Yohani 3
3
Ci Yis aci Nikotimus
1Ira ko ccay a Farisay a tamdaw. Ci Nikotimus ko ngangan ningra. O kakridan no Yutaya a tamdaw cingra. 2Yo ccay a dadaya tayra cingra i ci Yisan, <<Singsiaw, mafana' kami to nika o nai Kawasay a tayni a papasifana' Kiso. Nawhani ano caay kapoten no Kawas ko tamdaw i, caay pakapidmak ko cimacima to matiyaay o nidmakan Iso a kafahka'an a dmak,>> han ningra a pasowal.
3Paca'of sa ci Yis, <<So'linen Ako a somowal kiso, ano caay liyawen ko tamdaw a mihofoc i#3.3 ano caay liyawen ko tamdaw a mihofoc i -- ano ^ca i, ano caay ko nani Kawasay a milayap ko tamdaw to fa^lohay a 'orip., caay ko papaka'araw to kalahci no Kitakit no Kawas,>> han Ningra.
4Milicay ci Nikotimus, <<Mato'asto ko tamdaw i, samaanen haca ko nipiliyaw a mihofoc saw? Miliyaw haca cingra a micomod i tiyad no ina ta hofocen haw?>> han ningra.
5Paca'of sa ci Yis, <<So'linen Ako a somowal kiso, ano caay hofocen ko tamdaw pakayni i nanom ato Fangcalay 'Adingo i, caay ko mamalafinawlan no Kitakit no Kawas. 6O tireng no tamdaw i, o nihofocan no mama ato ina. Nikawrira, o 'adingo no tamdaw i, o nihofocan no Fangcalay 'Adingo. 7Aka ka fahka' kiso a miharateng toya <O lalaliyawen aca kamo a mihofoc#3.7 O lalaliyawen aca kamo a mihofoc -- ano ^ca i, o mamilayalayap aca kamo to fa^lohay a 'orip nai Kawas.,> sanay a sowal Ako. 8Tinako sa, o harateng sa no fali a mifiyok. Matngil iso ko soni nira, nikawrira, caay ka fana' kiso to nika o nai cowaay a ira ato o tatalacowa koya fali. Mahaen ito ko pihofoc no Fangcalay 'Adingo to hahofocen Ningra a tamdaw,>> han Ningra.
9Milicay ci Nikotimus, <<Ira ko matiraay a dmak saw?>> han ningra.
10Paca'of sa ci Yis, <<O pasifana'ay to Israil kiso i, caay ka fana' kiso tonini a dmak saw? 11So'linen Ako a somowal kiso, o nano kafana'an niyam ato nano ma'araway niyam ko nisowalan niyam i, caay pitngil kamo to sowal niyam. 12Sowalen Ako kamo to pakayniay i no hkalan a dmak i, caay paso'lin kamo. Ano somowamowal Kako to pakayniay i no kakarayanay a dmak i, caay ko papaso'lin kamo. 13Awaayho ko cimacima a tayraay i kakarayan. Deng oya ma^poday nai kakarayan a Wawa no Tamdaw ko tayraay to.>>
14O caca'iten koya nai kakarayanay a Wawa no Tamdaw i kilang a matiya o nipipaca'it ni Mosi to nisanga'an ningra to fodawan a 'oner itira i kohkohan. 15Onini i, o sakaci'oripaw no polong no paso'linay a miti'er i Cingraan to mida'ocay. 16Tadamaolah ko Kawas to tamdamdaw. Saka, padteng sa Cingra a pafli to dengan a Wawa Ningra to saka^caaw ka tkop no cimacima a paso'linay a miti'er i Cingraan. O sakaci'orip nangra to mida'ocay. 17O sakapiocor no Kawas to Wawa Ningra a patayni i hkal i, caay ko sapipastekaw to tamdamdaw i raraw, o sapa'oripaw to tamdamdaw pakayni toya Wawa.
