2 Makoronike 7:1-10
2 Makoronike 7:1-10 Bhaibheri Dzvene MuChiShona Chanhasi (BDSC)
Soromoni paakapedza kunyengetera, moto wakaburuka kubva kudenga ukapisa chipiriso chinopiswa nezvibayiro uye kubwinya kwaJehovha kwakazadza temberi. Vaprista vakatadza kupinda mutemberi yaJehovha nokuti kubwinya kwaJehovha kwakanga kwakaizadza. VaIsraeri vose pavakaona moto uchiburuka uye kubwinya kwaJehovha kuri pamusoro petemberi, vakapfugama pachivara zviso zvavo zvakatarisa pasi, uye vakanamata vakavonga Jehovha vachiti: “Iye akanaka; rudo rwake runogara nokusingaperi.” Ipapo mambo navanhu vose vakapa zvibayiro pamberi paJehovha. Uye Mambo Soromoni akapa chibayiro chemombe zviuru makumi maviri nezviviri namakwai nembudzi zviuru zana namakumi maviri. Saka mambo navanhu vose vakakumikidza temberi yaMwari. Vaprista vakaenda panzvimbo dzavo sezvakaitwawo navaRevhi vane zviridzwa zvaJehovha zvakanga zvagadzirwa naMambo Dhavhidhi kuti zvishandiswe pakurumbidza Jehovha uye ndizvo zvakashandiswa pavakavonga vachiti, “Rudo rwake runogara nokusingaperi.” Kune rumwe rutivi rwakatarisana navaRevhi, vaprista vakaridza hwamanda dzavo uye vaIsraeri vose vakanga vakamira. Soromoni akatsaura nzvimbo yapakati pechivanze chapamberi petemberi yaJehovha uye ipapo akapa zvipiriso zvinopiswa namafuta ezvipiriso zvokuwadzana, nokuti aritari yendarira yaakanga agadzira yaisakwana zvipiriso zvinopiswa, nezvipiriso zvoupfu namafuta. Saka Soromoni akatamba mutambo panguva iyoyo kwamazuva manomwe, uye Israeri yose yakanga inaye, ungano huru kwazvo, vanhu vaibva kuRebho Hamati kusvika kuRwizi rweIjipiti. Pazuva rorusere vakaungana pamwe chete nokuti vakanga vapemberera kutsaurwa kwearitari kwamazuva manomwe uye mutambo uyu kwamamwezve mazuva manomwe. Pazuva ramakumi maviri namatatu romwedzi wechinomwe akaendesa vanhu kudzimba dzavo, vachifara uye mwoyo yavo ichifara nokuda kwezvinhu zvakanaka zvakanga zvaitwa naJehovha kuna Dhavhidhi naSoromoni nokuvanhu vake Israeri.
2 Makoronike 7:1-10 Shona Bible 1949, revised 2002 (SNA2002)
Zvino Soromoni akati apedza kunyengetera, moto ndokuburuka kudenga, ukapedza chipiriso chinopiswa nezvimwe zvibayiro; kubwinya kwaJehovha kukazadza imba. Vapristi vakakoniwa kupinda muimba yaJehovha, nokuti kubwinya kwaJehovha kwakanga kwazadza imba yaJehovha. Vana vaIsiraeri vose vakatarira moto uchiburuka kudenga nokubwinya kwaJehovha kuchigara pamusoro peimba; vakakotamira pasi nezviso zvavo pakarongwa namabwe, vakanamata nokuvonga Jehovha, vachiti, “Nokuti akanaka, nokuti nyasha dzake dzinogara nokusingaperi.” Ipapo mambo navanhu vose vakabayira zvibayiro pamberi paJehovha. Mambo Soromoni akabayira chibayiro chenzombe dzine zviuru zvina makumi maviri nezviviri, namakwai ane zviuru zvine zana namakumi maviri. Saizvozvo mambo navanhu vose vakatsaurira Mwari imba iyo. Vapristi vakamirapo, sezvavakagoverwa mabasa avo; navaRevhiwo vane zvokuridzira Jehovha, zvakaitwa namambo Dhavhidhi, zvokuvonga Jehovha nazvo, nokuti nyasha dzake dzinogara nokusingaperi, panguva iya Dhavhidhi yaakakudza Jehovha nazvo; vapristi vakaridza hwamanda pamberi pavo, vaIsiraeri vose vakamira. Soromoni akatsaurawo nzvimbo yapakati yoruvazhe rwakanga ruri pamberi peimba yaJehovha; nokuti ndipo paakabayira zvipiriso zvinopiswa, namafuta ezvipiriso zvokuyananisa; nokuti aritari yendarira yakaitwa naSoromoni yakanga isingagoni kuringana chipiriso chinopiswa, nechipiriso choupfu, namafuta. Naizvozvo Soromoni akatamba mutambo panguva iyo mazuva manomwe, navaIsiraeri vose pamwechete naye, ikaita ungano huru-huru, kubva pavanopinda paHamati, kusvikira parukova rweIjipiti. Zvino pazuva rorusere vakatamba mutambo wokupedzisira; nokuti vakatsaura aritari mazuva manomwe, vakaita mutambo mazuva manomwe. Zvino pazuva ramakumi maviri namatatu romwedzi wechinomwe akaendisa vanhu kumatende avo nemwoyo yakanga ichifara, ichifarira zvakanaka zvose zvakaitira Jehovha Dhavhidhi, naSoromoni, navanhu vake vaIsiraeri.
