Mapisarema 25:16-22

Dzokerai kwandiri uye mundinzwire nyasha, nokuti ndiri ndoga uye ndinotambudzika. Matambudziko omwoyo wangu awanda; ndisunungurei pakurwadziwa kwangu. Tarirai kutambudzika kwangu nenhamo yangu, mugobvisa zvivi zvangu zvose. Tarirai kuwanda kwaita vavengi vangu, uye kuti vanondivenga zvakakura sei! Rindai upenyu hwangu mugondinunura; ndirege kunyadziswa, nokuti ndinovanda mamuri. Kusanyengera nokururama ngazvindichengete, nokuti tariro yangu iri mamuri. Dzikinurai Israeri, imi Mwari, kuti vabve mumatambudziko avo ose!