LUKA 11
11
Yesu mwavuluka kulomba
(Mateu 6.9-15; 7.7-11)
1Kaha casolokele, omu apwile kumwe #3.21; 5.16; 6.12; 9.18, 28; Mako 1.35.nakulomba, hakumanyisa, kambaji kenyi umwe amwambile ngwenyi, Ove Mwata, acitunangule kulomba nganomu anangwile Yowano nawa #5.33; 7.18.tumbaji twenyi.
2Avambile ngwenyi, Omu namulomba, hanjikenu ngwenu, Ove Setu, vajilile lijina lyove. Wangana wove wize.
3Kulya cetu cahakumbi hakumbi tuhanengaco hakumbi hakumbi.
4 #
Mako 11.25; Mateu 18.35. Milonga yetu yaxili tukonekeleyo, mwomwo nayetu vavene nawa tweji kukonekelanga wose ali namukuli kuli etu. Kaha kanda ututwala mwakutwesekako.
5Avambile nawa ngwenyi, Muli enu muli iya ali nasepa lyenyi, kaha mwaya kuli ikiye mukaci kaufuku nakumwamba ngwenyi, Ove sepa lyami, ngulevaneko jimbolo jitatu.
6Mwomwo kuli ami kuneza sepa lyami ali nakutambuka mujila yenyi, kaha kangwexi nakulya cakumuzumbulako.
7Kaha uze ali muzuvo himwamukumbulula ngwenyi, Kanda unguyanjisako, kucikolo vanasokoko lyehi, kaha tunasavala lyehi navana vami hakahela, kangwexi kuhasa kuhinduka nakukuhanajoko.
8Nangumilweza ngwami, cipwe mwakana kuhinduka nakumuhanyinajo hausepa, oloze #18.1-6. haluzaminyina lwenyi hakiko vene mwahindukila nakumuhana jexojo nasake.
9KahAmi nangumilweza ngwami, #Mateu 18.19; 21.22; Mako 11.24; Yako. 1.5-8; Yowa. 1, 5.14-15; Yowa. 15.7; 16.23-24.Lombenunga, kaha navakamihana, Sakasakenunga, kaha namukawana, ngongomwezenunga, kaha navakamisokolwelako.
10Mwomwo woseji kulombanga mwatambula, kahou eji kusakasakanga mwawana, kahou eji kungongomwezanga navakamusokolwelako.
11Muli enu muli iya ali navana, nge mwanenyi mwamulomba mbolo, kaha ikiye himwamuhana lilolwa? Mokomoko nge mwalomba ixi, kaha himwamuhana linoka, kexi ixiko?
12Mokomoko nge mwalomba lisanga, kaha himwamuhana kavwanda?
13Xikaho nge enu, cipwe muvapi, oloze munatacikiza mwakuhanyina mawana amwenemwene kuli vana venu, kaha Senu wamwilu mwahambakana cikuma nyi, kuhana Xipilitu wajila kuli ava veji kumulombangayo?
Zuvo yakulihandununa kayexi kuhasa kwimanako
(Mateu 12.22-30; Mako 3.19-27)
14Kaha apwile nakulovola ndemone apwile waumama. Kaha casolokele, omu alingile uze ndemone hanalovoka lyehi, uze kamama ahanjikile, kaha mayongomena alikomokelele.
15Oloze vakwavo vamwe valyambile ngwavo, #Mateu 10.25.Eji kuvalovolanga vandemone muli mwangana wavandemone Mbelezembule.
16Veka nawa vamwesekele, vasakile ngwavo, #Mateu 12.38; 16.1; Mako 8.11; Yowa. 2.18; 6.30.avalweze cinjikizo cakufuma mwilu.
17Oloze Ikiye atacikijile vixinganyeka vyavo, avambile ngwenyi, Wose wangana wakulihandununa navakaulingisa kupwa wahwilici, kaha zuvo yakulihandununa nayikanonga.
18Kaci nge naivene Satana nawa nalihandununa, kaha wangana wenyi nawimana ngacilihi? mwomwo namwamba ngwenu, ngweji kuvalovolanga vandemone muli Mbelezembule.
19Oloze kaci nge Ami ngweji kuvalovolanga vandemone muli Mbelezembule, kaha vana venu veji kuvalovolanga muliya? Xikaho vakivo navapwa vaka-kumipayisa.
20Oloze nge Ami ngweji kuvalovolanga vandemone #Kulo. 8.19.namunwe waKalunga, kaha wangana waKalunga unamiwane vene.
21Cindume ukweci vyuma vyajita vyosena, omu mwalama zuvo yenyi, vikumba vyenyi navikongamanga.
22Oloze cosena nakwiza mutu weka wakumuhambakana ngolo nakumuhasa, mwamunyanga vyuma vyenyi vyajita afwelela, kaha vize vyenyi vyakupukula mwavipangila.
23 #
9.50. Ou nakane kupwa kuli Ami ali nayAmi nakole, kahou nakane kukungulwila nayAmi hamwe ali nakumwanga.
Xipilitu wamupi mwakinduluka ceka
(Mateu 12.43-45)
24Xipilitu wamupi hakulovoka muli mutu, mwatambatamba muze mwazeneka meya nakutonda kwakunokela. Kaha hakuhona kuwanako, himwalyamba ngwenyi, Nangukinduluka ceka muzuvo yami ngwalovokanga.
25Hakwiza mwawana mwakukomba mwakwala.
26Kaha himwaya nakulisakila vaxipilitu veka vatanu navavali vakumuhambakana ikiye kupihya, kaha hinavengilamo nakutwamangamo. #Mateu 12.45; Petu. 2, 2.20. Kahomu mwayou mutu mwakukuminyina hinamupihya kuhambakana mwenyi mwakulivanga.
Kutokwa ca pundu
27Kaha casolokele, omu apwile nakuhanjika mazu awa, kuliyongomena kwapwile pwevo atambakanyine nakumwamba ngwenyi, #1.42; 23.29.Lyatokwa lijimo lize lyakwimicile, namavele aze wamwine.
28Oloze Ikiye amwambile ngwenyi, Nduma, #8.21; Yowa. 15.4.vatokwa xinava veji kwivwililanga mazu aKalunga nakuwalamanga.
Vaka-tanga yayipi navasaka cinjikizo
(Mateu 12.38-42)
29Omu apwile mayongomena nakulihomena kuli Ikiye aputukile kuvamba ngwenyi, #Mateu 16.4; Mako 8.12.Vaka-tanga yino vapwa vaka-tanga yayipi. #v. 16.Veji kusakanga cinjikizo, oloze kavexi kukavalweza cinjikizo cekako, xinoco cinjikizo kana #Yona 3.4-5.caYona kaha.
30Mwomwo nge muze apwile Yona cinjikizo kuli vaka-Nyineve, mukiko nawa mumwakapwa Mwanamutu cinjikizo kuli vaka-tanga yino.
31Halikumbi lyakusopesa vatu #Vamya. 1, 10.1-10; Miji. 2, 9.1-12.uze mwangana wapwevo wakusulo mwakakatuka namalunga vaka-tanga yino hamwe nakuvapayisa, mwomwo ikiye afumine kujisongo jamafuci, ejile nakwivwilila mangana aSolomone. Kaha talenu, hano hali Ou amuhambakana Solomone.
32Halikumbi lyakusopesa vatu vaze malunga vakuNyineve navakemana navaka-tanga yino hamwe nakuvapayisa, mwomwo vakivo vapihililile nakwalumuka hakwambulula caYona. Kaha talenu, #Mateu 12.6.hano hali Ou amuhambakana Yona.
Linongo lyamujimba
(Mateu 6.22-23)
33 #
8.16; Mateu 5.15; Mako 4.21. Kakwexi mutu umwe mwawika linongo nakulihaka muzuvo yamuxiko, cipwe kulifwikila mumbango, oloze mwalihaka halitanda lyalyo, mangana vaze navengila muzuvo vamone kumunyika calyo.
34Linongo lyamujimba wove likiko vene liso lyove. Omu linatale liso lyove mumwe kaha, mumujimba wove wosena namupwa kumunyika lika. Oloze nge linapihi, mujimba wove wosena naupwa milima.
35Xikaho talanga kanawa kucina kumunyika cili muli ove nacipwa milima.
36Xikaho, kaci nge mumujimba wove wosena muli kumunyika lika cakuzeneka milima cipwe mumwe, kaha mwosena namupwa kumunyika lika nge omu nakumunyika kanawa linongo nakukumunyikila.
Yesu mwavahanjikila vaFwaliseu navaka-jiximbi
(Mateu 23.1-36; Mako 12.38-40; Luka 20.45-47)
37Jino omu apwile nakuhanjika, #7.36; 14.1.kwejile kaFwaliseu nakumusaka ngwenyi, aye akalye nenyi. Kahengilile asendavalile kumesa.
38Uze kaFwaliseu hakucimona, #Mako 7.1-5.alikomokelele mwomwo Yesu #Mateu 15.2.kavangilile kusana numba alyengako.
39Kaha #7.13.Mwata amwambile ngwenyi, Jino enu vaFwaliseu mweji kutomesanga kusali yalupasa nacenga, oloze mujitulo jenu munazale nalulami nakuhuka.
40 #
12.20; Koli. 1, 15.36. Enu mwahulama! Ou atengele kusali katengele nawa mutuloko numba?
41Oloze hanenu mawana avyuma vize vili mutulo, kaha talenu, #Citu. 1.15; Mako 7.19.vyuma vyosena navitoma kuli enu.
42 #
Mateu 23.23-24. Oloze mama lelo hali enu, enu vaFwaliseu! Mwomwo mweji kuhanangevi #18.12; Levi 27.30.vyakusokesa mumakumi vyalwenyi navyapenganone navyavisakwola vyosena, oloze #Mika 6.8.ciyulo nazangi yaKalunga mweji kuvizombokanga. Oloze kaci evi munavilingi, navize nawa kaci kamwavisezeleko.
43Mama lelo hali enu, enu vaFwaliseu! Mwomwo #14.7; 20.46; Mateu 23.6-7; Mako 12.38-39.mweji kuzanganga Vitwamo vyaulemu mujisunangonga, nakumimenejeka kuvilanjilo.
44 #
Mateu 23.27. Mama lelo hali enu! Mwomwo munapu nge muvimbumbe vinahono kulumbunuka, vatu hakuhitaho navahona kucitacikiza.
45Jino kuli #Mateu 22.35.vaka-jiximbi umwe amukumbulwile ngwenyi, Ove mukakunangula, ove hakuhanjika ngoco uli nakutusawila kumwe nayetu nawa.
46Ikiye ambile ngwenyi, Mama lelo nahali enu vaka-jiximbi nawa! #Mateu 23.4.Mwomwo mweji kuvafwikanga vatu viteli cacikalu kuvimbata, oloze enu vavene kamwexi kunangika cipwe munwe umwe kuviteli kanako.
47 #
Vili. 7.51-53. Mama lelo hali enu! Mwomwo mweji kutunganga vimbumbe vyavapolofweto, kaha vakakuluka jenu vakivo vavajihile.
48Ngoco munapu muvinjiho, munalikundwiza navakakuluka jenu kuvilinga vyavo. Mwomwo vakivo vavajihile, kahenu mweji kutunganga vimbumbe vyavo.
49Xikaho #Koli. 1, 1.24; Kolo. 2.3.namangana aKalunga nawa ambile ngwawo, Nangukavatumina vapolofweto navaposetolo. Vamwe navakavajihajiha nakuvayanjisa,
50mangana manyinga avapolofweto vosenawa vanamwange #Mateu 25.34.kufumisa kukwala cihela camavu vakavehulewo vaka-tanga yino,
51kufumisa kumanyinga #Kupu. 4.8.aAvele nakuheta kumanyinga #Miji. 2, 24.20-21; Zeka. 1.1.aZekaliya, uze anongelele mukaci kalijiko lyakulumbila nazuvo yajila. Mwomwo vene nangumilweza ngwami, osena navakavehulawo vaka-tanga yino.
52 #
Mateu 23.13. Mama lelo hali enu vaka-jiximbi! Mwomwo sapi yacinyingi munayifumisako. Enu vavene kamwengililemoko, kaha nawa vaze vapwile nakwingilamo mwavakanyixile.
53Omu alingile hanalovoka lyehi kuze, vaka-kusoneka navaFwaliseu vaputukile kumuxinjila cikuma nakumusowangiza ngwavo, avuluke vyavivulu,
54 #
20.20; Mako 3.2. nakumuleleveka #Mako 12.13.mangana ngwavo, vawanyineho kanyinyilo hamazu enyi amukanwa kenyi.
Zvasarudzwa nguva ino
LUKA 11: LUE70
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Luvale Bible © Bible Society of Zambia, 1970.