Mapisarema 124:1-8

Israeri ngaati dai Jehovha akanga asiri kurutivi kwedu, dai Jehovha akanga asiri kurutivi kwedu patakarwiswa navanhu, apo kutsamwa kwavo kwakatimukira, vangadai vakatimedza tiri vapenyu; mafashamu angadai akatifukidza, mvura zhinji ingadai yakatikukura, mvura zhinji ine hasha ingadai yakatirasira kure. Jehovha ngaarumbidzwe, asina kutendera kuti tibvamburwe nameno avo. Tapunyuka seshiri yabva parugombe rwomuteyi; rugombe rwadamburwa uye tapunyuka. Kubatsirwa kwedu kuri muzita raJehovha, Muiti wedenga nenyika.