirwa naʋanhu; Asi nzira yaʋatadzi ihukutu. Mumŋe nomumŋe, wakaŋgwara, unoita nokuziʋa, Asi ɓenzi rinokusha ʋupenzi bgaro. Nhume yakaipa inowira munjodzi; Asi munyai unotendwa unoporesa. Ʋurombo nokunyadziswa ndiwo muɓairo wounoramba kurairirwa; Asi unoterera kurairwa ucakudzwa. Kana ɀinoɗikanwa ɀaitwa, ɀinozipa pamŋeya; Asi mapenzi anonyaŋgadzwa kana acisiyana neɀakashata. Fambidzana naʋakacenjera, ugoʋa wakacenjera ʋo; Asi shamŋari yamapenzi inoshatiswa. Ɀakaipa ɀicateʋera ʋatadzi; Asi ʋakarurama ʋacaripirwa neɀakanaka. Munhu, wakanaka, ucasiyira ʋana ʋaʋana ʋake nhaka; Asi fuma yomutadzi inoceŋgeterwa wakarurama. Munda womurombo uneɀokudya ɀizhinji; Asi mumŋe uri’ko unoparadzwa nokuɗa kwokusarurama. Unorega shamhu unoʋeŋga mŋanakomana wake; Asi unomuɗa, unomuraŋga ɀakanaka. Wakarurama unodya kuȿikira agutisa mŋeya wake; Asi ɗumbu rowakaipa ricashaiwa.
Zvirevo 13:1-25 Bhaibhiri Idzva rechiShona (SCLB)
Mwana akangwara anoteerera zvaanodzidziswa nababa vake, asi tsvuuramuromo haitsiuriki. Munhu anodya zvakanaka zvinobva mumuchero wezvaanotaura nomuromo wake asi vanyengedzi chavanoda utsinye. Munhu anobata muromo wake anochengetedza upenyu hwake asi anongoshamarara kutaura anozviparadza. Nyope yomunhu inosuwira zvinhu asi haina chainowana, vanochamirira basa vanokora. Akarurama anovenga nhema asi akaipa anoita zvinotsverutsa uye zvinonyadzisa. Ururami hunochengetedza vane nzira dzakarurama asi chitadzo chinorigira pasi mutadzi. Mumwe munhu anoita somupfumi chaanacho pasina mumwewo anoita zvake somurombo asi aine upfumi hwakawanda. Chinonunura munhu upenyu upfumi hwake, asi murombo hapana chikonzero chokumutyityidzira. Chiedza chomururami chinongoti bhaa kuchena asi mwenje womuipi uchanzi nhoo kudzimwa. Kuzvikudza, chako kumutsa nharo asi vanobvuma kupiwa mazano chavo ungwaru. Upfumi hunowanikwa nechimbichimbi hautani kupera asi anohuunganidza kashoma nakashoma anotohuwedzeredza. Chawakatarisira munhu chikanonoka zvinoodza mwoyo asi chaunoda chikaitika ndiwo muti woupenyu. Munhu anoshora shoko anozviparadza asi anoremekedza mutemo achapiwa mubayiro. Chidzidziso chomungwaru chisipiti cheupenyu kuitira kuti munhu anzvenge musungo werufu. Kunzwisisisa kunoita kuti munhu adiwe asi nzira yavanyengedzi yakaoma. Munhu akachenjera anoita zvinhu noruzivo asi benzi rinoparidzira urema hwaro. Nhumwa yakaipa inopinza munhamo asi nhumwa yakatendeka inounza kurapa. Munhu anoshora dzidzo urombo nokunyadziswa ndozvake asi anoisa mumwoyo zvaanege atsiurwa acharemekedzwa. Munhu anofara kana zvaanoda zvaitika zvokusiana nezvakaipa mapenzi haadi. Anofambidzana navangwaru, anovawo mungwaru asi shamwari yamapenzi inopinda nhamo. Vatadzi vanorondwa nezvakaipa asi vakarurama vanopiwa mubayiro nezvakanaka. Munhu wakanaka anosiira vana vevana vake nhaka asi upfumi hwomuipi hunochengeterwa varurami. Gura romurombo rinopa chokudya chakawanda asi chinotsvairwa pamusana pokushaika kweruenzaniso. Munhu asingarove mwana wake neshamhu anomuvenga, asi anoda mwana wake anomuranga kwazvo. Mururami anodya pamadiro, asi dumbu rowakaipa inzara yoga.