Atus 12
12
Mas pirsigison
1I na ki tempu ku rei Erodis prindi utru jinti di igreẑa pa maltrata elis. 2I manda mata#Mat 4.21 Tiagu, ermon di Jon, ku spada. 3I oja kuma judeus kontenti ku ki kusa; i kontinua, i manda prindi tambi Pedru. I seduba na ki dias di pon sin#Sai 12.14-15 fermentu. 4Oca ki#Jon 21.18 prindil, i fical na kalabus, i ntregal na mon di kuatru grupu di kuatru soldadu pa e guardal. I mistiba pursental dianti di pobu dipus di festival di Paskua. 5Asin Pedru staba guardadu na kalabus, ma igreẑa ka para pidi Deus pa el.
Pedru tiradu na kalabus
6Na noti ku Erodis na mansiba pa pursental dianti di pobu, na ki mesmu noti, Pedru na durmiba na metadi di dus soldadu, maradu ku dus korenti; guardas staba dianti di porta, e na guarda kalabus. 7Di repenti un anju di Siñor#Kap 5.19 parsi; lus lampra na kalabus. Anju panga Pedru na ombra, i kordal, i falal: “Lanta dipresa!” Korenti kai na si mon.
8Anju falal: “Mara panu, bu kalsa sandalias.” I fasi asin. Anju falal mas: “Kubri ku bu kapa, bu bin ña tras.” 9Anju sai; Pedru sai si tras, sin i ka ntindi kuma kusa ku anju na fasi i bardadi. I na kudaba#Sal 126.1 kuma i un vison. 10Oca ke pasa purmeru ku sugundu guarda, e ciga na porton di feru ku ta da pa prasa. Porton yabri#Kap 16.26 el son. E sai, e yanda un rua ntidu. Anju disparsi, i disal.
11Sintidu di Pedru bin riba pa el; i fala: “Gosi N sibi na bardadi kuma Siñor manda si anju pa libran#Sal 34.7,22; 97.10; Dan 3.28; 6.22; 2 Kor 1.10 na mon di Erodis, di tudu ku pobu judeu na peraba.” 12Dipus di ntindi klaru, i bai pa kasa di#Kap 12.5; 15.37 Maria, mame di Jon ku tene tambi nomi di Markus, nunde ku manga di jinti juntaba, e na ora. 13Oca ki konki porta di kintal, un bajuda ku comadu Rodi sai pa sukuta. 14I rapara fála di Pedru; pa kontentamentu#Luk 24.41 i ka yabri porta, ma i kuri pa dentru, i konta kuma Pedru staba la fora. 15E falal: “Bu ka sta diritu!” Ma el i na ntemaba kuma i bardadi. E fala: “I si#Mat 18.10 anju.” 16Pedru kontinua na konki. Oca ke yabri porta, e ojal, e fika spantadu. 17I sana elis#Kap 13.16; 19.33; 21.40 mon pa e kala, i konta elis kuma ku Siñor tiral na kalabus; i fala: “Bo fika bo konta Tiagu ku utru ermons.” I sai ki ora, i bai pa utru lugar.
18Oca ku sol mansi, i tenba garandi tarpajamentu na metadi di soldadus pabia e ka sibi ke ku kontisi ku Pedru. 19Erodis buska-buskal, i ka ojal. I punta guardas di tudu manera; dipus i manda mata elis. I sai di Judeia, i bai pa Sesareia, i tarda la.
Mortu di Erodis
20Erodis staba ku garandi raiba kontra jinti di Tiru ku Sidon, ma elis e junta pa bin papia ku el. E fasi kamaradia ku Blastu, kil ku ten konta di palasiu. E pidi pas, pabia se tera ta risibi kumida di tera di rei.
21Na un dia markadu, Erodis bisti si ropa di rei, i sinta na tronu, i fasi diskursu. 22Pobu na gritaba: “Es i vos di Deus, i ka di omi!” 23Na ki ora anju di Siñor batil, pabia i ka da Deus#Sal 115.1; Is 42.8 gloria. Bicus kumel, i muri. 24Ma palabra#Kap 6.7; Is 55.11 di Deus mas na kirsi, i na spaja.
25Barnabé ku Saulu kaba ki sirvis di leba oferta#Kap 11.30 pa Jerusalen, e riba di la, e leba Jon#Kap 12.12; 13.5,13; 15.37-39; Kol 4.10; 2 Tim 4.11; Filem 24 ku ta comadu Markus juntu ku elis.
Zvasarudzwa nguva ino
Atus 12: povB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 1993-2020, Instituto de Tradução e Alfabetização