2 Makoronike 7:1-10 Bhaibhiri Idzva rechiShona rine Dhuterokanonika (SCLBD)
Zvino kuzoti Soromoni apedza kunamata, moto wakatozomoka kudenga ukaroromesa mupiro wokupisa nezvibayiro, kupenya kwokuvapo kwaTenzi kukazadza Temberi yacho. Vapristi havana kugona kupinda mumba yaTenzi pamusana pokuti kupenya kwokuvapo kwaTenzi kwakazadza imba yaTenzi iyoyo. Pakaona vanhu vose veIsiraeri kutozomoka kwakaita moto nokupenya kwokuvapo kwaTenzi paTemberi, vakati kota kota pasi nouso panhandare yakanga yakagadzirwa, vakanamata vakatenda Tenzi vachiti, “Nokuti wakanaka, uye mwoyochena wake hauperi.” Mambo navanhu vose veIsiraeri vakapira zvibayiro kuna Tenzi. Mambo Soromoni akapira zvibayiro zviuru makumi maviri emombe, nehwai zviuru zana namakumi maviri, nokudaro mambo navanhu vose vakateketerera imba iyoyo kuna Mwari. Vapristi vakamira munzvimbo dzavo, vaRevhiwo vaine zvokuridzisa mumhanzi waTenzi zvakagadzirwa namambo Dhavhidhi kuitira kurumbidza Tenzi pamusana pokuti mwoyochena wake hauperi. Dhavhidhi paaivarumbidzisa Mwari, vapristi vairidza mabhosvo vakatarisana navo, vaIsiraeri vose vakamira. Soromoni akaturira kuna Mwari chimwe chidzengerere chapakati poruvanze pokunge toda kupinda mumba yaTenzi. Ndipo paakapirira mupiro wokupisa namafuta omupiro wokuwadzana. Chakanetsa ndechokuti atari iya yendaira yakagadzirwa naSoromoni, yakanga isingakwane kuisa pairi mipiro yokupisa nemipiro yeupfu hwembeswana namafuta. Panguvawo iyoyo Soromoni nevaIsiraeri vose vaaiva navo, vakaita mabiko okupemberera kwamazuva manomwe. Vakanga vari gungano guru kwazvo ravanhu vokubva pokunge tava kuda kusvika kuHamati kusvikira kuKakova keIjipiti. Pazuva rechisere vakaita musangano mukuru wezvokunamata nokuti vakanga vateketerera atari kuna Mwari kwemazuva manomwe, vakachengetawo mazuva makuru kwamazuva manomwe. Pazuva rechimakumi maviri nechitatu romwedzi wechinomwe akaparadza musasa woonekana navanhu kuti vaende kumisha yavo. Vakaenda vasisazive pokuisa mwoyo nokufarira zvinhu zvakanaka zvakanga zvaitwa naTenzi kune muranda wake Dhavhidhi nokuna Soromoni nokuvanhu vake vaIsiraeri.
