Mateo 12:46-50

Jesu paakanga achiri kutaura kuvanhu vazhinji, mai vake navanunʼuna vake vakamira panze vachida kutaura naye. Mumwe akati kwaari, “Mai venyu navanunʼuna venyu vamire panze, vari kuda kutaura nemi.” Akamupindura akati, “Ko, mai vangu ndiani, navanunʼuna vangu ndivanaani?” Achinongedzera vadzidzi vake akati, “Ava ndivo mai vangu navanunʼuna vangu. Nokuti ani naani anoita kuda kwaBaba vangu vari kudenga ndiye mununʼuna wangu nehanzvadzi yangu, namai vangu.”