Kejadian 20
20
Abraham Abimelekh e’birek en tigisa wene
1Pobuk togolik at Abraham en e, o Mamre ano ukpoluk, o Kanaan o leimu eba wagarik, o Kadesh emin, Syur emin ’burl eba welagarik, pobuk loduat o Gerar eba lagarik welaga. 2#Kej. 12:13; 26:7O Garar ebano welat, at Abraham en e, ugwe Sara obok ’baliselat,
“Hwe yu re, an not o,” oluk egeimu re, at ap o Gerar a’ge onue onuk logo a’ge Abimelekh ano en esa’go hwelak poluk,
“Hwe Sara ai, woknosu manis o,” oluk mo’gulentesimu, hwe ano wogosu wegesa. 3Wogosu wegesema oruakma, agauwa mesik pam at Abimelekh nogoso oruakma abi pam Allah en disogo mo’gulesi,
“Hwe ai re, ap ugwe a’geat de, wegenma re, warorogun o,” oluk mo’gulesi.
4At Abimelekh ano en e, hwe Sara ano wesi a’geat de, e’birek owan nogo u erlakma re, wene o’go Allah mo’guleselat,
“Eige! Naik. Nis aphwami wiak togwi erlakhwe, we, yogunat watnonobu op epegen a? 5At Abraham ematek en nak,
An not o, oluk mo’gulnesi ano erlak a? Ye, at hwe Sara en ogo re, an nueat o, oluk mo’gulnesimu yu re, demat egesa, oluk ne’gik pam en wiak mesik takpo erlakma en, nede op pam wegi a’geat de, mo’gulnigen o, naik.”
6Asogo mo’gulesimu, at Allah en abi pam wene ano mo’guleselat e,
“Demat e’gen o. Is en egesa a’ge ai yu re, demat egesa, oluk hede opsogo nak tigen a’ge hiegirik an nil oruakhwe, hwe ai tenhasulat, wiak tagoma no oluk, an en hwerli ’balogo welegi ani o. 7Yogodak hwe ai, ogun edip ogun eiye a’ge wogosi lak o. At ogun ai, an niak mo’guloso holuk mo’gulentasu a’geatma re, hat hakhit se’ban ua holuk, warorogun erlak o. Ye, hwe ai edip ogun wogorogun erlak holuk nak e, hat emin, hue hari emin,
Nis ’berlegat waromulat hegi, oluk epasu lomup o,” oluk mo’gulesi.
8Asogo mo’gulesimu, tono hubet en at Abimelekh ano osi eragam a’ge ’berlegat wemagoluk worlentesimu odoktu egesema, Allah en mo’gulesi a’ge ebano ’berlegat ’beli’gogo mo’gulentesimu, osi ebano onogorlok a’bigat hegesa. 9Onogorlok hogukhwe, at Abimelekh en e, Abraham worlhesimu wagoam e, disogo mo’gulesi.
“Hat nogosogo nonobou wegen? An emin, is aphwami neragam welagai a’ge emin, wiak lok modok taknonobou wegen ano re, nis en ’gesogo takhebegema en de, wiagap nonobou wegen? Asogo togwi erlakhweat de, taknonobou wegen o,” oluk mo’gulesi. 10Asogo mo’gulesirik, Abimelekh en Abraham mesik emin mo’guleselat e,
“Hat hede ’geat epegentik taknonobou wegen a’ge ano in o,” oluk mo’gulesi.
11Asogo mo’gulesimu, at Abraham en e,
“An nede epasulat, is aphwami yema Allah onogorlok hogwi erlakma re, an nebe watnobogulat, nugwe delogo horlouwa hwi a?” oluk egi o. 12Asogo egirik,
At hwe yu, an not demat a’ge o. Nenaik mesigat a’geat de, nenialak nak e, hun hunatma re, wegi o. 13At Allah en e, “Hat haik emin welagai a’ge ’berlegat ugenebasu loroguntik, aphwami ene’gerlakma eba, ap ’bok a’ge ’gela’ge o da’goluk ya’goluk noso lomup o,” oluk mo’gulnesimu, and en nugwe mo’guleselat,
“Hat en an hedeap nobogun holuk e, nis di owi yu owi dagoluk lagalat,
Ap yu, nueat mo’gulentasulom o, oluk mo’gulegismu re, ege o,” oluk mo’gulesi.
14Asogo mo’gulesimu, at Abimelekh ano en hwe Sara ano ogun Abraham wogeselat, domba emin, sapi emin, eragam a’ge hwami emin ap emin, ’berlegat wogesi. 15Asogo wogesirik, at Abraham ano mo’guleselat e,
“O yu ’berlegat ai an enat eiye welegimu re, hat hede yenat edikpoluk wolomup o,” oluk mo’gulesi. 16Mo’gulesirik hwe Sara ano mo’guleselat,
“Is hari hemin welegep a’ge ano ’berlek, at en at hwe Sara ai, demat wiagap po erlakma en, op at we tenak welaga oluk hopouwagoluk, an hat hwe ano uang 1.000 perak a’ge yu wogegis o. Yu tegis a’ge paget, hwe yu wiak erlak modok op at, oluk mo’gulhogu lemagoluk tegis ai o,” oluk mo’gulesi.
17-18At Abimelekh en at Abraham ugwe Sara ano wesimu, is hwami Abimelekh owi pam welagai a’ge ebano enebe ’berlegat abeliapsogo enebesimu re, pobuk togolik enemalik dagonobogu lemagoluk, at Abraham en se’ban enebasuam e, at Allah en Abimelekh emin, ugwe emin, eragam a’ge hwelani ebano emin, obapsogo enebesi.
Zvasarudzwa nguva ino
Kejadian 20: Wul
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda