Isaya 49:15-18
Isaya 49:15-18 Bhaibheri Dzvene MuChiShona Chanhasi (BDSC)
“Ko, mai vangakanganwa mucheche anonwa ari pachipfuva chavo, uye vangasanzwira tsitsi mwana wavakazvara here? Kunyange hazvo ivo vakakanganwa, ini handizokukanganwi! Tarira, ndakakunyora pazvanza zvamaoko angu; madziro ako anogara ari mberi kwangu. Vanakomana vako vanokurumidza kudzoka shure, uye vose vaikuparadza vachabva kwauri. Simudza meso ako utarise kwose kwose; vanakomana vako vose vanoungana vachiuya kwauri. Zvirokwazvo noupenyu hwangu,” ndizvo zvinotaura Jehovha, “uchavafuka vose sezvishongo: uchavapfeka, somwenga.
Isaya 49:15-18 Shona Bible 1949, revised 2002 (SNA2002)
“Ko mukadzi angakanganwe mwana wake waanomwisa, akasava netsitsi nomwanakomana wechizvaro chake here? Zvirokwazvo vangakanganwa zvavo, asi ini handingakukanganwi. Tarira, ndakakunyora pazvanza zvangu; masvingo ako ari pamberi pangu nguva dzose. Vana vako vanokurumidza; vaparadzi vako navanokuita dongo vachabuda mauri. “Ringira kwose-kwose nameso ako, uone; ava vose vanoungana pamwechete, vachiuya kwauri. Noupenyu hwangu, ndizvo zvinotaura Jehovha, zvirokwazvo uchazvifukidza navo vose sechishongo, uchazvisunga chiuno navo somwenga.
Isaya 49:15-18 Bhaibhiri Idzva rechiShona rine Dhuterokanonika (SCLBD)
“Mudzimai angakanganwe here mwana wake achiri kuyamwa, achitadza kuva netsitsi nomwana akabva munhumbu make? Kunyange zvazvo ivava vakakanganwa asi ini handizokukanganwi. Chinzwa unzwe ndakaita zvokukutemera senyora muzvanza zvamaoko angu, tsvingo dzako dzinogara dziri mupfungwa dzangu. “Vana venyu vava kupitipidza kudzoka vaikuparadzai vava kubudidzana kuenda. Simudzai musoro mutarise kwose kwose muone kuti vari kuungana vose zvavo vachiuya kwamuri. Hezvino ndakudai ini Tenzi, ndinoti vose zvavo vachatoti pauri nyerere sezvishongo, sezvinoita muroora pamuchato kusungirira hanzu ndozvauchaita kuunganidza pauri vana vako.
Isaya 49:15-18 Baiberi Magwaro Matȿene aMŋari 1949 (Doke) (SUB1949)
Ko mukadzi uŋgakaŋganwa mŋana wake waanomŋisa, akasaʋa netsitsi nomŋanakomana weciɀaro cake here? Ɀirokwaɀo aʋa ʋaŋgakaŋganwa, asi ini handiŋgakukaŋganwi. Tarira, ndakakunyora paɀanza ɀaŋgu; maȿiŋgo ako ari pamberi paŋgu ŋguʋa dzose. Ʋana ʋako ʋanokurumidza; ʋaparadzi ʋako naʋanokuita ɗoŋgo ʋacaɓuɗa mauri. Riŋgira kwose‐kwose nameso ako, uʋone; aʋa ʋose ʋanoʋuŋgana pamŋe cete, ʋaciʋuya kwauri. Noʋupenyu bgaŋgu, ndiɀo ɀinotaura Jehova, ɀirokwaɀo ucaɀifukidza naʋo ʋose secishoŋgo, ucaɀisuŋga ciʋuno naʋo somŋeŋga.
Isaya 49:15-18 Bhaibhiri Idzva rechiShona (SCLB)
“Mudzimai angakanganwe here mwana wake achiri kuyamwa, achitadza kuva netsitsi nomwana akabva munhumbu make? Kunyange zvazvo ivava vakakanganwa asi ini handizokukanganwi. Chinzwa unzwe ndakaita zvokukutemera senyora muzvanza zvamaoko angu, tsvingo dzako dzinogara dziri mupfungwa dzangu. “Vana venyu vava kupitipidza kudzoka vaikuparadzai vava kubudidzana kuenda. Simudzai musoro mutarise kwose kwose muone kuti vari kuungana vose zvavo vachiuya kwamuri. Hezvino ndakudai ini Tenzi, ndinoti vose zvavo vachatoti pauri nyerere sezvishongo, sezvinoita muroora pamuchato kusungirira hanzu ndozvauchaita kuunganidza pauri vana vako.