18Caay ka pastek i raraw ko paso'linay a miti'er toya Wawa. Mapastekto i raraw ko caay paso'lin i Cingraan a tamdaw. Nawhani caay paso'lin cingra toya dengan a Wawa no Kawas. 19Tayniayto i hkal ko likat. Nikawrira, caay ka tadaolah ko tamdamdaw to ta^ngaday. O to'manay ko kaolahan nangra. Nawhani tatiih ko dmak nangra. Orasaka, mapastekto cangra i raraw. 20O tatiihay ko dmak a tamdaw i, ma'osi to ta^ngaday. Caay ka kahi a miraod to ta^ngaday. Nawhani matalaw cingra a mahapinang ko tatiihay a dmak ningra. 21Nikawrira, o so'linay ko dmak a tamdaw i, maolah to ta^ngaday. Nawhani mapahapinang i ta^ngaday ko nika o matatodongay i nafaloco'an no Kawas ko dmak Ningra.
Ci Yis aci Yohani
22Nanoya, malahaklong ci Yis ato nisawawaan Ningra a tayra i pala no Yutaya. Itira saho cangra. Mipaino' ci Yis. 23Halo ci Yohani a mipaino' i Ainon i ngata no Salim. Nawhani tata'ang ko nanom itira. Alatayrayra sa ko tamdamdaw i cingraan. Ta paino'en ningra cangra. (24Itiya i, caho ka rofo ci Yohani.)
25Malaliyaliyang ko papinapina a nisawawaan ni Yohani ato ccay a Yutaya a tamdaw to pakayniay i pikorac a lisin. 26Tayra sato cangra ci Yohanian a somowal, <<Singsiaw, oya nipawacayan iso i ci:la i ti:raw no Yortan a 'alo a kapot iso itiya i, mipaino'ay Cingra anini. Tayra ko tamdamdaw a ma^min i Cingraan,>> han nangra.
27Paca'of sa ci Yohani, <<Ano caay ko niparocekan no Kawas ko tamdaw i, caay ko mamidmak cingra to matiraay. 28Caay ko Kristo kako, o niocoran i 'ayaw Ningra kako, yasanay a sowal ako i, kamo ko mamipawacay toya sowal ako. 29Tinako sa, o fa^lohay a pararamoden a fa'inay ko caciramod to kaying. Salipahak sa i tatihi ko widang ningra a mitngil to sowal ningra. Malcad tonini ko nika lipahak ako anini. 30Caay ka ^ca macakat a macakat Cingra, masrer a masrer kako,>> han ningra.
Oya Tayniay nai Kakarayan
31Ikakaay no cimacima ko nika tadamaan noya tayniay nai fafaed. O i tiniay i hkal a tamdaw i, o no hkalan ko pinangan ningra ato sowal ningra. Nikawrira, o tayniay nai kakarayan a Tamdaw i, ikakaay no kalomaamaan ko dmak Ningra. 32O nano ninengnengan Ningra ato nitngilan Ningra ko sapasowal Ningra. Nikawrira, caay ka olah ko tamdaw a mitngil to sowal Ningra. 33I tini i pipakifaloco' no tamdaw to sowal Ningra a mahapinang ko nika o so'linay ko sowal no Kawas sanay. 34O sowal no Kawas ko sasowalen no niocoran no Kawas a Tamdaw. Nawhani pakaynien no Kawas i Fangcalay 'Adingo ko nika rarid Ningra a pa'icel i Cingraan. 35Maolah ko Wama to Wawa Ningra saka, mapatorodto Ningra i Wawa ko polong no dadmaken. 36O paso'linay a miti'er toya Wawa i, o ci'oripay to mida'ocay. O caay paso'lin toya Wawa i, caay ko caci'orip to mida'ocay. Mararid cingra a matfoc no Kawas.
Zvasarudzwa nguva ino
Yohani 3: AMIS2019
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© The Bible Society in Taiwan, 2019