2 Makoronike 7:1-10 Baiberi Magwaro Matȿene aMŋari 1949 (Doke) (SUB1949)
Ɀino Soromoni wakati apedza kunyeŋgetera, mŋoto ndokuɓuruka kuɗeŋga, ukapedza cipiriso cinopiswa neɀimŋe ɀiɓayiro; kubginya kwaJehova kukazadza imba. Ʋaprista ʋakakoniwa kupinda muimba yaJehova, nokuti kubginya kwaJehova kwakaŋga kwazadza imba yaJehova. Ʋana ʋaIsraeri ʋose ʋakatarira mŋoto uciɓuruka kuɗeŋga nokubginya kwaJehova kucigara pamsoro peimba; ʋakakotamira pasi neɀiso ɀaʋo pakaroŋgwa namabge, ʋakanamata nokuʋoŋga Jehova, ʋaciti: Nokuti wakanaka, nokuti nyasha dzake dzinogara nokusiŋgaperi. Ipapo mambo naʋanhu ʋose ʋakaɓayira ɀiɓayiro pamberi paJehova. Mambo Soromoni akaɓayira ciɓayiro cenzombe dzineɀuru ɀinamakumi maʋiri neɀiʋiri, namakwai aneɀuru ɀinezana namakumi maʋiri. Saiɀoɀo mambo naʋanhu ʋose ʋakatsaurira Mŋari imba iyo. Ʋaprista ʋakamira’po, seɀaʋakagoʋerwa maɓasa aʋo; naʋaRevi ʋo ʋaneɀokuridzira Jehova, ɀakaitwa namambo Davidi, ɀokuʋoŋga Jehova naɀo, nokuti nyasha dzake dzinogara nokusiŋgaperi, paŋguʋa iya Davidi yaakakudza Jehova naɀo; ʋaprista ʋakaridza hwamanda pamberi paʋo, ʋaIsraeri ʋose ʋakamira. Soromoni akatsaura ʋo nɀimbo yapakati yoruʋazhe rwakaŋga ruri pamberi peimba yaJehova; nokuti ndi’po paakaɓayira ɀipiriso ɀinopiswa, namafuta eɀipiriso ɀokuyananisa; nokuti artari yendarira yakaitwa naSoromoni yakaŋga isiŋgagoni kuriŋgana cipiriso cinopiswa, necipiriso coʋupfu, namafuta. Naiɀoɀo Soromoni akatamba mutambo paŋguʋa iyo mazuʋa manomŋe, naʋaIsraeri ʋose pamŋe cete naye, ikaita ʋuŋgano huru‐huru, kubva paʋanopinda paHamati, kuȿikira parukoʋa rweEgipita. Ɀino pazuʋa rorusere ʋakatamba mutambo wokupedzisira; nokuti ʋakatsaura artari mazuʋa manomŋe, ʋakaita mutambo mazuʋa manomŋe. Ɀino pazuʋa ramakumi maʋiri namatatu romŋedzi wecinomŋe akaendisa ʋanhu kumatente aʋo nemŋoyo yakaŋga icifara, icifarira ɀakanaka ɀose ɀakaitira Jehova Davidi, naSoromoni, naʋanhu ʋake ʋaIsraeri.
2 Makoronike 7:1-10 Bhaibhiri Idzva rechiShona (SCLB)
Zvino kuzoti Soromoni apedza kunamata, moto wakatozomoka kudenga ukaroromesa mupiro wokupisa nezvibayiro, kupenya kwokuvapo kwaTenzi kukazadza Temberi yacho. Vapristi havana kugona kupinda mumba yaTenzi pamusana pokuti kupenya kwokuvapo kwaTenzi kwakazadza imba yaTenzi iyoyo. Pakaona vanhu vose veIsiraeri kutozomoka kwakaita moto nokupenya kwokuvapo kwaTenzi paTemberi, vakati kota kota pasi nouso panhandare yakanga yakagadzirwa, vakanamata vakatenda Tenzi vachiti, “Nokuti wakanaka, uye mwoyochena wake hauperi.” Mambo navanhu vose veIsiraeri vakapira zvibayiro kuna Tenzi. Mambo Soromoni akapira zvibayiro zviuru makumi maviri emombe, nehwai zviuru zana namakumi maviri, nokudaro mambo navanhu vose vakateketerera imba iyoyo kuna Mwari. Vapristi vakamira munzvimbo dzavo, vaRevhiwo vaine zvokuridzisa mumhanzi waTenzi zvakagadzirwa namambo Dhavhidhi kuitira kurumbidza Tenzi pamusana pokuti mwoyochena wake hauperi. Dhavhidhi paaivarumbidzisa Mwari, vapristi vairidza mabhosvo vakatarisana navo, vaIsiraeri vose vakamira. Soromoni akaturira kuna Mwari chimwe chidzengerere chapakati poruvanze pokunge toda kupinda mumba yaTenzi. Ndipo paakapirira mupiro wokupisa namafuta omupiro wokuwadzana. Chakanetsa ndechokuti atari iya yendaira yakagadzirwa naSoromoni, yakanga isingakwane kuisa pairi mipiro yokupisa nemipiro yeupfu hwembeswana namafuta. Panguvawo iyoyo Soromoni nevaIsiraeri vose vaaiva navo, vakaita mabiko okupemberera kwamazuva manomwe. Vakanga vari gungano guru kwazvo ravanhu vokubva pokunge tava kuda kusvika kuHamati kusvikira kuKakova keIjipiti. Pazuva rechisere vakaita musangano mukuru wezvokunamata nokuti vakanga vateketerera atari kuna Mwari kwemazuva manomwe, vakachengetawo mazuva makuru kwamazuva manomwe. Pazuva rechimakumi maviri nechitatu romwedzi wechinomwe akaparadza musasa woonekana navanhu kuti vaende kumisha yavo. Vakaenda vasisazive pokuisa mwoyo nokufarira zvinhu zvakanaka zvakanga zvaitwa naTenzi kune muranda wake Dhavhidhi nokuna Soromoni nokuvanhu vake vaIsiraeri.